Siria iparraldean dituzten tropa guztiak erretiratzeko agindu du Trumpek
Mark Esper AEBetako Defentsa idazkariak iragarri berri du Siria iparraldean dituzten tropa guztiak erretiratzeko agindua eman duela Donald Trump presidenteak. Turkiako indarrak eta kurduak borroka bizian dira inguru horretan.
"Segurtasun Nazionaleko taldekideekin hitz egin ondoren, presidentearekin egon nintzen bart eta Siria iparraldeko soldatuak erretiratzen hasiko ginela adierazi zidan" kontatu du Esperrek CBS telebista kateko "Face the Nation" saioan egin dioten elkarrizketan.
AEBetako 1.000 soldadu inguru daude une honetan Siria iparraldean eta horiek lekualdatzea erabaki dute "Turkiak hasiera batean pentsatua baino hegoalderago eraso egiteko asmoa duela jakin ostean".
Milizia kurduek osatutako FSD Siriako Indar Demokratikoak AEBen aliatu garrantzitsuak izan dira orain arte Estatu Islamikoaren (EI) aurkako borrokan. Kurduak Siriako erregimenarekin eta Errusiarekin akordioa egin nahian dabiltzala ere adierazi du Esperrek, kontraeraso bat burutzeko asmoz.
Duela bi egun prentsaurrekoa eman zuen Esperek eta AEBek ez zituela EIren kontrako borrokan aliatu izan dituenak "abandonatuko" esan zuen, baina gaur iragapen hau egin du.
Hain zuzen ere, Estatu Islamikoarekin lotutako 785 atzerritarrek ihes egin dutela Ain Issako atxilotze-eremutik jakinarazi dute gaur agintari kurduek. 12.000 jihadista eta EIko kideen 70.000 senide zituzten eremu horretan baina turkiarren erasoen aurrean gutxitu egin behar izan dute eremu horretako zaintza, euren burua defendatzeko. Hala, bonbardaketa aprobetxatu dute ehunka pertsona horiek ihes egiteko.
Recep Tayyip Erdogan Turkiako presidenteak gezurtatu egin du ihesaren albistea eta mendebaldearen erantzuna pizteko sortutako "desinformazioak" direla esan du. Erdoganek adierazi du "faltsua" dela albiste hori eta AEB zein mendebaldeko herriak probokatzea duela helburu.
Trumpek, bien bitartean, mezua argitaratu du AEBek Turkiari "zigor gogorrak" jarriko dizkiola iragarriz.
Europako Batasuneko ministroek astelehenean aztertuko dute gaia
Europako Batasuneko ministroek astelehenen honetan aztertuko dituzte Turkiaren erasoak eta horien ondorioak Luxemburgen espresuki deitu duten bilera batean.
Jada esan dute Turkiaren jarrera bakearen kontrakoa dela, erasoak bertan behera uzteko eskatu diote, eta astelehen honetan Turkiari zigor gehiago jartzea aztertuko dute.
Zure interesekoa izan daiteke
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.