Greta Thunbergek agintariei: 'Gustatu ala ez, aldaketa badator'
Greta Thunberg gazte ekintzaile suediarrak, krisi klimatikoaren aurkako gazte mugimenduaren buruak, estatuburuei eta gobernuburuei esan die ez dutela nahikoa egiten krisi klimatikoa iraultzeko, eta ohartarazi die gazteek aldaketari ekingo diotela, haiei "gustatu ala ez".
"Hemen eta orain aurrerapausoa emango dugu, badator aldaketa, gustatu ala ez", adierazi du Thunbergek Nazio Batuen Erakundearen egoitzan, New Yorken, egiten ari diren Ekintza Klimatikoaren Goi-bileraren hasieran.
"Ekosistemak hiltzen ari dira, desagertze handi baten atarian gaude", gaineratu du 16 urteko ekintzaileak, buruzagiei beste alde batera begiratzea edo diruan bakarrik pentsatzea egotzi aurretik.
"Triste eta haserre", Thunbergek esperientzia pertsonaletik abiatu du hitzaldia, eta azpimarratu du gaur ez lukeela NBEren egoitzan egon behar gazte guztien izenean hitz egiten, baizik eta eskolan, ozeanoaren beste aldean.
"Ametsak lapurtu dizkidate, nire haurtzaroa, hitz huts horiekin", adierazi eta hau gaineratu du: "Dena den, zortea dut, asko baitira sufritzen ari direnak, hiltzen ari direnak", berotzearen ondorioz.
Gazte ekintzaileak, mundu osoan milioika gazteren inspirazio iturri bihurtu denak, berretsi du duela hainbat hamarkadatik "datu zientifikoak oso argiak" direla krisi klimatikoaren eta ondorio larrien inguruan.
"Nola ausartzen dira beste aldera begiratzen, eta hona etorri eta nahikoa egiten dutela esaten? Entzuten gaituztela esaten dute, larrialdia ulertzen dutela, baina… Benetan egoera ulertuko balute, ez lukete ezer egin gabe jarraituko", adierazi du, "ez dut sinetsi nahi maltzurkeriaz jokatzen dutela" gaineratu aurretik.
Gretak esan duenez, mundu mailako tenperatura gradu eta erdi ez igotzeko isuri kutsakorrak erdira murrizteko proposamena ez da nahikoa ausarta.
"Guretzat ez da onargarria, gu izango baikara ondorioak biziko ditugunak", adierazi du, eta azpimarratu "gazteei kale egiten" ari direla, baina gazteak "traizioaren tamainaren jabe" direla.
Zure interesekoa izan daiteke
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".