Venezuelara itzultzeko laguntza eskatuz 'milaka eskaera' jaso dituela dio Gobernuak
Jorge Rodriguez Venezuelako Komunikazio ministroak ostegun honetan ziurtatu duenez, azken asteotan Nicolas Maduroren Gobernuak "milaka eskaera" jaso ditu herrialdera itzultzeko laguntza eskatuz. Halaber, Kolonbiara eta Perura alde egin duten herritar askoren kontra "xenofobia bultzatu" dutela salatu du.
"Herrialdera bueltatzeko laguntza eskatuz, milaka eta milaka eskaera jaso ditugu gure enbaxadetan azken egunotan, baina horren inguruan ezin dugu datu gehiagorik eman, aberrira itzuli nahi diren herritarren aurka errepresaliarik har ez ditzaten", azaldu du Komunikazio ministroak Caracas hiriburuan egindako agerraldian.
Ildo horretatik, Perun "egoera latza" bizi zuten 89 venezuelarrek herrialdera itzultzeko laguntza eskatu dutela ziurtatu zuen Venezuelako Gobernuak asteartean. Hala, Maduro presidenteak berak apirilean prestatu zuen egitasmo bati jarraituz, dagoeneko laguntza eskaini dietela azaldu du Rodriguezek.
Bestalde, Kolonbiara eta Perura alde egin duten herritar askoren kontra "xenofobia bultzatu" dutela salatu du. Horren esanetan, bi herrialde horietako gobernuek venezuelarren kontrako mezuak zabaldu dituzte "tokiko hedabideak erabiliz".
Maduroren gobernuak ez du zehaztu egoera ekonomiko larriak eraginda zenbat pertsonak egin duten alde Venezuelatik. Dena dela, azken urteotan lau milioi venezuelar herrialdetik joan direla ziurtatu du oposizioak Parlamentuan.
Venezuelarren migrazioari aurre egin eta herritarrei erantzun eraginkorra eman ahal izateko, inguruko herrialdeak elkarrekin ari dira lanean.
Zure interesekoa izan daiteke
AEBk hirugarren petrolio-ontzi venezuelar bat atxiki du
Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera bat egingo du datorren asteartean, hilaren 23an, egoera aztertzeko.
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.