2050erako CO2 isuriak zerora murrizteko konpromisoa hartu dute 77 herrialdek
Nazio Batuen Erakundeak (NBE) antolatuta New Yorken klimari buruz egiten ari diren goi-bileran, 2050. urterako CO2 isuriak zerora murrizteko konpromisoa hartu dute 77 herrialdek. Dena dela, Greta Thunberg gazte ekintzaile suediarra izan da eguneko protagonista. Traizioa eta gazteei huts egitea leporatu die agintariei.
Antonio Guterres NBEko idazkari nagusiak ohartarazpen mezua egin du: "Denborarik gabe gelditzen ari gara, baina oraindik ez da beranduegi".
Ildo horretan, politikak eta jarrerak aldatzeko itxaropentsu agertu da. Haren esanetan, New Yorkeko goi-bilera hau "ez da hitz egiteko edo negoziatzeko goi-bilera bat; nahikoa hitz egin da eta naturarekin ez da negoziatzen. Ekintzarako garaia da". "Larrialdi klimatikoaren borroka galtzen ari gara, baina irabaz daiteke. Krisi klimatikoa guk eragin dugu eta konponbideak ere guregan daude", nabarmendu du.
Donald Trump AEBko presidenteak klima aldaketa ukatzen du eta ez du goi-bileran parte hartu. Hala eta guztiz ere, goi-bileran agerraldi laburra egin du, eta Antonio Guterres NBEko idazkari nagusiak aurrerapauso gisa hartu du.
Trumpek uko egin dio Greta Thunberg ekintzailearekin aurrez aurreko bat izateari. Dena dela, biek elkar ikusi dute eta begiradak trukatu dituzte.
Kontuak kontu, Greta Thunberg 16 urteko ekintzaile suediarra izan da eguneko protagonista. Bere hitzaldian, errieta egin die agintariei klima aldaketaren aurka neurriak ez hartzeagatik.
Albiste gehiago mundua
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.
Leon XVI .a aita santuak deia egin die gazteei "gauza handiak lortzea " helburu izateko eta kontsumismoa baztertzeko
Erroman eginako Gazteen Jubileua ixteko, aita santuak elkartasuna adierazi die Gazan eta Ukrainan gerra pairatzen ari diren gazteei.
Gizon bat espetxeratu dute Frantzian, emaztea mozkortzea egotzita, beste gizon batzuekin sexu-harremanak izatera behartzeko
62 urteko gizonezkoari emaztearen baimenik gabe topaketak antolatzea leporatzen diote, Gisele Pelicoten kasuaren eskandalua gogorarazten duen kasu batean.
60.000 pertsona inguru manifestatu dira Tel Aviven, Gazan bahituen bideoak zabaldu ostean
Gazako gatibuak Israelera bueltan eramango dituen su-eten akordio bat eskatu dute, ohi baino jende gehiagorekin egindako protesta jendetsuan, horien bideo batzuk zabaldu ostean. Bideo horietan, bahituek muturreko argaltasuna erakusten dute eta akordio bat eskatzen diete agintariei. Israelek 104 pertsona hil ditu azken orduotan Gazako Zerrendan.
Hamasek dio ez dela desarmatuko Estatu palestinar bat ezarri arte
Horrela erantzuten dio Steve Witkoff AEBk Ekialde Hurbilean duen mandatariari, talde islamista armak uzteko prest zegoela esan ondoren.