Kolonbiak migrazio-kontrola zorroztu du Venezuelarekin duen mugan
Kolonbiako Gobernuak neurriak hartu ditu ostegun honetan Venezuelarekin duen mugan, migrazio-kontrolak zorroztea xede; hain zuzen ere, unitate berezi bat sortuko du bertan. Bitartean, Juan Manuel Santos presidenteak eskatu die kolonbiarrei "elkartasuna" izan dezaten, Venezuelako herritarrekin, azken horiek krisia pairatzen ari direlako.
Aipatutako unitate hori, alegia, Migrazio Talde Berezia, saiatzen ari da kontrola eta segurtasuna gogortzen Venezuelarekin partekatzen duten mugaldean. Egunero, milaka lagun sartzen dira Kolonbiara Venezuelatik; Santosek Cucuta hirian azaldu duenez, "gune publikoan errespetua bermatzea" ere du helburu talde horrek.
Krisiaren ondorioz, 550.000 bat lagun iritsi dira Kolonbiara Venezuelatik; horrez gain, egunero, 37.000 bat lagunek zeharkatzen dute muga, horietako asko elikagaien eta sendagaien bila.
Zenbait neurri
Santosek Cucutan egindako bilera batean parte hartu du, mugatik oso gertu. Beste zenbait neurri ere zehaztu zituzten bertan; adibidez, Kolonbiara sartzen diren venezuelarrek pasaportea zigilatzeko beharra izatea. Erabaki dutenez, gainera, aurrerantzean ez dute egingo Muga Mugikortasuneko Txartel gehiagorik; Kolonbiarekin muga duten herrialdeetako herritarrek erabili izan dituzte horiek, muga nazionalak zeharkatzeko.
Halaber, beste talde berezi bat sortuko dute, eta horren ardura izango da "gune publikoan errespetua bermatzea"; izan ere, herrialdera iritsitako asko zenbait parke eta plazatan geratzen dira, ez dutelako nora joan.
Kontrol militarra ere sendotuko dute, 2.219 kilometroko mugan; horretarako, 2.120 soldadu gehiago erabiliko dituzte.
Santosek nabarmendu duenez, aspaldi hasi ziren Kolonbian lanean, kontuan izanik venezuelar asko joango zirela bertara; hala ere, azaldu du egoerak ez duela aurrekaririk. Presidentearen iritziz, horregatik eskaini diote laguntza Kolonbiari NBEk eta Ameriketako Estatu Batuek, egoera oso berezia dela.
Venezuelarrek, halaber, guztiz doakoa izango den egiaztagiri bat jasoko dute, Kolonbian hainbat zerbitzu euren esku izateko. Migratzaileek bi hilabete izango dute egiaztagiri hori eskuratzeko, Giza Eskubideak defendatzen dituzten tokiko erakunde jakin batzuetan edo Arartekoaren Bulegoan.
"Xenofobia baztertu"
Santosek galdegin du xenofobia baztertzea, eta eskuzabaltasuna eskatu die kolonbiarrei: "Venezuelarren aurkako jarrerak saihestu behar ditugu; oso erraza da jendearen mina manipulatzea, horregatik eskatzen diet une honetan kanpainan dauden hautagaiei ez baliatzeko egoera beldurra areagotzeko hauteskunde-helburuekin".
Berriro ere, Nicolas Maduro Venezuelako presidentea kritikatu du; esan dionez, Venezuelan bizitakoa "tragedia" da, eta Maduroren politikek eragin dute: "Kolonbiarrak ez dira errudunak; errua da Madurorena, ez baitu jaso nahi izan hainbat gisatan eskaini diogun laguntza humanitarioa", esan dio Santosek Madurori.
Albiste gehiago mundua
Israelgo Armadak gutxienez 33 pertsona hil ditu, tartean kazetari bat, Gaza Hiriko hondartzaren ondoan
Israelgo ehiza-hegazkinek Al Baqa kafetegiari eraso diote, eta berriz ere sarraskia eragin dute. Ismail Abu Hataben heriotzarekin, 228 kazetari hil ditu dagoeneko Israelek Gazaren aurkako erasoaldi militarra abiatu zuenetik.
TikTok sare sozialak badu eroslea, Trumpen esanetan
Presidente estatubatuarraren hitzetan, "diru asko duen jende-talde" batek erosiko du. Bi aste barru emango dute jakitera, beti ere Txinak operazioa onartzen badu.
NBEren Garapenerako Finantzaketari buruzko Nazioarteko IV. Konferentzia Sevillan egingo da, asteon
Goi-bileraren emaitza nagusia 'Sevillako konpromisoa' deituriko adierazpen politikoa izango da, garapenerako finantzaketari buruzko nazioarteko komunitatearen ibilbide-orria markatuko duen dokumentua. Inaugurazioko osoko bilkuran onartzea aurreikusi da.
G7ak AEBko multinazionalak % 15eko gutxieneko zerga ordaintzetik salbuestea erabaki du
Munduko zazpi ekonomia nagusiak ordezkatzen dituen herrialde taldeak akordioa lortu duela ziurtatu du, Estatu Batuetako zerga-sistema aztertu eta Etxe Zuriak bere zerga-legearen 889. klausula ezabatzea onartu ostean. Horri esker, Etxe Zuriak errepresaliak ezarri ahal izango ditu multinazional estatubatuarrei zerga ezartzea erabakitzen zutenen aurka.
Hainbat zauritu eta atxilotu Belgraden, Gobernuaren aurkako protestetan
Hainbat pertsona zauritu ditu Poliziak Belgraden, Serbiako Gobernuaren aurkako manifestazio handian. Ehunka mila pertsonak hauteskundeak aurreratzeko eskatu dute hiriburuko kaleetan, Kosovoko guduaren (1389) urteurrenean, serbiar nazionalismoaren sorrerako gertakari historiko garrantzitsuenetarikoan.
Kayed Hammad, duela gutxi Gazatik irtetea lortu duen interpretea, Malagan da jada, bere familiarekin batera
Iritsi denean, interpretea bere anaiarekin bildu da, duela 18 urtetik besarkatzen ez zuena. Gazako bonbardaketetatik urrun bizitza berri bat hasteko itxaropentsu eta ilusio handiz agertu da.
Gazan hildakoen kopurua gora egiten ari denean, su-eten akordioa "datorren astean" lor litekeela esan du Trumpek
Israelgo Armadak gutxienez 50 pertsona hil ditu bart, haurrak tartean, Gaza Hirian, Jabalian, Deir al Balahn, Khan Yunisen eta Rafahn egindako erasoetan. Orotara, gutxienez 64 gazatar hil dituzte Palestina osoan.
Debekuen gainetik, milaka lagun atera dira kalera Budapesten Harrotasunaren eguna ospatzera
LGTBIQ+ Harrotasun Eguna ospatu dute Budapesten, larunbat honetan, agintariek debekatu duten arren. Izan ere, Viktor Orban lehen ministroaren gobernuak Harrotasunaren Martxa debekatzea ahalbidetzen duten erreforma legal eta konstituzionalak onartu zituen martxoan eta apirilean, adingabeen "garapen egokia" lortzeko arriskutsua dela argudiatuz. Hala ere, manifestazioa egin dute, eta lehen ministroak baztertu egin du Poliziak indarra erabiltzea.
Estatu-hiletak Iranen, Israelek egindako erasoetan hildako pertsonen omenez
Iranek larunbat honetan hasi ditu Israelen erasoetan hildakoak omentzeko estatu-hiletak. Israelek ekainaren 13an hasitako 12 eguneko gerran hildako 627 pertsonetako 60 omendu dituzte gaur; besteak beste, Irango Guardia Iraultzaileko komandante buru Hosein Salami jenerala, Irango Indar Armatuetako Estatu Nagusiko buru Mohamad Hosein Baqeri jenerala eta Mehdi Tehranchi zientzialari nuklearra.
Gazan laguntza NBEk banatzeko eskatu du Guterresek, egungo sistemak "hil" egiten duelako
Gazako agintarien arabera, 500 pertsona baino gehiago hil dira banaketa-zentro horietan, gehienak Israelgo indarrek egindako tiroen ondorioz. "Pertsona batzuk hiltzen ari dira beren familiak elikatzen saiatzeagatik. Janaria bilatzeak ez luke inoiz heriotza-zigorra izan behar", adierazi du Guterresek.