Venezuelan negoziazio mahai iraunkor bat sortzea proposatu dio Madurok oposizioari
Nicolas Maduro Venezuelako presidenteak ostegun honetan baieztatu duenez, oposizioarekin elkarrizketa erronda berri bat hasi du Barbadosen, eta negoziazio mahai iraunkor bat sortzea proposatu dio. Alabaina, orain arte oposizioa ez da horren alde agertu, Maduroren gobernuari boterea bereganatzeko aukera emango diolakoan.
Guaidoren eta Maduroren ordezkarien arteko bilera asteazkenean hasi zen, Karibeko artxipelagoan, eta Norvegiako Gobernuak egin ditu bitartekari lanak. Bi aldeek maiatzean hasi zituzten elkarrizketak, Oslon. Hugo Chavez hil zenetik (2013. urtean) hiru aldiz saiatu dira akordio bat lortzen, baina oraindik ez dute lortu.
"Oposizioaren" eta "Gobernu nazional konstituziogilearen" arteko "elkarrizketa erronda" berri hori baieztatu du Madurok, AVN albiste agentziak jaso duenez. Akordioa lortzeko helburuarekin biltzen diren hirugarren aldia da honakoa, eta azkena ez izatea espero dute agintariek. Arrazoi horregatik, Madurok negoziazio mahai iraunkor bat ezartzea proposatu dio oposizioari.
Venezuelako agintaria, Miranda estatuan dagoen txokolate fabrika batera joan da gaur, eta kazetarien aurrean esan duenez, enpresariak eta gizarte eragileak ere eztabaida prozesu horretan ordezkatuta egotea nahi du. Horrela, urtarrilean, bere agintaldia hasi zenean, okerrera egin zuen krisi politikoari aurre egiten saiatuko da Venezuelako presidentea.
Madurok gogora ekarri duenez, haren aurkako erasoaren urtemuga beteko da abuztuaren 4an. Bere esanetan, ospakizun militar batean egindako atentatua “hilketa saiakera” izan zen. “Gerora egiaztatu zen Kolonbiatik bidalitako lehergailu batzuk erabili zituztela atentatu horretan, tokiko gobernuaren babesarekin, ni hiltzeko helburuarekin”, esan du.
Azken hilabeteetako elkarrizketen ostean, aurrerapausoak eman dituztela baieztatu dute Gobernuak eta Venezuelako oposizioak, baina ez dute negoziazioen inguruko xehetasunik eman nahi izan. Norvegiak bitartekari lana egiten du, eta diskrezioa eskatu die bi aldeei elkarrizketen arrakasta bermatzeko.
Zure interesekoa izan daiteke
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.