Kontzertu bat bertan behera Holandan, Espainian antzemandako mehatxuagatik
Holandako agintariek bertan behera utzi dute asteazkenean Rotterdameko areto batean egitekoa zen kontzertu bat; izan ere, Espainiako Poliziak abisua helarazi zien: 'mehatxu terrorista' zegoen, Ahmed Aboutaleb alkatearen esanetan. Hain zuzen, alkateak baieztatu du Espainiako matrikulak zituen furgoneta bat topatu dutela; barnean, gas-bonbonak zeuden. Dena den, eta lehen ikerketen arabera, ematen du ez dela ekintza terroristarik izan.
Maassilo aretoan jo behar zuen Allah-las talde estatubatuarrak; taldeak Twitterren kontzertua bertan behera utziko zutela iragarri du, eta baieztatu du agindua 'mehatxu terrorista batengatik' emana zela. Lekua hustu dute 19:00ak baino apur bat lehenago; ikuskizuna ordu bat eta erdi geroago zen hastekoa.
Herbehereetako Poliziak agiri batean jakitera eman duenez, aretoa hustu zuten ikuskizunaren antolatzaileekin hitz eginda eta jasotako abisua sinesgarritzat jota.
Abisu 'serioa'
Aboutalebek prentsaurrekoan azaldu duenez, abisua Espainiako segurtasun-indarrek eman dute, eta serioa zen oso; hortaz, erabaki dute neurriak hartzea. Espainiako Poliziak esan duenez, aukera zegoen atentatu bat izateko kontzertuan zehar.
Aretoaren ondoan matrikula espainiarrak zituen ibilgailu bat topatu dute segurtasun-indarrek; horretan, hainbat gas-bonba zeuden. Gidaria atxilotu dute, espainiarra da. Rotterdameko Poliziak txio batean adierazi duenez, polizia-bulegoetan dago, galdeketaren zain.
NOS kate holandarrak aipatutako polizia-iturriek aseguratu dutenez, indar berezietako talde bat bertaratu da, bai eta balen aurkako txalekoak zeramatzaten zenbait agente. Gunea sokaz inguratuta dago.
Espainiako segurtasun-indarrek uste dute ez zela ekintza terroristarik
Eferi terrorismoaren aurkako borrokaren iturriek esan diotenez, datu gehiago eta behin betiko baieztapenaren faltan, ekintza terrorista izatea baztertzen da.
Antza, furgonetako gidaria, espainiarra baina oraindik ez identifikatua, atxilotuta badago ere, mozkortuta zegoen, eta bonbonak etxean erabiltzekoak ziren.
Zure interesekoa izan daiteke
Ekialde Hurbila gerraren hirugarren astean sartu da, eraso artean eta Ormuzeko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen den bitartean. AEBk merkatua ireki dio aldi baterako Irango petrolio gordinari, eta ez du argitu Ormuzen esku hartuko duen ala ez.
Israelgo poliziak gas negar-eragilearekin sakabanatu ditu Al Aqsa meskitara hurbildu diren palestinarrak
Meskita hori musulmanentzako hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da. Beraz, fededun asko Jerusalemgo Hiri Zaharreko harresitik kanpo elkartu dira Ramadan amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani, "herrialde anaiak" direlako, "musulmanen zatiketa saihesteko". Helburu horrekin, bitartekari izateko borondatea agertu du Khameneik.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.