1.400 baino gehiago dira Indonesiako lurrikara eta tsunamian hildakoak
1.400dik gora dira jada ostiralean Indonesiako Celebes uhartean izandako lurrikararen eta ondorengo tsunamiaren ondorioz hildakoak, herrialdeko agintariek asteazken honetan jakinarazi duten azken balantzearen arabera.
Iturrion arabera, 2.500 pertsona larri zaurituta daude. Agintariek ohartarazi dutenez, biktimen kopuruak gora egin lezake, ehunka pertsona desagertuta baitaude oraindik. Erreskate taldeek hondakinen artean harrapatuta egon daitezkeen pertsonen bila jarraitzen dute. Oraindik orain, zenbait tokitara iritsi ezinda jarraitzen dute; izan ere, hainbat errepide itxita daude.
Dena dela, pixkanaka-pixkanaka bada ere, hasi dira argindarra eta erregaiaren hornidura berrezartzen. Argindarraren konpainiako langile batek EFE albiste agentziari baieztatu dionez, argindarra iritsi da Palu hiriaren % 30era. Halaber, goizaldean hasi dira gasolina banatzen.
Erregai, ur eta elikagai eskasiaren ondorioz, arpilatzeak izan dira azken egunotan saltoki eta gasolindegietan.
Lurrikarak eta ondorengo tsunamiak txikituta utzi zuen Palu eta inguruko herriak, satelite bidez hartutako irudiotan ikus daitekeenez:
NBEk 15 milioi dolar bideratuko ditu
Nazio Batuen Erakundeak (NBE) 15 milioi dolar bideratuko ditu ostiraleko 7,5 graduko lurrikararen eta ondorengo tsunamiaren kaltetuei laguntzeko.
NBEren Giza Laguntza Koordinatzeko Bulegoak azaldu duenez, Nazio Batuen Erakundea, gobernuz kanpoko erakundeak eta Indonesiako Gobernua elkarlanean ari dira.
Ostiralean hainbat lurrikara izan ziren Indonesian, 7,5 gradukoa handiena, eta, ondoren, hiru metro inguruko olatuek astindu zuten kostaldea. Hildakoez eta zaurituez gain, 61.900 desplazatu eragin ditu.
Joan den igandean, Indonesiako Gobernuak laguntza eskatu zion nazioarteari, lurrikaren eta ondorengo tsunamiaren ondorioei aurre egiteko. Celebes uhartea, Palu eta Donggala dira tokirik kaltetuenak.
Zure interesekoa izan daiteke
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.
Libano hegoaldean "substantzia kimiko ezezagun bat" botatzea leporatu dio UNFILek Israeli
Nazio Batuen Libanoko Bitarteko Indarrak adierazi du kezkatuta dagoela kimiko horiek osasunerako kaltegarriak izan daitezkeelako, baita nekazaritza-lurretan eta zibilak beren etxeetara itzultzeko izan dezaketen eraginagatik ere.
AEBk irlaren kontrola bereganatzeko helburua izaten jarraitzen duela ohartarazi du Groenlandiako lehen ministroak
AEBko presidenteak diskurtsoa leundu eta indarra erabiltzeko mehatxuetan atzera egin duen arren, Groenlandiak uste du presioak bere horretan jarraitzen duela.
Ehunka hildako Kongoko meategi batean izandako luizi batean
Luizia joan den ostegunean gertatu zen, M23 matxino-taldearen kontrolpean dagoen meategi batean. Hildako gehienak artisau-meatzariak dira, baina meategiaren inguruan lan egiten zuten merkatari txikiak eta inguruko herrixketako bizilagunak ere hil dira.