Venezuelako Parlamentuak legez kanpokotzat jo du petroa, Maduroren diru digitala
Venezuelako Asanblada Nazionala legez kanpokotzat jo du petroa, alegia, Nicolas Maduroren Gobernuak sortutako diru digitala; petroaren xedea zen herrialdea pairatzen ari den krisi ekonomikoaren aurka egitea, eta, hain zuzen, urtarrilaren 5ean presidenteak iragarri zuen 100 milioi petro jaulkiko zituztela.
"Asanblada honek hauxe esan dio munduari: Gobernuak sortu nahi duen diru digital hori legez kanpokoa dela", esan du Carlos Valero diputatu oposiziogileak, 'El Universal' egunkariak jakitera eman duenez.
Valerok nabarmendu du Gobernuaren asmoa dela "zorpetzearen gaineko Parlamentuaren kontrola saihestea, krisialdi ekonomikoari irtenbidea emateko"; hala ere, haren iritziz, "diru digitalak ez du Venezuelako arazoak konpontzerik".
Jorge Millan oposizioko diputatuak, berriz, honako hau ohartarazi die petroetan inbertitzeko asmoa dutenei: aldaketa egotekotan, Gobernu berriak ez luke aintzat hartuko petroa, legez kanpokoa baita.
Petrolio-erreserbak, bermea
Venezuelako petrolio-erreserbak dira petroaren babesa. Gobernuak iragarrita du 6.000 milioi dolar jaulkiko dituztela petrotan, aurki; herrialdeko bazkideei diru digital hori egiteko deia egin die, transakzioak gauzatzeko.
"Hau ez da diru digitala; hau Venezuelako petrolioaren salmenta da; demokrazia bueltatzen denean, aktibo hori, petrolioa, ez zaie bermatuko inbestitzaileei", nabarmendu du Millanek.
Konstituzioak dio petrolioaren jabea Estatua dela; petrolio-erreserbetan oinarritutako edozein finantza-estrategiak, hortaz, Kongresuaren bermea beharko luke, eta Gobernuak Kongresuaren kontrola galduta du, 2016tik.
Madurok argudiatu du petroaren xedea dela Venezuelako eta tokiko eskuinari egozten dion “gerra ekonomikoa”ren aurka borrokatzea; gerra horren ondorioz, herrialdeko supermerkatuetan ez daude behar-beharrezko hainbat produktu.
Madurok 100 milioi petro jaulkiko zituztela iragarri zuen aurreko astean
Esan bezala, Nicolas Madurok, hilaren 5ean, iragarri zuen 100 milioi petro jaulkiko zituztela; Estatu buruaren hitzetan, "moneta-unitate hori Venezuelako diru digitala da; haren balioa herrialdeko petrolioak nazioarteko merkatuan duenaren parekoa da".
"Agindu dut 100 milioi petro jaulkitzea, Venezuelako petrolio-ondasunen berma legala baliatuz", esan zuen Madurok, urteko lehen ministro-bilera amaituta: "Petro bakoitzaren balioa gure herrialdeko petrolio-barril batek duenaren parekoa izango da". Egun hartan, Venezuelako barril batek 59 dolarreko balioa zuen.
Madurok, halaber, truke-etxe digitalak aktibatuko zirela esan zuen; diru digitalaren azken helburua zen Venezuelako Gobernuaren aurkako AEBren finantza-zigorrei aurre egitea. Abuztuan erabaki zuen AEBk zigor horiek ezartzea.
Presidenteak, gainera, beste neurri bat zuen zehaztuta, hori abenduaren 27ean: hain zuzen, Orinoko Petrokio Guneko bloke batean zeuden 5.000 milioi barril erabiltzea, petroa bermatzeko asmoarekin.
Albiste gehiago mundua
Mikel Ayestaran: "Agian larunbatean edo igandean izango da (bahitu israeldarren eta preso palestinarren) trukea
Mikel Ayestaran EITBren Ekialde Hurbileko berriemaileak azaldu duenez, Israelek eta Hamasek adostutako su-etena eguerdian sartuko da indarrean (11:00ak Euskal Herrian). Hortik aurrera, 72 orduko epea irekiko da Gazarako bake-planaren lehen fasean adostutakoa gauzatzeko, tartean, bahitu eta preso palestinarren trukea eta Israelgo Armadaren erretiratze partziala.
Trump, Bakearen Nobel sariaren irabazlea ezagutu atarian: "Agian aitzakia bat aurkituko dute niri ez emateko"
Israel eta Hamasen arteko akordioaren berri izan aurretik, Ameriketako Estatu Batuetako presidenteak Bakearen Nobel Saria merezi duela berretsi du zazpi gerrari amaiera eman dielakoan.
Trumpek igandean joan asmo du Ekialde Hurbilera
Bakearen Nobel Saria jaso gura lukeen AEBko agintariak, Truth Social sarean zabaldu diu akordioaren berri. "Israelek bere tropak erretiratuko ditu bake sendo, iraunkor eta betiko baterako lehen urrats gisa adostutako ildo batera", esan du Trumpek, eta gaineratu du "bahitu GUZTIAK laster askatuko" dituztela.
Zer dakigu Gazako bake-planari buruz?
Israelek eta Hamasek ostegun honetan hitzartu duten bake-planaren lehen fasean, Gazako Zerrendan egindako erasoaldia bertan behera utzi beharko luke Israelek. Hamasek bizirik dauden bahitu eta hildako guztiak entregatu beharko lituzke, eta Israelek ia 2.000 preso palestinar askatu.
Trumpek Fox Newsen iragarri du Gazarako bake akordioa
Donald Trump AEBko presidenteak adierazi duenez, Hamas Erresistentzia Islamikoaren Mugimenduaren eskuetan dauden bahituak "ziurrenik" urriaren 13an askatuko dituzte, Gazako Zerrendaren etorkizunerako planaren lehen fasean, talde palestinarrak eta Israelgo agintariek akordio bat lortu dutela iragarri eta gutxira. "Ziurrenik astelehenean itzuliko dira guztiak, eta horrek hildakoen gorpuak ere hartuko ditu", adierazi du Fox News telebista-kate estatubatuarrari eskainitako elkarrizketa batean. "Une honetan bahituak askatzeko hainbat ekintza egiten ari dira", adierazi du, "egoera izugarri batean daudelako". Etxe Zuriko maizterrak hitzeman duenez, "Gaza leku seguruagoa izango da, berreraikiko da eta inguruko beste herrialde batzuek berreraikitzen lagunduko dute, aberastasun handia dutelako eta hori gertatzea nahi dutelako".
Israelek eta Hamasek akordioa lortu dute Gazarako bake-planaren lehen faseari buruz
Akordioaren arabera, Hamasek 48 bahituak aske uztearen truke Israelek 2.000 bat preso palestinar libre utziko ditu. Donald Trump AEBko presidenteak eman du akordioaren berri, eta ondoren bi aldeek eta bitartekariek baieztatu dute.
Macronek lehen ministro berri bat izendatuko du asteburua baino lehen, Lecornuren gomendioa aintzat hartuta
Frantziako jarduneko lehen ministroak bere “misioa bukatutzat” eman du, eta Macroni gomendatu dio lehen ministro berria izendatzeko. Oraindik, akordiorako aukera badela sinetsita dago, eta horregatik, hauteskundeak ez aurreratzeko aholkatu dio.
Bahituen eta preso palestinarren zerrendak trukatu dituzte Gazako su-eten planaren elkarrizketetan
Hamasek iragarri du elkartrukea elkarrizketen hirugarren egunean. AEBko Ekialde Ertainerako ordezkaria, Steve Witkoff, eta Trumpen suhia, Jared Kushner, Egiptora iritsi dira negoziazioetan parte hartzeko. Hurrengo orduetan Jihad Islamikoaren eta Palestina Askatzeko Herri Frontearen ordezkariak espero dituzte.
Susumu Kitagawak, Richard Robsonek eta Omar Yaghik irabazi dute Kimikako Nobel saria, egitura metalorganikoak garatzeagatik
2025eko Kimikako Nobel sariaren irabazleek espazio zabalak dituzten egitura molekularrak sortu dituzte, eta horietan barrena gasak eta beste substantziak kimiko batzuk jariatzen dira. Aipaturiko egitura metalorganiko horiek erabili daitezke, esaterako, basamortuko airetik ura ateratzeko, karbono dioxidoa xurgatzeko, gas toxikoak biltzeko eta erreakzio kimikoak katalizatzeko.
Israelek atzeman egin ditu Gazara zihoazen Askatasunaren Flotillaren bederatzi ontziak
Gazara Bidean kanpainak salatu duenez, Israelgo Armadak "nazioarteko uretan" eraso egin die, Gazako kostaldetik 110 itsas miliara zeudela. Ontzian 140 pertsona zeuden, tartean, medikuak, kazetariak eta funtzionario hautetsiak, eta 110.000 dolar baino gehiagoko laguntza humanitarioa zeramaten. Israelek jakitera eman duenez, tripulatzaileak "onik" daude, eta "arin" deportatuko dituzte.