Venezuela argiztatzen hasi da zazpi ordu iraun duen itzalaldiaren ondotik
Apurka-apurka argindar zerbitzua leheneratzen hasi dira Venezuelan astearte honetan. Zazpi orduz argindar barik egon dira gutxienez 16 departamentutan (24 dira guztira).
Gauerdia baino minutu batzuk lehenago zerbitzua berrezartzen hasi dira Caracas, Nueva Esparta, Bolivar, Tachira, Lara eta Anzoategui estatuetan, Gobernuak jakinarazi duenez.
Freddy Brito Argindar Energiaren ministroaren esanetan, Gobernuak "Argindar Estatu Nagusia aktibatu du, eta ministerio eta erakunde guztiak lanean daude herritarren beharrizanei erantzuteko".
Horrez gain, "hezkuntza eta lan jarduerak" bertan behera utzi dituzte, hornidura berreskuratzen laguntzeko.
"Adi!! Argindarra berrezartzeko egiten ari diren prozesuari laguntzeko, araututako hezkuntza eta lan jarduerak bertan behera geratuko dira uztailaren 23an. Urgentziazko konturik ezean, geratu etxean", zabaldu du Twitter bidez Jorge Rodriguez Komunikazio ministroak.
Atención!! El Gobierno Bolivariano se dirige al Pueblo de Venezuela pic.twitter.com/VYPYsPBW11
— Jorge Rodríguez (@jorgerpsuv) July 22, 2019
Itzalaldia Venezuelan 16:40 zirenean (20:40 GMT) hasi zen. Rodriguezen hitzetan, "eraso elektromagnetiko batek" eragin zuen.
Argindar faltak telefonia mugikorra, ur edangarriaren hornidura eta merkataritza transakzioak etetea ekarri zuen. Internetek ere egin zuen kale.
Caracasen, metro zerbitzua bertan behera geratu zen, eta herritarrek oinez egin behar izan zituzten joan-etorriak.
"Ikerketaren lehen datuen arabera, Guyanako zentral hidroelektrikoari egindako eraso elektromagnetiko batek eragin du itzalaldia", Komunikazio ministroaren arabera.
Bi emakume bazkaria ilunpetan prestatzen. Argazkia: EFE
Bestalde, Juan Guaido Parlamentuko presidenteak Gobernua egin du itzalaldiaren erantzule, zehazki, Argindarraren Administrazioa (militarrek kontrolatzen dute duela 10 urte).
Azkenekoz, martxoan izan zuten horrelako itzalaldi bat Venezuelan. Bi argindar eten handik herrialdea geldiarazi zuten 11 egunez.
Zure interesekoa izan daiteke
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.