Kolonbiak Santrich atxilotu du narkotrafikoa egotzita, eta FARCek 'muntaia' salatu du
Kolonbiako Fiskaltzak Jesus Santrich gerrillako kide ohi eta FARC alderdiko buruzagia atxilotu du (Ordezkarien Ganberako kide ere izendatua izan da), narkotrafiko delitua leporatuta. FARCek, ostera, 'muntaia' politikoa izan dela salatu eta atxiloketak gerrillari ohien artean "konfiantza eza handia" sortzen duela azpimarratu du. Juan Manuel Santos Kolonbiako presidentearen esanetan, Santrichen kontrako "froga irmo eta eztabaidaezinak" daude.
Juan Manuel Santosek ziurtatu duenez, Nestor Humberto Martinez fiskal nagusiak esan dio "ikerketa zorrotzen ondorioz Santrichen aurkako froga irmo eta eztabaidaezinak" dituztela, bake akordioa (2016ko azaroak 24) sinatu ostean narkotrafikoarekin lotutako delituak egin zituela esateko.
Santosen hitzetan, Santrichen kontrako frogak "ukaezinak" badira AEBra estraditatzeko aukera irekiko da. Justiziaren baimena izanez gero, "ez dut arazorik izango (estradizioa) baimentzeko", gaineratu du.
Bake akordioaren arabera, 2016ko azaroaren 24aren ondoren delituak egin dituztela frogatzen bada soilik estraditatu ahal izango dituzte FARCeko buruzagi ohi eta gerrillari ohiak.
Nestor Humberto Martinez fiskal nagusiaren hitzetan, eta beti ere New Yorkeko epaitegi batek igorritako frogen arabera, Santrichek eta beste hiru pertsonak 10 tona kokaina AEBra esportatzea adostu zuten.
Martinezen esanetan, kokaina kargamentu 15 milioi dolarrekoa izango litzateke, eta merkatuan 320 milioi dolarreko balioa izango luke AEBko kaleetan.
Iturri horien arabera, delituzko ekintzak 2017ko ekainean hasi eta 2018ko apirilera arte luzatu ziren.
FARC alderdi politikoak, ostera, Jesus Santrichen atxiloketa baztertu du, "muntaia" dela iritzita. Gainera, gerrillari ohien artean "mesfidantza handia" sortzen duela nabarmendu du. "Bake prozesua bere unerik txarrena igarotzen ari da, Gobernuak parte hartu behar du gisa honetako muntaia juridikoek gerrillari guztien artean mesfidantza sor ez dezaten", esan die Ivan Marquez FARCeko bigarrenak kazetariei.
Zure interesekoa izan daiteke
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.
Alemaniak umeei hilean 10 euro ematea onartu du, erretiro-pentsioetan aurrezteko
"Goiz hasteko pentsioa" delakoa Alemaniako Gobernuak abian jarri duen pentsio sistema pribatuaren erreforma sorta zabalago baten parte da.
Frantziako Barne Ministerioaren aurkako zibererasoa egin eta dozenaka artxibo konfidentzial lortu dituzte
Laurent Nuñez Barne ministroak adierazi duenez, aurrekari penalen (TAJ) eta pertsona bilatuen (FPR) fitxategietara sartu dira hackerrak. Pariseko Fiskaltzak ikerketa abiatu du gertaturikoa argitzeko.
Venezuelan sartu eta irteten diren petrolio-ontziak erabat blokeatzeko agindu du Trumpek
AEBko presidenteak nabarmendu duenez, "Maduroren erregimen ez-legitimoa lapurtutako petrolioa erabiltzen ari da narkoterrorismoa, pertsonen trafikoa, hilketak eta bahiketak finantzatzeko, besteak beste".
Bondiko atentatuaren ostean, armen gaineko legeak gogortu egingo dituztela iragarri du Australiak
Australiako Gobernuak erantzun dio igandean Bondi hondartzan izandako erasoari, eta iragarri du aldaketak egingo dituztela armei buruzko legedian, kontrolak indartzeko. Sydneyn 16 pertsona hil zituzten.
Nick Reiner atxilotu dute, Rob Reiner zinemagilearen eta Michele Singerren semea, gurasoen heriotzarekin lotura duelakoan
Senar-emazteak hilda agertu ziren igande honetan Brentwoodeko bien egoitzan, Los Angelesen, Estatu Batuetan.
Nazioarteko Zigor Auzitegiak Palestinako auzia ikertzen jarraituko du, Israelen helegitea baztertu baitu
Israelgo Gobernuak ikerketa bere gain hartu nahi zuen, eskumena zuela argudiatuta. Argudioa errotik ukatu du Zigor Auzitegiak, eta, hala, Fiskaltzak ikertzen jarraitu ahalko du.
EBk asumitu du Ukraina behartuko dutela NATOri uko egitera, eta haren segurtasuna babesteko konpromisoa hartu du
Europako iturriek azaldu dutenez, behin bake-akordioa lortuta, Ukrainaren etorkizuneko segurtasuna bermatzeko neurriak zehazteko lan “serioak” daude abian.