Guaido Venezuelako presidente 'legitimo' bezala aintzatetsi du Trumpek
Juan Guaido Venezuelako Batzar Nazionaleko (Parlamentua) burua Venezuelako presidente "legitimo" bezala aintzatetsi du Donald Trump Ameriketako Estatu Batuetako presidenteak. Horrela, Nicolas Maduroren Gobernuaren kontrako presioa areagotu du Trumpek.
Argentina, Costa Rica, Guatemala, Honduras, Panama, Brasil, Kolonbia, Peru, Paraguai, Txile eta Kanada herrialdeetako gobernuek "Venezuelako presidente" gisa aitortu dute jada Guaido.
Mexiko, aldiz, Nicolas Maduroren alde agertu da, Jesus Ramirez Cuevas Presidentetzako bozeramaileak jakinarazi duenez, baita Bolivia eta Kuba ere.
Guaidok "Maduroren usurpazioaren aurka borrokatzeko" Venezuelako Exekutiboaren eskumenak bereganatu dituela iragarri eta minutu batzuetara eman du bere erabakiaren berri Trumpek, agiri baten bidez.
"Juan Guaido Venezuelako Batzar Nazionaleko presidentearen zilegitasuna ofizialki aintzatetsi nahi dut gaur, Venezuelako presidente gisa", adierazi du Trumpek.
"Venezuelako herriak behar bezala aukeratutako Gobernu adar zilegi bakarraren paperean, Batzar Nazionalak Konstituzioaren babesa aldarrikatu zuen Nicolas Maduro ez-legitimo aitortzeko eta, ondorioz, presidentearen bulegoa jabegabe uzteko", erantsi du.
"Ameriketako Estatu Batuen botere ekonomiko eta diplomatiko osoa Venezuelan demokrazia berrezartzeko" erabiltzen jarraituko duela ohartarazi du Trumpek.
"Guaido, Venezuelako Batzar Nazionaleko presidentea, Venezuelako presidente zilegi bezala aintzatesteko eskatzen diegu Amerikako beste gobernuei, eta zilegitasun konstituzionala berrezartzeko saiakeran elkarrekin egingo dugu lan", azpimarratu du AEBko agintariak.
Marco Rubio senatari errepublikanoa Trumpekin bildu zen atzo, eta Guaidoren zilegitasuna aitortzeko eskatu zion AEBko buruzagiari. Adituen arabera, neurriak ondorio legalak izan ditzake.
Gainera, Madurok Guaidori boterea ematea onartzen ez badu, "aukera guztiak" aztertuko dituztela ohartarazi du Trumpek. Etxe Zuriko ekitaldi batean, bide militarra erabiltzeko aukeraren inguruan galdetu diote kazetariek AEBko presidenteari. "Ez dugu ezer zehatzik aztertu, baina aukera guztiak mahai gainean daude", erantzun die.
"Madurok eta horren adiskideek indarkeriarekin erantzuten badute, Batzar Nazionaleko edozein kideri edo behar bezala aukeratutako beste arduradunen bati min ematen badiote, aukera guztiak ditugu mahai gainean", adierazi du AEBko Gobernuaren goi-funtzionario batek telefono dei batean.
EBk "erabateko babesa" eman dio Batzar Nazionalari, eta hauteskunde "sinesgarriak" eskatu ditu
Europar Batasunak "erabateko babesa" adierazi dio Venezuelako Batzar Nazionalari, demokratikoki aukeratutako erakundea delako, eta hauteskunde "sinesgarri" batzuk egiteko prozesua "berehala" abiatzea eskatu du.
"Demokratikoki aukeratutako erakunde gisa, Batzar Nazionala erabat babesten du EBk, bere botereak errespetatu behar direlako", azaldu du Federica Mogherini Europar Batasunaren Atzerri Politikarako goi-ordezkariak.
Bestalde, Guaidoren "mandatu demokratikoa" azpimarratu du Donald Tusk Europako Kontseiluaren presidenteak. "Madurok ez bezala, Batzar Nazionalak, Juan Guaidok barne, Venezuelako herritarren agindu demokratikoa du", adierazi du Tuskek Twitter sare sozialean.
"Europa osoa Venezuelako indar demokratikoak babesteko batzea espero dut", gaineratu du poloniar politikariak.
Albiste gehiago mundua
TikTok sare sozialak badu eroslea, Trumpen esanetan
Presidente estatubatuarraren hitzetan, "diru asko duen jende-talde" batek erosiko du. Bi aste barru emango dute jakitera, beti ere Txinak operazioa onartzen badu.
NBEren Garapenerako Finantzaketari buruzko Nazioarteko IV. Konferentzia Sevillan egingo da, asteon
Goi-bileraren emaitza nagusia 'Sevillako konpromisoa' deituriko adierazpen politikoa izango da, garapenerako finantzaketari buruzko nazioarteko komunitatearen ibilbide-orria markatuko duen dokumentua. Inaugurazioko osoko bilkuran onartzea aurreikusi da.
G7ak AEBko multinazionalak % 15eko gutxieneko zerga ordaintzetik salbuestea erabaki du
Munduko zazpi ekonomia nagusiak ordezkatzen dituen herrialde taldeak akordioa lortu duela ziurtatu du, Estatu Batuetako zerga-sistema aztertu eta Etxe Zuriak bere zerga-legearen 889. klausula ezabatzea onartu ostean. Horri esker, Etxe Zuriak errepresaliak ezarri ahal izango ditu multinazional estatubatuarrei zerga ezartzea erabakitzen zutenen aurka.
Hainbat zauritu eta atxilotu Belgraden, Gobernuaren aurkako protestetan
Hainbat pertsona zauritu ditu Poliziak Belgraden, Serbiako Gobernuaren aurkako manifestazio handian. Ehunka mila pertsonak hauteskundeak aurreratzeko eskatu dute hiriburuko kaleetan, Kosovoko guduaren (1389) urteurrenean, serbiar nazionalismoaren sorrerako gertakari historiko garrantzitsuenetarikoan.
Kayed Hammad, duela gutxi Gazatik irtetea lortu duen interpretea, Malagan da jada, bere familiarekin batera
Iritsi denean, interpretea bere anaiarekin bildu da, duela 18 urtetik besarkatzen ez zuena. Gazako bonbardaketetatik urrun bizitza berri bat hasteko itxaropentsu eta ilusio handiz agertu da.
Gazan hildakoen kopurua gora egiten ari denean, su-eten akordioa "datorren astean" lor litekeela esan du Trumpek
Israelgo Armadak gutxienez 50 pertsona hil ditu bart, haurrak tartean, Gaza Hirian, Jabalian, Deir al Balahn, Khan Yunisen eta Rafahn egindako erasoetan. Orotara, gutxienez 64 gazatar hil dituzte Palestina osoan.
Debekuen gainetik, milaka lagun atera dira kalera Budapesten Harrotasunaren eguna ospatzera
LGTBIQ+ Harrotasun Eguna ospatu dute Budapesten, larunbat honetan, agintariek debekatu duten arren. Izan ere, Viktor Orban lehen ministroaren gobernuak Harrotasunaren Martxa debekatzea ahalbidetzen duten erreforma legal eta konstituzionalak onartu zituen martxoan eta apirilean, adingabeen "garapen egokia" lortzeko arriskutsua dela argudiatuz. Hala ere, manifestazioa egin dute, eta lehen ministroak baztertu egin du Poliziak indarra erabiltzea.
Estatu-hiletak Iranen, Israelek egindako erasoetan hildako pertsonen omenez
Iranek larunbat honetan hasi ditu Israelen erasoetan hildakoak omentzeko estatu-hiletak. Israelek ekainaren 13an hasitako 12 eguneko gerran hildako 627 pertsonetako 60 omendu dituzte gaur; besteak beste, Irango Guardia Iraultzaileko komandante buru Hosein Salami jenerala, Irango Indar Armatuetako Estatu Nagusiko buru Mohamad Hosein Baqeri jenerala eta Mehdi Tehranchi zientzialari nuklearra.
Gazan laguntza NBEk banatzeko eskatu du Guterresek, egungo sistemak "hil" egiten duelako
Gazako agintarien arabera, 500 pertsona baino gehiago hil dira banaketa-zentro horietan, gehienak Israelgo indarrek egindako tiroen ondorioz. "Pertsona batzuk hiltzen ari dira beren familiak elikatzen saiatzeagatik. Janaria bilatzeak ez luke inoiz heriotza-zigorra izan behar", adierazi du Guterresek.
Kayed Hammad itzultzailea Gazatik atera da bere emazte eta hiru seme-alabekin
Kayed Hamadek oso harreman estua du Mikel Ayestaran lankidearekin. Harremanetan egon dira une oro, baita une txarrenetan ere, eta, zorionez, lortu du senideekin Gazatik ateratzea. Ammanen izan gara berarekin, baina Malagara joatekoa da, bertan duen anaia batengana.