500 pertsona inguru atxilotu dituzte Ekuadorren, azken egunetan izandako istiluetan
Ekuadorko Gobernuaren arabera, gutxienez 477 pertsona atxilotu dituzte hiriburuan, Nazioarteko Diru Funtsarekin (NDF) adostutako programa baten ondorioz erregaiei diru-laguntzak kentzearen aurkako manifestazioetan.
Oswaldo Jarrin Defentsa ministroarekin batera telebistan egindako elkarrizketa batean, Maria Paula Romo ministroak zehaztu du atxiloketa gehienak bandalismoarekin zerikusia dutela, erregaien prezioen igoera dela eta.
Ostegunean, garraiolariek deitutako lehen greba-egunean, istilu eta arpilatze ugari jazo ziren hiriburuan. Gobernuaren erabakiaren aurkako protestetan 3.000 pertsona inguruk parte hartu zuten, eta, egun horretan izandako istiluetan, 12 patruila erre zituzten eta 11 anbulantziari eraso egin zieten.
“Indarkeria ez litzateke inoiz protesta egiteko erabili behar, baina pertsona batzuek zentzuzkoena gainditu dute”, salatu du Romok. Ildo horretatik, manifestariek protesta egiteko hartu dituzten neurrien artean 50 bat polizia eta militar atxiki izana ez dela onargarria azpimarratu du.
Halaber, 35 urteko herritar baten heriotza deitoratu du, izan ere, manifestariek errepideetan jarritako oztopoen ondorioz, anbulantzia ezin izan zen lekura hurbildu eta medikuek ezin izan zuten gaztea garaiz artatu.
Ekuadorko Gobernuko Komunikazio arduradunaren arabera, “normaltasuna probintzia gehienetara itzultzen ari da”, baina toki batzuetan "bideak gelditzeko eta ixteko mehatxuak daude".
Arrazoi horregatik, "segurtasuna bermatzeko" eta "haur eta nerabeen osotasuna" zaintzeko, eskolak itxita jarraituko dutela esan du Gobernuak.
Bestalde, Lenin Moreno Ekuadorko presidentea elkarrizketarako prest agertu da, baina protestetan buru direnek esan dute "itxita" daudela Gobernuarekin hitz egiteko aukera guztiak.
Albiste gehiago mundua
Kazetarien protesta Londresen, Israelek Gazan kazetarien aurka egindako erasoak gaitzesteko
Azken orduetan Israelen bonbardaketen ondorioz bost kazetari hil direla salatu dute, eta guztira orain arte 200 baino gehiago hil direla gogorarazi dute. Gainera, gutuna igorri diote Starmer lehen ministroari, kazetarien segurtasuna bermatzeko behar diren neurriak hartzeko eskatuz.
Alemania derrigorrezko soldadutza berreskuratzear da
Alemaniako Gobernuak borondatezko erreklutamendu sistema berria aurkeztu du. Hala ere, ez dute baztertu derrigorrezko soldaduska ezartzea —2011n kendu zuten—, sistema berriaren bidez ez badute soldadu nahikorik lortzen.
Harrika hartu dute Milei Buenos Airesen, hauteskunde-ekitaldi batean
Eraso egin zioten Javier Milei Argentinako presidenteari, hauteskunde karabanan zebilela, Lomas de Zamora herrian; oposizio peronistaren "gotorlekuan", alegia. Manifestariek harriak eta beste objektu batzuk jaurti zizkioten presidenteari.
Global Sumud Flotilla, Palestinaren alde ontziak mundu osoan mugiaraziko dituen ekimena
Ekimenak dozenaka itsasontzi, 44 herrialde eta milaka boluntario biltzen ditu Israelek Gazan egiten ari den blokeoa salatzeko eta "giza eskubideak defendatzen dituzten" portuak aldarrikatzeko.
Beste gorpu bat aurkitu dute Sena ibaian, duela bi aste beste lau aurkitu zituzten lekutik gertu
Fiskaltzak ikerketa abiatu du biktima horrek beste laurekin zerikusia duen argitzeko. Dagoeneko susmagarri bat atxilotu dute.
Gutxienez bi haur hil dira Minneapolisen, eskola katoliko batean izandako tiroketan
Minneapolisko poliziaburuak emandako datuen arabera, armatutako gizon bat eraikinaren kanpoaldetik tiroka hasi da, leihotik, elizako bankuetan eserita zeuden haurren aurka. Zortzi eta hamar urteko bi haur hil dira, eta 17 pertsona zauritu dira, horietatik 14 umeak ziren eta bi oso larri daude. Erasotzaileak bere buruaz beste egin du, eta Robin Westman izenez identifikatu dute.
Kayed Hammad, kazetari gazatarra: "Kazetariak Israelgo Armadaren jomuga nagusietakoak dira, milizianoak baino gehiago"
Kayed Hammadek, orain ia 2 hilabete Gazako infernutik Espainiara heltzea lortu zuen kazetariak, hitz egin digu, etsipenak jota. Haren ustez, nabarmen argia da Gazako kazetariak Israelgo armadaren jomuga direla, eta Nasser Ospitalearen aurkako eraso bikoitza ez zela akatsa izan. Berak ez omen zuen kazetari txalekorik erabiltzen, seguruago sentitzen zelako jantzi gabe ibiltzen.
Israelek dio bahituak askatzeko "akordio integral" bat nahi duela; Hamas, ordea, erantzunaren zain
Hamasek onartutako azken proposamenak erantzunik gabe jarraitzen du, eta AEBk iragarri du "bilera handia" egingo dela, Etxe Zurian.
Mikel Ayestaran: "Ez dago inolako aldaketarik Benjamin Netanhayuren Gobernuaren estrategian"
Israelgo Segurtasun Kontseiluaren bileraren ondoren, ez dirudi Netanyahuren Gobernuak Gazako okupazioa gelditzeko asmorik duenik. Erabaki horrek haserre handia sortu du bahituen familien artean. Manifestazio jendetsuak izan dira gaur Israelgo kaleetan, ehunka mila pertsona atera dira; hala ere, ekintzak ez dira masiboak izan.
Astelehenean bonbardatu zuen ospitalean “Hamasen kamera bat” zegoela argudiatu du Israelek, ebidentziarik aurkeztu gabe
Israelgo Armadak "hasierako ikerketa" bat aurkeztu du astelehenean gertatutakoa argitzeko, baina ez du ebidentziarik eman ezer ez frogatzeko. Hogei pertsona hil zituzten erasoetan; tartean, bost kazetari.