Mexikoko mugatik AEBra doazen migratzaileei asilo eskaerak mugatuko dizkie Trumpek
Donald Trump Ameriketako Estatu Batuetako (AEB) presidenteak ostegun honetan jakitera eman duenez, Mexikoko muga igarota AEBra sartzen diren migratzaileei asilo eskaerak mugatuko dizkiete. Izan ere, soilik araututako sarbide jakin batzuetatik sartzen diren pertsonek izango dute herrialdean onartuak izateko aukera.
“Asilo politikoa eskuratu nahi duten migratzaileak gune jakin batean aurkeztu beharko dira”, esan du Trumpek. “Araudia errespetatu gabe eta legez kontra AEBn sartzea erabakitzen dutenek ez dute inolako aukerarik izango gure herrialdean onartuak izateko”, gaineratu du agintari estatubatuarrak.
Halaber, AEBko legedia errespetatu gabe herrialdean sartu nahian atxilotuz gero, horien kasuak aztertu arte ez dituztela aske utziko jakinarazi du, eta deportatu egingo dituztela ziurtatu du.
Horren aurrean, Erdialdeko Amerikatik AEBra iristeko asmoz bidean dauden migratzaileei etxera itzultzeko eskatu die. Izan ere, legezko prozesu baten bitartez herrialdean sartzen ez diren pertsona guztiak kanporatu egingo dituztela berretsi du.
Erdialdeko Amerikatik AEBra bidean doan migratzaileen karabanari ateak ixteko, behar izanez gero, Mexikoko mugan 15.000 soldadu zabaltzeko agindua emango duela esan eta biharamunean egin du ohartarazpen hori Trumpek.
Armadak tiroz erantzun dezake
Bestalde, migratzaileek Mexikoko mugan dauden soldaduei “harriak” jaurtiz gero, horiek tiroz erantzuteko aukera izango dutela esan du. Trumpen esanetan, urriaren 13an Hondurastik abiatutako migratzaileen karabanak harriak bota zizkion Mexikon Poliziari.
Urriaren 19an, sei agente zauritu ziren, 3.000 migratzaile inguruko taldeak hesi bat behera bota eta harrikatu zituztenean. Alabaina, agintariek geroago jakinarazi zutenez, “migratzaileen karabanarekin zerikusirik ez zuten pertsona batzuk” dira egun hartako erasoen egileak.
Zure interesekoa izan daiteke
Global Sumud ontzidian zihoazen beste bost euskal ekintzaile itzuli dira
Global Sumud ontzidian zihoazen beste bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea izan da Loiuko aireportuan lurreratu dena, eta publikoki salatu du "kontzentrazio eremu flotatzaile batean bahitu" izana eta jasan zituzten "tratu txar fisiko eta psikikoak".
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.