Sandra Torres izan da garaile Guatemalako hauteskundeetan
Sandra Torres Guatemalako lehen dama ohiak irabazi ditu atzo, igandearekin, egin ziren hauteskunde presidentzialak. Hauteskunde mahaien % 20 zenbatuta dagoela, hautagai sozialdemokratak botoen % 23,33 eskuratu du.
Torresen Esperantzaren Batasun Nazionalaren alderdiak eskuineko hautagaiak baino zortzi puntu gehiago eskuratu ditu. Hala, Alejandro Giammatteik botoen % 15,70 lortu du.
Dena dela, joera hori aintzat hartuta, Torresek ez luke lehen itzulian irabazteko gehiengo nahikorik (erdia gehi bat), bigarren indar bozkatuenarekin, Giammetteirekin alegia, lehiatu beharko da bigarren itzulian (abuztuaren 11n).
Torres zen faborito, inkesten arabera. Giammetttei bigarren postua geratuko zela ere jakina zen, baina eskuineko hautagaiak gertu izan du Edmond Mulet Nazio Batuen Erakundeko Idazkaritza Nagusiko kabinete buru ohi eta Humanista alderdiko hautagaia; botoen % 12,83 eskuratu du.
Laugarren postuan Thelma Cabrera indigena den hautagai bakarra geratu da, botoen % 9,44rekin. Herrien Askapenerako Mugimenduaren alderdiko zerrendaburua da Cabrera.
Bosgarren indar bozkatuena Roberto Arzuk, Alvaro Arzu presidente ohiaren semeak, buru duen PAN-Podemos koalizio ultrakontserbadorea izan da, botoen % 6,55ekin.
Zortzi milioi guatemalar zeuden atzo deituta bozkatzera. Guatemalako presidentea eta presidenteordez gain, Kongresuko 160 diputatuak, Parlamentuko 20 ordezkariak eta 340 udaletako ordezkariak aukeratu behar zituzten.
Hauteskunde egunean istiluak egon ziren hainbat herritan, eta hori dela eta, hauteskundeak bertan behera geratu ziren Esquipulas Palo Gordo eta San Jorge udalerrietan (San Marcos eta Zacapa departamentuetan, hurrenez hurren).
Zure interesekoa izan daiteke
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.