Ras al Ain hiri garrantzitsua berreskuratu dute kurduek
Siriako Giza Eskubideen Behatokiak urriaren 13 honetan jakitera eman duenez, Siriako Indar Demokratikoek (FSD) Ras al Ain hiri garrantzitsua berreskuratu dute azken orduetan zati handi bat Turkiaren aliatuen esku egon eta gero. Hiri hori gakoa da Siriara sartzeko eta bi aldeen arteko borrokak 21 hildako eragin ditu.
Nazio Batuen Gai Humanitarioetarako Bulegoak zabaldutako datuen arabera, Ras al Ain eta inguruan den Tel Abyadetik 130.000 pertsonak ihes egin behar izan dute erasoak direla eta.
Hasaka hirian eta inguruetan, berriz, urik gabe geratzen ari direla ohartarazi du NBEk, egoera "abiada batean" okertzen ari dela, eta "kritikoa" bihurtzen ari dela bertan bizi diren 400.000 pertsonentzat, horietako laurden bat kanpamenduetan.
Duela bost egun hasi zuen Turkiak oldarraldia - EI Estatu Islamiarraren kontrako borrokan kurduen aliatu izan diren Ameriketako Estatu Batuek zonaldea utzi eta berehala- eta gogor egin die eraso Ras al Ain eta Tel Abyad hiriei, bai bonbardatuz bai lurretik ere.
Ostiraletik itxita daude bi hiri horietako ospitale publiko eta pribatuak baina erasoak jasaten ari dira zona neutralak izan arren, NBEk salatu dutenez.
Liga Arabiarrak Turkiak erasoak bertan behera uzteko eskatu du
Liga Arabiarreko Kanpo Gaietarako ministroek (22 herrialdetakoak) gogor gaitzetsi dute larunbat honetan, Turkiaren erasoa eta berehala bertan behera uzteko eskatu dute.
Kairon urgentziaz egin duten bileran, diplomatiko nagusiek adierazi dute turkiarrek egin dutena Siriaren subiranotasunaren "bortxaketa" dela eta arriskuan jartzen dituela inguru horretako bakea eta segurtasuna.
Gainera, eraso horiek Estatu Islamikoaren kontra orain arte egindako lana zapuztuko dutela eta horiei berrindartzen lagunduko dietela ohartarazi dute.
Hain zuzen ere, Siriako Giza Eskubideen Behatokiak salatu du Estatu Islamikoko kideen 100 senide inguruk ihes egitea lortu dutela bonbardaketei esker. Orain arte Ain Issa atxilotze-eremua zituzten eta eremu hori kurduek zaintzen zuten baina turkiarren erasoaren ondoren "anarkia da nagusi" inguru horretan.
Datu hori handiagoa da, gainera. Igande eguerdian FDStik jakitera eman dutenez, Estatu Islamiarreko 785 kide inguruk ihes egin dute Ain Issa atxilotze-eremutik, Turkiaren erasoak aprobetxatuz.
Kurduek azaldu dutenez, atxilotze-eremuko zaintzaile kopurua asko jaitsi da batzuk borroka frontera joan behar izan dutelako eta eremu hori bera bonbardatu duenez Turkiak, zaintzaile askok ihes egin dutelako.
Europako Batasuneko ministroek astelehenean aztertuko dute gaia
Europako Batasuneko ministroek astelehenen honetan aztertuko dituzte Turkiaren erasoak eta horien ondorioak Luxemburgen espresuki deitu duten bilera batean.
Jada esan dute Turkiaren jarrera bakearen kontrakoa dela, erasoak bertan behera uzteko eskatu diote, eta astelehen honetan Turkiari zigor gehiago jartzea aztertuko dute.
Zure interesekoa izan daiteke
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.