Protestetan 15 hildako eta 199 zauritu izan direla Nikaraguako Gobernuak baieztatu du
Sonia Castro Nikaraguako Osasun ministroak baieztatu zuen atzo, osteguna, 15 pertsona hil eta 199 zauritu dira asteazken eta ostegun goizalde artean, herrialdeko hainbat lekutan izan diren manifestazioetan.
Hainbat zentro publiko eta pribatutan "199 pertsona artatu dituzte, eta 15 hildako ere zenbatu dira", esan zuen Castrok, hedabideen aurrean egindako agerraldian, beste funtzionario batzuekin batera.
Bigarren aldia da Ortegako Gobernuak protestetan hildakoak izan direla baieztatzen duela, apirilaren 18an Nikaraguako lehen manifestazio handiak hasi zirenetik. Gizaldeko organizazioen arabera, 100 inguru lirateke hildakoak.
Lehen aldian Rosario Murillo herrialdeko presidenteordeak egin zuen, apirilak 20an, 10 hildakoren berri eman zuenean.
Francisco Diaz Polizia Nazionaleko zuzendariordeak atzo bertan prentsaurrekoan irakurritako txostenaren arabera, 15 hildako pertsonetatik, zazpi Managuakoak ziren, hiru Chinandegakoak, lau Estelikoak eta bat Masayan.
Ostegunean, Giza Eskubideen Zentro Nikaraguarrak zabaldutako behin behieneko txostenaren arabera, 11 ziren hildakoak eta 79 zaurituak asteazken eta osteguneko protestetan, eta Gobernuak "agindutako" errepresio eta indarkeria ekintzak gaitzetsi zituen irmoki.
Denis Moncada kantzilerrak esan zuenez, Gobernuak "apirilaren 18tik hona eta bereziki atzo Nikaraguan izan diren indarkeriazko ekintzak gogor gaitzesten ditu".
Zure interesekoa izan daiteke
Siriako agintariek eta milizia kurduek elkarri leporatzen diote 2 hildako eta hainbat zauritu utzi dituzten erasoen ardura
Bi aldeek elkarri leporatzen diote indar kurduak Siriako Estatuan sartzeko akordioa hautsi izana. Bitartean, liskarrak gero eta ugariagoak dira.
Errusiako Estatu Nagusiko operazio burua hil dute Moskun, bonba-auto batekin egindako atentatu batean
Hasiera batean, Errusiako Instrukzio Batzordeak Ukrainako inteligentziari egotzi dio erasoa.
IRAren garaitik inoiz izan den gose greba luzeena egiten ari dira Palestina Actioneko kideak Erresuma Batuko kartzeletan
Gose greban denbora gehien daramatenak Amy Gardiner-Gibson eta Qesser Zuhrah dira, 50 egun, eta oso ahul daude. Justizia ministroarekin bilera eskatu dute euren abokatuek baina Gobernuak ezezkoa eman die.
Israelek beste 19 kokaleku legeztatu ditu Zisjordanian
Kolonoguneak legez kanpokoak dira nazioarteko araudiaren arabera, baina Netanyahuren gobernuak urteak daramatza estatus legala ematen; dagoeneko 69 kokaleku legeztatu ditu 2022tik. Hamasek "urrats kolonialtzat" jo du erabakia, eta "Palestinako lurraldea arpilatu" nahi izatea egotzi dio Israeli.
AEBk hirugarren petrolio-ontzi bat atxiki du Venezuelan
Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera egingo du datorren asteartean, hilaren 23an, egoera aztertzeko.
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.