Ehunka erdialdeko amerikarrek Guatemala eta Mexiko arteko muga zeharkatu dute
AEB jomuga, 1.500 erdialdeko amerikarrek Guatemala eta Mexiko arteko muga zeharkatu dute igande honetan. Aurrez, 7.000 migratzailek osatutako talde batek gauza bera egin zuen, eta orain Mexikotik barrena ari dira, Ameriketako Estatu Batuetara iristeko asmoz.
Taldeak Tecun Uman muga-postua igaro du, eta istiluak izan dira muga babesten ari ziren agenteekin. Mexikoko Polizia Federalaren hitzetan, migratzaileek harriak eta kristalezko botilak jaurti dizkiete.
Guatemalako suhiltzaile boluntarioek salatu dutenez, pertsona bat, gizon hondurastar bat, hil da Poliziak jaurtitako gomazko pilota batek buruan jota. Beste 10 pertsona zauritu dira.
Mexikoko Gobernuak gertakariak ukatu ditu. Azaldu duenez, Polizia Federala ez zegoen armatuta istiluak jazo direnean, eta hortaz, agenteek ez dute migratzailea hil.
Alfonso Navarrete Mexikoko Gobernantza Idazkaritzako buruak azaldu duenez, agenteei emandako aginduak "argiak" ziren: "Armatu gabeko poliziak modu baketsuan eta ordenatuan zuzendu behar zuen operazioa, migratzaileei euren burua identifikatzeko eskatuz".
Guatemalako Gobernuak migratzaileen jarrera kritikatu du. Halaber, Salvador Sanchez Ceren Salvadorko presidenteak taldeari elkartasun adierazi du, eta mugitzeko eskubidea aldarrikatu du. Bidaia horretan "bizia arriskuan ez jartzeko" deia egin du, dena den.
Donald Trump AEBko presidenteak ere estu hartu ditu mugimenduok. Armada mugara eramango duela mehatxatu du, eta Guatemalari, Hondurasi eta Salvadorri ematen dien laguntza ekonomikoa "nabarmen" gutxiko duela agindu du. Mexikoren kontrako errepresaliak ere iragarri ditu, taldea ez geldiaraztearren.
Zure interesekoa izan daiteke
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.