Nikaraguan istiluak eragin dituen erreforma baliogabetu du Ortegak
Nikaraguako Gobernuak baliogabetu egin du kaleetan liskarrak eta, gobernuz kanpoko erakundeen arabera, gutxienez 27 hildako, 100dik gora zauritu eta kalte material handiak eragin dituen gizarte segurantzaren erreforma.
Gizarte Segurantzaren Zuzendaritza Kontseiluko Institutu Nikaraguarrak "egoera hau sorrarazi" dituzten bi ebazpenak bertan behera uztea adostu du, Daniel Ortega Nikaraguako presidenteak Nazioari zuzendutako mezu batean esan duenez.
"Baliogabetzen eta alde batera uzten ari gara egoera hau sorrarazi duen aurreko ebazpena", Ortegaren esanetan.
Ebazpen horien bidez, Zuzendaritza Kontseiluak, besteak beste, langile eta enpresei kotizazioa igotzea eta jubilatuei pentsioaren % 5 kentzea adostu zuen aurreko asteartean.
Ortegak zehaztu duenez, proposamena ez da "bideragarria" izan, eta sektore pribatuarekin eta langileen ordezkariekin eztabaida errazteko asmoarekin hartu da baliogabetzeko erabakia.
Ortgearen aurkako protestak aurreko asteazkenean hasi ziren, gizarte segurantzaren erreformaren harira.
Halere, herritarrek hauteskunde esparruko iruzurrak, erregaien prezioen igoerak, Poliziaren errugabetasuna, Gobernuaren aurka egiten zuten nekazarien azalpenik gabeko heriotzak eta herrialdean ikusten ez den "bake eta gizarteratze" diskurtsoa salatu dute.
Nikaraguako Armadako soldaduak hainbat hiritan daude, liskarrak bi gauez jarraian egon eta gero.
Gutxienez 27 pertsona hil dira liskarretan, horien artean, kazetari bat tiro batez, nerabe bat eta polizia bat, gobernuz kanpoko erakundeen arabera. Gobernuak dio 10 direla hildakoak, baina aurreko ostiraletik ez du informazio gehiagorik eman.
Zure interesekoa izan daiteke
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.
AEBk Hamasi hitzeman dio Israel Gazatik erretiratuko dela armagabetzeak aurrera egin ahala
Jared Kushnerrek Egipton azpimarratu du 2025ean adostutako bake-plana ez dela berriro negoziatuko eta haren baldintzak beteko direla.
Landetako baso-sutea berpiztu egin da eta 1.600 hektarea erre ditu
Luglon udalerriaren hegoaldean hasi zen sua, Mont-de-Marsanetik 30 kilometrora, eta Garein ingurura zabaldu da. 700 pertsona inguru ebakuatu dituzte prebentzioz.
7,7 graduko lurrikara batek hildakoak eragin ditu Indonesian
Lurrikarak Flores uhartea astindu du goizaldean, eta iparraldeko kostaldearen parean eta 15 kilometroko sakoneran izan du epizentroa. 2.000 pertsona ebakuatu dituzte, baina zaurituak eta kalte materialak eragin ditu.
Trumpek esan du Ormuzko itsasartea AEBko lurraldetzat joko duela "laster"
Iran "garaitu" ostean egingo duela eta Washingtonen baimenik gabe itsasontziek ezingo dutela itsasartea zeharkatu adierazi du. Teheranen hitzetan, "ezin da txioak, hegazkin-ontziak, dekretuak edo hauteskundeetako hitzaldiak baliatuta bereganatu".
Frantziako Konstituzionalak baliogabetu egin du 15 urtez azpikoei sare sozialak erabiltzeko debekua
Epai horren harira, Emmanuel Macron Frantziako presidenteak Sebastien Lecornu lehen ministroari eskatu dio Gobernuak "testu juridikoki sendoa" presta dezala, epaia bera eta Europako araudia aintzat hartuta, eta erreforma "2027ko udaberria baino lehen" indarrean sartzeko asmoari eusten diola gaineratu du.
Kolonbian 285 dira jada lurrikararen ondorioz hildakoak, eta 379 desagertu daude oraindik
7,4 graduko lurrikararen epizentroa San Jose del Palmarren izan zen, Ozeano Bareko kostaldean dagoen Choco departamenduko herrian. Azken datuen arabera, 3.975 pertsona zauritu eta 45.523 familia kaltetu dira. Horrez gain, 12.828 etxebizitza suntsitu dira.
20 elefanteren heriotza misteriotsuak alarma piztu du Kenyan
Amboseli parke nazionalean, Kenyako turismo-gune nagusietako batean, gutxienez 20 elefanteren heriotza zerk eragin duen ikertzen ari dira. Animaliek sintoma berberak dituzte: paralisia, ibiltzeko zailtasunak eta arnasa hartzeko arazoak. Fauna basatiak garrantzia handia du bertako ekonomian, eta kezka gero eta handiagoa da. Albaitariek, zientzialariek eta agintariek ikertzen jarraitzen dute heriotza horiek zerk eragin dituen argitzeko.
Nigel Farage ultranazionalista EBko Parlamentura itzuli da, Clactongo hauteskundeak irabazi ostean
Alderdi nagusiek boikota egin diete hauteskunde horiei, Faragek iritzi publikoaren aurrean bere burua indartzeko egin duen “pantomima bat” izan dela iritzita.