Johnsonek bozak aurreratuko ditu ez badiote akordiorik gabeko 'brexit'a egiten uzten
Boris Johnson lehen ministro britainiarrak hauteskundeak urriaren 14ra aurreratzea proposatuko du Parlamentuak akordiorik gabeko ‘brexit’a galarazteko legea onartzen badu, Reutersek gobernuko iturriak aipatuta jakitera eman duenez.
"Diputatuek oso aukeraketa erraza izango dute. Boris Johnsoni negoziatzearen aldeko botoa emanez gero, onena izango litzateke Erresuma Batuak akordioa lor dezan", azaldu du Gobernuko "goi-kargudun" batek.
"Baina bihar negoziazio prozesua etetearen alde egiten badute, Erresuma Batuari negoziaziorako gaitasun nahikoa kentzen badiote, gero etorriko dena asumitu beharko dute", gaineratu du.
Hauteskundeak aurreratzeko, ganberako 650 diputatuen bi herenen babesa behar du Johnsonek; hau da, kontserbadoreez gain Alderdi Laboristaren babesa ere beharko luke, eta azken horren buruak, Jeremy Corbynek, esana du ados egongo litzatekeela aukera horrekin.
Ez du 'brexit'a atzeratzea eskatuko
Downing Streeteko 10.etik emandako hitzaldi batean, lehen ministro britainiarrak esan du "inola ere ez" diola Bruselari Europar Batasunetik ateratzeko prozesua atzeratzea eskatuko (urriaren 31 da epemuga).
Gobernuburuak azpimarratu du ez duela hauteskundeak aurreratzeko asmorik, baina ohartarazi du Parlamentuak akordiorik gabeko 'brexit'a blokeatzeko legea onartzen badu, "ezinezkoa" izango dela Bruselarekin negoziatzea.
Komunen Ganbera bihar jarriko da berriro martxan, eta litekeena da diputatu batzuk 'brexit'a 2020ko urtarrilaren 31ra atzeratzeko lege bat sustatzen saiatzea.
Diputatu kontserbadoreetako batzuk mehatxu egin dute ez dutela alderdiaren diziplina errespetatuko, eta oposizioarekin bozkatuko dutela aipatu legea.
"Espero dut ez dutela egingo. Baina, egiten badute, Erresuma Batuaren jokabidearen oinarria moztuko lukete, eta ezinezkoa egingo lukete negoziazioa", adierazi du Johnsonek bere erresidentzia ofizialetik.
"Bruselako lagunei bat eginda gaudela erakusteko, diputatuek bat egin beharko lukete Gobernuarekin", adierazi du Johnsonek.
Zure interesekoa izan daiteke
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik preso politikoak hartzen ditu barne -chavismoa boterera iritsi zenetik honakoak-, eta giza eskubideen urraketa larriengatik auzipetuak edo zigortuak daudenak kanpo uzten ditu. Orain kontsulta prozesua zabalduko da eta, ondoren, bigarren eztabaida batean onartu beharko da.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.