Lau pertsona zauritu dituzte New Yorken izandako atentatu saiakera batean
New Yorkeko suhiltzaileek baieztatu dutenez, lau pertsona zauritu dira hau hiriko autobus-geltoki nagusian izandako leherketa batean.
"Atentatu saiakera"ren (hala deitu du Bil de Blasio alkateak) ustezko egilea Akayed Ullah (27 urte) dela baieztatu dute hiriko agintariek emandako prentsaurrekoan. Larrien zauritu den pertsona dela ere argitu dute.
Hasieran zauritu bakarra zegoela jakinarazi dute: aldean zeraman lehergailua eztandarazi duen gaztea. Ondoren, ordea, lau pertsona zauritu direla adierazi dute agintariek.
Ez dute zauritutako biktimen larritasunaren berri eman. Halaber, ez dute zehaztu leherketaren ondorioz zauritu diren, edo jendea ihes irten denean.
New Yorkeko Portuko Agintaritzako autobus-geltokia. Argazkia: EFE
Bertako komunikabideek zehaztu dutenez, susmagarriak bigarren lehergailu bat zeraman soinean, baina ez du eztandarik egin. Hala ere, iturri ofizialek ez dute baieztatu.
Gertakaria 08:00etan (13:00 GMT) jazo da, lanera joateko puntako orduan, alegia.
Poliziak bertara ez hurbiltzeko gomendioa eman du, eta Times Squareko eta autobus geltokitik pasatzen den metro zerbitzua bertan behera geratu da.
Polizia batek jakitera eman duenez, "Portuko Agintaritzaren azpian leherketa bat izan da, metroan. Hori da oraingoz guztia".
"Ihesaldia izan da eskaileretatik", azaldu du Diego Fernandez bidaiariak. "Mundu guztia ikaraturik, korrikan eta oihuka ari zen", erantsi du.
Etxe Zuriak Kongresuari egotzi dio atentatuaren errua
Sarah Huckabee Sanders Etxe Zuriko bozeramaileak Ameriketako Estatu Batuetako (AEB) Kongresuari egotzi dio New Yorkeko atentatuaren errua, Donald Trump presidente estatubatuarrak migrazio politikak gogortzeko egindako proposamena ez babesteagatik. "Kongresuak zerbait egin izan balu, halakorik ez litzateke gertatuko", adierazi du Sandersek kazetarien aurrean.
Donald Trump AEBko presidenteak gaur ziurtatu duenez, migrazio politika aldatzea "premiazkoa" da. Trumpen esanetan, ustezko erasotzailea familia bateratzeko bisa bati esker sartu zen AEBn.
Zure interesekoa izan daiteke
Dick Cheney AEBko presidenteorde ohia hil da, 84 urterekin
George W. Bushen Gobernuko bigarrena Defentsa Saileko buru ere izan zen, eta garai batean Alderdi Errepublikanoaren zutabeetako bat.
Zohran Mamdani, New Yorkeko eraberritze aurrerakoia gorpuzteko prest dagoen gizona
34 urterekin, Mamdanik Alderdi Demokratako olatu aurrerakoi, kulturaniztun eta ezkertiar berria irudikatzen du, eta astearte honetako New Yorkeko Alkatetzarako hauteskundeak irabazteko faborito argia da. Bere alderdiko liderren babes argirik ez duen arren, ezkerrera biratu eta izaera sozialeko politika publikoen egarri diren gazteen babesa du.
500 milioi haur baino gehiago bizi dira gatazka armatuen eremuetan
Save the Children gobernuz kanpoko erakundearen arabera, 2024an 520 milioi adingabe baino gehiago bizi ziren gatazka-guneetan. Afrika da eskualde kaltetuena: kontinente horretako haur guztien % 32 indarkeria armatuaren eraginpean bizi dira. 2024an, egunero, batez beste, 78 haur erailketen, bahiketen, sexu-erasoen eta mutilazioen biktima izan ziren, besteak beste.
‘Melissa’ urakanak Jamaikan eragindako suntsipena
Melissa urakanak suntsipena eragin du Jamaika uhartean, eta gutxienez 28 hildako dira jada. Urakanak "aurrekaririk gabeko" hondamendia eragin duela adierazi dute Jamaikako agintariek. Horrela geratu da uhartea, Melissaren astinduaren ondoren.
6,3 graduko lurrikara batek Afganistan iparraldea astindu du
Lurrikararen ondorioz, 27 hildako eta 700 zauritu baino gehiago izan dira, baina bilaketa- eta erreskate-lanek aurrera jarraitzen dute, eta ez da baztertzen datozen orduetan hildakoen kopuruak gora egitea.
Trumpek esan du ez duela uste AEBk Venezuelaren kontrako gerrarik egingo duenik, baina ez du planei buruz hitz egin nahi izan
"Zer erantzun diezaioket horrelako galdera bati? Ba al dago Venezuelan eraso bat egiteko planik? Nork esango luke hori? Halakorik balego, esan egingo nizukeela uste duzue, zintzoki? Bai, planak ditugu. Oso plan sekretuak ditugu", esan du 'Air Force One' hegazkinean. "Begira, ikusiko dugu Venezuelarekin zer gertatzen den", adierazi zuen, eta Venezuelako Gobernuak "milaka pertsona bidali zituen kartzeletatik, erakunde mentaletatik eta mendekotasun zentroetatik".
2007tik aurrera jaiotakoei erretzea debekatu die Maldivetako Gobernuak, horrelako erabaki bat hartu duen lehen herrialdea bihurtuz
Debekua aitzindaria da munduan, eta "ohitura ez osasungarriak desagerraraztea eta belaunaldi osasungarria eraikitzea" du helburu, presidenteak azaldu duenez.
Hamasek beste hiru gorpu entregatu dizkio Israeli
Bestalde, Israelek gazatarren 225 gorpu itzuli ditu, horietako asko abusuen eta torturen zantzuekin.
Poliziak ez du Londres iparraldeko tren batean izandako erasoa terrorismoarekin lotzeko zantzurik sumatu
Britainiarrak dira erasoaren bi egileak, eta "ez du terrorismoarekin zerikusirik", esan du prentsaurrekoan Garraoi Poliziaren buru John Lovelessek. Zauritutako hamar lagunetatik bi egoera kritikoan daude, "hiltzeko arriskuan".
Israelek Hezbollahko buruzagi bat hil du Libano hegoaldean egindako erasoetan
Gainera, Israelgo indarrek erasoak areagotzeko mehatxua egin dute, Beiruti milizia xiitaren armagabetzean porrot egin izana leporatu ostean.