AEBren kontrako defentsa gaitasuna handituko duela esan du Iranek
Irango Indar Armatuek "etenik gabe" jarraituko dute beren defentsarako gaitasunak garatzen eta hobetzen "AEBko erregimen ustelari aurre egiteko", Masud Yazayeri bozeramaileka adierazi duenez.
Hala erantzun dio Iranek ostiral honetan Donald Trump AEBko presidenteak Iranekin sinatutako akordio militarra bertan behera uzteko egindako mehatxuaren aurrean. Izan ere, AEBko presidenteak iragarri zuenez, bere bermea erretiratu dio Iranekin 2015ean lorturiko akordio nuklearrari, eta hitzarmena behin betiko apurtzearekin mehatxu egin zuen, hilabete gutxiren buruan aldatzea lortzen ez badu.
Hitz horien ostean, Yazayerik adierazi du Irango indarrak lehen baino "argiago" dutela eta "arrazoi gehiago" dituztela, eta "mundu osoko zapalduak babesten" jarraituko dutela. Irango indarrek bultzatutako ekintzek "ondorioak izango dituzte kanpoaldean", eta Trumpek "bere garaian" ikusiko ditu.
2015eko akordioa
Iranek eta mundu mailako sei potentzia handik akordio nuklearra lortu zuten 2015ean, Iranen kontrako zigorrak bertan behera uztearen truke. Horren ostean, AEBko Kongresuak akordio horren inguruko lege bat onartu zuen Horren arabera, AEBko Kongresuak Iranekiko akordioari buruz hitz egitera behartzen du presidentea, 90 egunez behin.
Etxe Zurira heldu zenetik, Trumpek birritan gaiari buruzko bere iritzia eman badu ere, oraingoan testua zuzentzeko eta "marra gorriak" jartzeko eskatu die legegileei, konpromisoak urratuz gero, "automatikoki" Irani zigorrak ezartzeko.
Albiste gehiago mundua
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.
Leon XVI .a aita santuak deia egin die gazteei "gauza handiak lortzea " helburu izateko eta kontsumismoa baztertzeko
Erroman eginako Gazteen Jubileua ixteko, aita santuak elkartasuna adierazi die Gazan eta Ukrainan gerra pairatzen ari diren gazteei.
Gizon bat espetxeratu dute Frantzian, emaztea mozkortzea egotzita, beste gizon batzuekin sexu-harremanak izatera behartzeko
62 urteko gizonezkoari emaztearen baimenik gabe topaketak antolatzea leporatzen diote, Gisele Pelicoten kasuaren eskandalua gogorarazten duen kasu batean.
60.000 pertsona inguru manifestatu dira Tel Aviven, Gazan bahituen bideoak zabaldu ostean
Gazako gatibuak Israelera bueltan eramango dituen su-eten akordio bat eskatu dute, ohi baino jende gehiagorekin egindako protesta jendetsuan, horien bideo batzuk zabaldu ostean. Bideo horietan, bahituek muturreko argaltasuna erakusten dute eta akordio bat eskatzen diete agintariei. Israelek 104 pertsona hil ditu azken orduotan Gazako Zerrendan.
Hamasek dio ez dela desarmatuko Estatu palestinar bat ezarri arte
Horrela erantzuten dio Steve Witkoff AEBk Ekialde Hurbilean duen mandatariari, talde islamista armak uzteko prest zegoela esan ondoren.