AEBren zigorrek Trumpen etsipena erakutsi dute, Maduroren esanetan
Nicolas Maduro Venezuelako presidenteak ziurtatu duenez, Ameriketako Estatu Batuetako Gobernuak bere aurka ezarritako zigorrek Donald Trumpen "etsipena" eta "gorrotoa" erakutsi dute. Maduroren esanetan, berak ez ditu "atzerritik datozen aginduak betetzen" eta "herri venezuelarrak aske izatea erabaki du".
"Ez ditut atzerritik datozen aginduak betetzen, presidente independentea naiz, inperialismo estatubatuarraren aurka nago", esan du. "Edozein neurri hartzen dutela ere, herri venezuelarrak aske izatea erabaki du", Telesurrek jasotako adierazpenen arabera.
"Haserreak gidatutako erantzuna izan da, Venezuelako herriak ez duelako kasurik egin eta Konstituziogilea bertan behera utzi", esan du Madurok. Presidentearen arabera, hauteskunde hauen helburua nazioa "elkarrizketarantz, bakerantz eta terrorismoaren aurkako borrokarantz bideratzea" izan da, errugabetasuna alde batera utzita.
Halaber, presidenteak adierazi duenez, "inperio estatubatuarrarenak inoiz izango ez diren baliabide naturalak defendatzeagatik" zigortu dute.
AEBren esanetan, Asanblea Nazional Konstituziogilea osatzeko hauteskundeek "modu demokratikoan aukeratutako Asanblea Nazionalaren zeregina usurpatzea, Konstituzioa berridatzi eta Venezuelako herriari erregimen autoritarioa inposatzeko" helburua dute.
Capriles, baikor
Henrique Capriles oposizioko ordezkariak esan du baikor dagoela Gobernua aldatzeko aukeraren aurrean, Asanblea Nazional Konstituziogilea gorabehera. Hauteskundeak "diktadura egonkortzeko saiakera" izan dela deritzo.
"Barkatuko didazue, baina gertatutakoaren ostean baikor nago (…) Atzokoa porrot historikoa izan zen, ildo ofiziala ordezkatzen dutenen porrot handiena bere historian eta herrialdearen historian. Nire ustez, aldaketa politiko desiratuaren eta atzeratuaren hasiera da", esan du Instagramen bidez argitaratutako mezu batean.
Manifestari bat, Poliziari eraso egiten, hauteskundeen egunean. Argazkia: EFE
10 hildako hauteskunde egunean
Luisa Ortega Diaz Venezuelako fiskal nagusiaren arabera, "atzo, erantzukizunez diot, 10 pertsona hil ziren akastutako hauteskundeen testuinguruan".
Halere, fiskalak adierazi du ez direla soilik protestei lotutako indarkeriazko gertakariak izan.
Fiskalak azaldu duenez, "herrialde baten egonkortasuna hilketa kopuruarekin neurtzen da", eta azken laur urteetako zifrak alarma eragiteko modukoak dira.
modukoak dira.Zure interesekoa izan daiteke
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.