ANALISIA
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Europak immigrazioari nola aurre egin jakin gabe jarraitzen du

Angela Merkelek eta Horst Seehofer Barne ministroak mugetako kontrolak indartzea adostu dute, eta Espainiak 25,6 milioi euro jasoko ditu immigranteak hartzeko eta kanporatzeko ahalmena hobetzeko.
Immigrazioak ez du etenik eta immigrante kopurua gero eta ugariagoa da. Argazkia: EiTB
author image

Imanol Butron Alonso (*)

Azken eguneratzea

Badirudi Pedro Sanchezen Gobernu berria ez dagoela prest gero eta handiagoa eta popularragoa den talde bateko kide izateko. Italiak, Hungariak, Austriak eta, duela ordu batzuetatik, Alemaniak ere osatzen duten talde honek mugak ixteko eta gero eta handiagoa den immigrazioaren kontrola gogortzearen alde azaldu dira.

Alemaniako kantziler eta Batasun Demokrata Kristaua (CDU) alderdiko presidente Angela Merkelek eta Alemaniako Gobernuko Barne ministro eta Batasun Sozialkristaua (CSU) alderdiko buru Horst Seehoferrek akordioa itxi dute azkenean. Horrela, amaitutzat eman dituzte bi alderdien artean izandako harreman historikoa hausteko zorian jarri dituzten negoziazioak. Itunak Salvani (Italia), Orbán (Hungaria) eta Kurz (Austria) liderrek aurretik esandakoa jaso du: Europako estatu batean babesa eskatu ondoren herrialde horietara iristen diren atzerritarrak aurreko estatura bidaliko dituzte bueltan, eta horrek mugetako kontrolak indartzea ekarriko du.

Europako Batzordeak Espainian migratzaileak hartzeko eta kanporatzeko gaitasuna hobetzeko 25,6 milioi euro bideratuko dituela iragarri eta ordu batzuetara iritsi da akordio hori, Pedro Sanchezek Europako kideei migrazio fluxuen gorakadari aurre egiteko laguntza eskatu ondoren.

Kontua da Aquarius ontziaren krisia izan zenetik Espainiako portuak komodin bihurtu direla Italiak eta Maltak lehorreratzeko baimena ukatu dien itsasontzientzat. Bruselak badaki hori, eta horregatik erabaki du laguntza ekonomikoa handitzea lan horiek bideratzeko.

Hala ere, estatu kideek duela egun gutxi batzuk lortutako akordioa (gutxienekoak jaso dituzte bertan) ez da nahikoa, itxura batean, eta oraingoz ez ditu konpondu Europak gero eta migrazio fluxu handiagoak kudeatzeko dituen premia politikoak eta praktikoak.

 

(*) Imanol Butron Alonso, Zientzia Politikoetan graduatua Euskal Herriko Unibertsitatean, EiTB-EHU Multimedia Komunikazio Masterreko ikaslea da eta eitb.eus-en dabil praktikak egiten.

Merkelek migrazioari buruzko akordioa lortu du Seehoferrekin, gobernu krisia itxiz
Munduko albisteak Migrazioa Pedro Sanchez Eguneko Titularrak

Albiste gehiago mundua

LONDON (United Kingdom), 06/09/2025.- Supporters of the banned Palestine Action group hold placards and wave flags as they stage a civil disobedience protest in Parliament Square in London, Britain, 06 September 2025. The Metropolitan Police made arrests during the demonstration supporting Palestine Action, designated a proscribed terrorist organization by the British government from 05 July 2025. (Terrorista, Protestas, Reino Unido, Londres) EFE/EPA/TAYFUN SALCI
18:00 - 20:00
ZUZENEAN
Duela  min.

Poliziak hainbat manifestari atxilotu ditu Londresen, Palestine Actionen aldeko protestan

Erresuma Batuko Poliziak hainbat manifestari atxilotu ditu larunbat honetan Parlamentuko plazan, Londresen, Palestine Action taldeari babesa adierazteko protesta batean. Uztailean erakunde terrorista izendatu zuten talde hori, hegazkin militar batzuei Palestinako banderak margotzeagatik kalteak egitea eta Elbit Systems Israelgo defentsa enpresaren instalazioak blokeatzea egotzita. 138 pertsona auzipetu dituzte ordutik talde horri laguntzea egotzita.  Milaka pertsona bildu dira Parlamentu aurrean, 'Genozidioaren aurka nago, Palestine Actionen alde nago' leloa zeramaten kartelak eskuetan hartuta. Poliziaren aurkako oihuak ere entzun dira; "Ezin zarete ezkutatu, genozidioaren alde zaudete. Lotsa!", tartean.

Gehiago kargatu