Oposizioko alderdiek greba deitu dute Maduroren neurri ekonomikoen aurrean
Primero Justicia (PJ), Voluntad Popular (VP) eta Causa R alderdiek greba deitu dute abuztuaren 21erako, Nicolas Maduro presidenteak aurkeztu berri dituen neurri ekonomikoak bideraezinak direla argudiatuta.
Beste neurri batzuen artean, abuztuaren 20tik aurrera, langileen gutxieneko soldata 35 aldiz (723 edo 45 dolar) igoko du Maduroren gobernuak.
Horrez gain, bolivarraren balioa aldatu egingo da eta "bolivar subirau" deitzera pasatuko da. Neurri honen xehetasunak ezezagunak diren arren, hainbat ekonomistek aurreikusi dute bolivarraren debaluazioa %95.8koa izango dela. Izan ere, dolarraren balioa 248.832 bolivar izatetik 6.000.000 izatera igaroko da.
Proposamen hauek guztiak gaitzetsi dituzte PJ, VP, Causa R eta oposizioko beste hainbat alderdik, krisi venezuelarrak okerrerago egingo duelakoan.
Julio Borges Parlamentuko presidente ohiaren alderdiaren arabera (PJ), gutxieneko soldataren igoerak, azken 20 urteotan egin den handienak, langabeziaren gorakada eta jendearen erosahalmena murriztea ekarriko du.
PJ alderdiko kideek prentsaurrekoan adierazi dutenez, Maduroren neurriak “irrazionalak, kontraesankorrak eta bideraezinak dira eta Venezuelako kaosa eta krisi ekonomiko larria handituko dute”.
Bestalde, Leopoldo López espetxeratuaren alderdiak, Voluntad Popularrek, neurri ekonomiko berriek venezuelarrengan “sufrimendua eta sumin handiagoa” ekarriko dutela uste du. “Estatuak ez dauka ordaintzeko modurik” eta “milaka enpresak itxi beharko dute, milaka lagun langabezian utzita”, adierazi dute.
Aipatutako berrikuntzez gain, Gobernu venezuelarrak prezio sistema berria ezartzeko asmoa agertu du. Izan ere, Maduroren esanetan, egungo prezioak “dolarizatuta” edo benetako prezioa baino % 10.000 gainetik daude.
Jorge Rodriguez Komunikazio ministroaren arabera, aldaketek ez dute prezioen igoera ekarriko, Banku Zentralak araututako aldaketa sistema bakarra izango baita. Gainera, sistema berriak “dolar kriminalaren betirako desagerpena” ekarriko duela azpimarratu du. Aldaketa horren baitan, Rodriguezek aurreratu du venezuelarrek dirua arazorik gabe aldatzeko 300 frankizia irekiko dituztela.
Zure interesekoa izan daiteke
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.
Libano hegoaldean "substantzia kimiko ezezagun bat" botatzea leporatu dio UNFILek Israeli
Nazio Batuen Libanoko Bitarteko Indarrak adierazi du kezkatuta dagoela kimiko horiek osasunerako kaltegarriak izan daitezkeelako, baita nekazaritza-lurretan eta zibilak beren etxeetara itzultzeko izan dezaketen eraginagatik ere.