Errusiarekin harremana azken orduetan aldatu dela esan du Trumpek
Gaurko goi-bilerari esker Errusiarekin harremana “aldatu” dela ziurtatu du gaur Donald Trump AEBko presidenteak. Aldebiko harremanak hobetzeko “prozesu luze batean aurreneko pausoak” eman dituztela erantsi du Trumpek.
Bestalde, Trumpek Amerikako Estatu Batuetako hauteskundeak irabaztea nahi zuela aitortu du Vladimir Putin Errusiako presidenteak. Helsinkin aldebiko lehen goi-bilera amaitu ondoren, prentsaurreko bateratua eman dute bi buruzagiek.
AEBko kazetari baten galderari baiezkoa eman dio Putinek, Trumpek “Errusiarekin harremanak hobetu” nahi zituela argudiatuta.
“Gure harremana ez da sekula orain bezain okerra izan, baina azken lau orduetan egoera aldatu da, benetan horrela uste dut”, adierazi du Trumpek. “Gaurko bilera prozesu luzeago baten hasiera baino ez da, baina etorkizun hobeago baterantz lehen pausoak eman ditugu”, gaineratu duenez.
Lau bat orduko bileran, biek “elkarrizketa zuzena, irekia eta emankorra” izan dutela ziurtatu du Trumpek. Bilera “oso ondo joan da”, erantsi duenez.
“Gure bi herrialdeen arteko desadostasunak oso ezagunak dira; Putin presidenteak eta nik luze hitz egin dugu gaur horien inguruan”, nabarmendu du.
Errusiarekin elkarrizketa izatearen alde agertu da Trump, “munduarentzako ona” izango delako. “Gerra Hotzeko tentsioen garaian ere, mundua oso ezberdina zenean, Errusiak eta AEBk elkarrizketa ona” izan zutela gogorarazi du Trumpek.
“Presidente bezala, demokratak eta komunikabideak asetzeko saiakera antzu batean, ezin ditut kanpo politikako erabakiak hartu”, azpimarratu du Trumpek, goi-bilerak sortu duen eszeptizismoari erreferentzia eginez.
“Bakearen mesedetan arrisku politiko bat hartzea nahiago dut, bakea politikan arriskatu baino”, aldarrikatu du.
Zure interesekoa izan daiteke
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.