Ipar Koreak hiru misil balistiko jaurti ditu itsasora
Gutxienez hiru misil balistiko jaurti ditu Ipar Koreak, ekialdeko kostaldetik Japoniako itsasorantz, Hego Koreak eta Amerikako Estatu Batuak jakitera eman dutenez. Antza denez, horietako bik porrot egin dute saiakera berri horretan, bestea berriz, Japoniako uretan lehertu egin omen da.
Jaurtiketa 06:49ean egin dute (ostiraleko 21:49an, gurean) Gangwoneko probintziatik, herrialdearen ekialdetik, Ekialdeko Itsasorako norabidean, Hego Koreako Estatu Nagusiak (JCS) zehaztu duenez. Dena dela, oraindik ez dituzte Pyongyangen jaurtitako misil balistiko horien ezaugarriak aztertu.
Hego Koreako Armadaren arabera, jaurtitako misil batzuk 250 kilometro baino gehiago egin dituzte Japoniako Itsasoan erori aurretik. Alabaina, saiakera berriak porrot egin duela ziurtatu du AEBko Armadak.
“Lehen datuen arabera, Ipar Koreak hiru misil balistiko jaurti ditu” Gitdaeryong inguruan, esan du AEBko Armadak sare sozialetan zabaldutako mezu batean.
Uztailaren 28an Ipar Koreak kontinentearteko misil balistiko bat jaurti zuen, gauez egindako ezohiko saiakera batean. Misilak 450 kilometroko distantzia egin zuen, 560 km-ko altuerarekin, eta Gune Ekonomiko Berezian erori zen. Arrazoi horregatik, NBEk merkatu arloko zigor gehiago ezarri zizkion Kim Jong-unen erregimenari.
Erabaki horri erantzunez, AEBri mehatxu egin zion Ipar Koreak, eta Donald Trump AEBko presidenteak modu berean erantzun zion. Ondorioz, Kim Jong-unen erregimenaren eta AEBren arteko tentsioak gorakada nabarmena izan zuen.
Zure interesekoa izan daiteke
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.