Sena ibaiak gainezka egin du Parisen eta Louvre museoaren zati bat itxi dute
Sena ibaiak ia sei metro gainditu du bere ohiko maila, eta, ondorioz, horren inguruko errepideak, garraio azpiegiturak eta Louvre museoaren zati bat itxi behar izan dituzte Parisen.
Hainbat gunetan egin du gainezka ibaiak, eta mailak gora egiten jarraitzen du. Asteburuan sei metroak harrapa ditzake, adituen esanetan.
Uholde arriskua dela-eta, alerta laranjan daude Frantziako ipar eta ipar-ekialdeko dozenaka departamendu. Batez ere, Sena eta Rodano ibaien arroek sortzen dute kezka, Meteofrancek ohartarazi duenez.
Hala, badaezpadako neurri gisa, Louvre museo ezagunak beheko solairua itxi zuen asteazkenean. Gutxienez, igandera arte egongo da zarratuta. "Krisi mahai bat ari da egoera unean-unean jarraitzen", azaldu du museoak ohar baten bidez.
Orsay eta Orangerie museoek ere, neurriak hartu dituzte, badaezpada; besteak beste, artelan batzuk lekuz aldatu dituzte.
Bestalde, itsasontziak ezin dira Notre Dame katedralaren inguruan dauden zubien azpitik igaro, eta ibaiertzera ez hurbiltzeko gomendatu diete turistei eta herritarrei.
Gizon bat bidaiari bat eramaten, gainezka egin duen Sena ibaian. Argazkia: EFE
Hainbat tren geltoki, itxita
Ibaitik gertu dauden sei tren geltoki, tartean Saint Michel turistikoa, itxi behar izan dituzte.
Halaber, ibaiertzetik doan RER C aldiriko trenen zerbitzua etenda egon da azken bi egunetan, Boulainvilliers eta Saint Michel geltokien artean.
Senatik hurbil dauden lorategiak ere itxi dituzte. Balioa duten ondasunik sotoetan ez gordetzeko aholkatu die Udalak herritarrei, uraren maila igo daitekeelako.
1658an harrapatu zuen Senak bere maila gorena: ia bederatzi metro igo zen. 1910ean, 8,62 metroko altuera harrapatu zuen ibaiak, eta hiriburuko gune asko urpean utzi zituen.
Ia 6 metrora iritsi da Sena ibaia. Bazterrak eta zubi azpiko lokalak ur azpian desagertu dira. Louvre eta D’Orsay museoko zati batzuk ere itxita. #Seine #paris pic.twitter.com/wCMSdjmtJd
— Nerea Reparaz (@NereaReparaz) 26 de enero de 2018
Zure interesekoa izan daiteke
Libano hegoaldean "substantzia kimiko ezezagun bat" botatzea leporatu dio FINULek Israeli
Nazio Batuen Libanoko Bitarteko Indarrak adierazi du kezkatuta dagoela kimiko horiek osasunean, nekazaritza-lurretan eta zibilak beren etxeetara itzultzean izan dezaketen eraginagatik.
Mikel Reparazek egungo egoera geopolitikoari buruz egindako dokumentala proiektatuko dute bihar Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, sosaldia antolatu dute.
AEBk irlaren kontrola bereganatzeko helburua izaten jarraitzen duela ohartarazi du Groenlandiako lehen ministroak
AEBko presidenteak diskurtsoa leundu eta indarra erabiltzeko mehatxuetan atzera egin duen arren, Groenlandiak uste du presioak bere horretan jarraitzen duela.
Ehunka hildako Kongoko meategi batean izandako luizi batean
Luizia joan den ostegunean gertatu zen, M23 matxino-taldearen kontrolpean dagoen meategi batean. Hildako gehienak artisau-meatzariak dira, baina meategiaren inguruan lan egiten zuten merkatari txikiak eta inguruko herrixketako bizilagunak ere hil dira.
Grammy sarien aurkezlea salatzeko mehatxua egin du Trumpek, Epsteinen uhartean egon zela esan zuelako
Trevor Noahk egindako bakarrizketetako batean esan zuenez, Trumpek "Epstein ez dagoenetik beste uharte bat behar du Bill Clintonekin egoteko", Groenlandiari erreferentzia eginez.
Mette-Marit Norvegiako printzesa, Elon Musk eta Jose Maria Aznar: Epstein pederastaren artxiboetan agertu berri diren izenak
Jeffrey Epstein sexu-delitugilearen artxiboetako hiru milioi orrialde baino gehiago argitaratu ditu AEBk. Bertan, politikarien eta Europako ehundutako sare handiaren isla.
Liam Conejo bost urteko mutikoa eta bere aita aske utzi dituzte eta Minnesotara itzuli dira
Fred Biery Texasko epaile federalak Liam eta Adrian Conejo behin-behinean aske uzteko agindua eman zuen larunbatean, irekitako immigrazio prozedura ebazten den bitartean. Aita-semeak ICEk atxilotu zituen Minnesotan, eta horrek haserrea eragin zuen herrialde osoan.
Rafahko pasabidea ireki dute, ia bi urtez itxita egon ondoren
Egiptoko segurtasun iturriek jakitera eman dutenez, egunean 150 pertsona atera ahalko dira Gazako Zerrendatik, eta 50 sartu.
Trumpek Irani eraso egiteko mehatxua berretsi du, Khameneik gatazka eskualde osora zabalduko dela ohartarazi ostean
Teheranekin gai nuklearren inguruan itun bat lortzea espero duela adierazi du AEBko agintariak, baina gehitu duenez, "akordiorik lortzen ez badugu, orduan jakingo dugu Khameneik arrazoia zuen ala ez".
Costa Ricak eskuinerako bidean jarraitzen du, eta Laura Fernandez izango du presidente
Lehen itzulian gehiengo zabalez irabazi du, eta aldaketa "sakonak eta atzeraezinak" agindu ditu. Oposizioak, berriz, ohartarazi du ez duela onartuko "bidegabekeriarik".