AEBko soldaduek ez dutela migratzaileen kontra tiro egingo esan du Trumpek
Donald Trumpek zehaztu duenez, Mexikoko mugan dauden segurtasun indarrek ez dute Estatu Batuetara doazen Erdialdeko Amerikako migratzaileen kontra tiro egingo, osteguneko adierazpenak zuzenduta.
Estatu Batuetako presidenteak muga igarotzen saiatutako migratzaileei tiro egiteko baimena eman zien uniformedunei. "Gure agenteen aurka harriak bota nahi badituzte, gure agenteek erantzun egingo dute”, esan zuen. "Armak erabiltzeko aukera kontuan hartzea esan diet", gehitu zuen.
Hala ere, Guatemala eta Mexikoren arteko mugan ikusitakoak bezain eszena dramatikoak saihestu nahi dituela esan zuen. Bertan, migratzaileek harriak eta makilak jaurti zizkioten Mexikoko Poliziari, aurrea egiten saiatzeko. "Espero dut behar ez izatea", esan zuen.
Horri buruz berriz galdetuta, adierazpenak zuzendu ditu Trumpek. "Ez, ez dute tiro egingo", esan du. "Mexikoko militarrei egin zietena lotsagabekeria izan zen. Harriak bota zizkieten, eta batzuk zauritu zituzten. Gurekin egiten badute, atxilotuak izango dira. Arazoak egongo dira", esan du.
Mexiko eta Estatu Batuen arteko mugara 5.000 militar baino gehiago bidali ditu Trumpek, eta 15.000 ere izan litekeela ohartarazi du.
NBEren erantzuna
Joel Millmanek, Migrazioetarako Nazioarteko Erakundearen bozeramaileak, ezohiko mezua igorri dio Trumpi: "Militarizatutako mugek ez diete igaro nahi dituztenei asmoa kentzen".
Gainera, Millmanek "inbasio" hitza ez erabiltzea eskatu du, karabana aurrekoak baino jendetsua bada ere, "ez delako gertaera berria". "Azken hamar urteetan izan dira", esan du, Erdialdeko Amerikatik Estatu Batuetarainoko mugimendu migratzaileez.
Bestalde, Babar Balochek, Nazio Batuen Errefuxiatu Agentziaren bozeramaileak, "gauza hauek politikatik aldentzeko" deia egin du.
Asteartean hauteskunde parlamentarioak egingo dituzte Estatu Batuetan. Errepublikanoek Kongresuko gehiengoa dute jokoan.
Zure interesekoa izan daiteke
Zohran Mamdani, New Yorkeko eraberritze aurrerakoia gorpuzteko prest dagoen gizona
34 urterekin, Mamdanik Alderdi Demokratako olatu aurrerakoi, kulturaniztun eta ezkertiar berria irudikatzen du, eta astearte honetako New Yorkeko Alkatetzarako hauteskundeak irabazteko faborito argia da. Bere alderdietako liderren babes argirik ez duen arren, ezkerrera biratu eta izaera sozialeko politika publikoen egarri diren gazteen babesa du.
500 milioi haur baino gehiago bizi dira gatazka armatuen eremuetan
Save the Children gobernuz kanpoko erakundearen arabera, 2024an 520 milioi adingabe baino gehiago bizi ziren gatazka-guneetan. Afrika da eskualde kaltetuena: kontinente horretako haur guztien % 32 indarkeria armatuaren eraginpean bizi dira. 2024an, egunero, batez beste, 78 haur erailketen, bahiketen, sexu-erasoen eta mutilazioen biktima izan ziren, besteak beste.
‘Melissa’ urakanak Jamaikan eragindako suntsipena
Melissa urakanak suntsipena eragin du Jamaika uhartean, eta gutxienez 28 hildako dira jada. Urakanak "aurrekaririk gabeko" hondamendia eragin duela adierazi dute Jamaikako agintariek. Horrela geratu da uhartea, Melissaren astinduaren ondoren.
6,3 graduko lurrikara batek Afganistan iparraldea astindu du
Lurrikararen ondorioz, 27 hildako eta 700 zauritu baino gehiago izan dira, baina bilaketa- eta erreskate-lanek aurrera jarraitzen dute, eta ez da baztertzen datozen orduetan hildakoen kopuruak gora egitea.
Trumpek esan du ez duela uste AEBk Venezuelaren kontrako gerrarik egingo duenik, baina ez du planei buruz hitz egin nahi izan
"Zer erantzun diezaioket horrelako galdera bati? Ba al dago Venezuelan eraso bat egiteko planik? Nork esango luke hori? Halakorik balego, esan egingo nizukeela uste duzue, zintzoki? Bai, planak ditugu. Oso plan sekretuak ditugu", esan du 'Air Force One' hegazkinean. "Begira, ikusiko dugu Venezuelarekin zer gertatzen den", adierazi zuen, eta Venezuelako Gobernuak "milaka pertsona bidali zituen kartzeletatik, erakunde mentaletatik eta mendekotasun zentroetatik".
2007tik aurrera jaiotakoei erretzea debekatu die Maldivetako Gobernuak, horrelako erabaki bat hartu duen lehen herrialdea bihurtuz
Debekua aitzindaria da munduan, eta "ohitura ez osasungarriak desagerraraztea eta belaunaldi osasungarria eraikitzea" du helburu, presidenteak azaldu duenez.
Hamasek beste hiru gorpu entregatu dizkio Israeli
Bestalde, Israelek gazatarren 225 gorpu itzuli ditu, horietako asko abusuen eta torturen zantzuekin.
Poliziak ez du Londres iparraldeko tren batean izandako erasoa terrorismoarekin lotzeko zantzurik sumatu
Britainiarrak dira erasoaren bi egileak, eta "ez du terrorismoarekin zerikusirik", esan du prentsaurrekoan Garraoi Poliziaren buru John Lovelessek. Zauritutako hamar lagunetatik bi egoera kritikoan daude, "hiltzeko arriskuan".
Israelek Hezbollahko buruzagi bat hil du Libano hegoaldean egindako erasoetan
Gainera, Israelgo indarrek erasoak areagotzeko mehatxua egin dute, Beiruti milizia xiitaren armagabetzean porrot egin izana leporatu ostean.
Egiptok badu bere museo ‘faraonikoa’
Hainbat urtez atzeratu ostean, eta 20 urteko lanen ondoren, gaur zabaldu ditu ateak Egiptoko ikono kultural berriak. Mila milioi dolarreko kostua izan du, eta gainkostu eta arazo politikoak tarteko, asko atzeratu da. Azken egunotan ahoz aho dabilen Pariseko Louvre museoaren bikoitza da tamainaz, 500.000 metro kuadro ditu. Bertan aurkitu daitezkeen altxorren artean, Tutankamon faraoiaren bilduma handi bat dago. Honako museoa zibilizazio bakar bati eskainitako munduko arkeologia-konplexurik handiena da.