Evo Morales Mexikora joan da babes bila, baina Boliviara laster itzultzeko asmoa du
Bolivia kaosean murgilduta dago Evo Moralesek presidente kargua utzi, eta Mexikora joateko hegazkin bat hartu ostean, bertan asilo politikoa eskatzeko asmoz. Testuinguru horretan, Boliviako Poliziak Boliviako Armadaren laguntza eskatu du, protestei aurre egin eta kaleetan ordena publikoa berrezartzeko.
Boliviako Parlamentuak atzo jaso zuen Moralesen dimisio-gutuna, eta, bertan esan duenez, 13 urte eta 9 hilabetez gobernatu duen herrialdean indarkeria saihestu nahi du erabaki horrekin.
Moralesek bart aireratutako txio baten bidez baieztatu du Mexikora bidean zela, herrialdeak eskainitako babes politikoa onartu ondoren, baina Boliviara laster "indar eta energia gehiagorekin" itzultzeko asmoarekin joan dela azaldu du.
"Anai-arrebak, Mexikora bidean naiz, eta eskerrak eman nahi dizkiot bizitza babesteko asiloa eskaini didan herrialdearen gobernuari. Min ematen dit herrialdea arrazoi politikoengatik uzteak, baina beti egongo naiz Boliviara bueltatzeko zain. Laster, indar eta energia gehiagorekin itzuliko naiz ", esan du bart Boliviako presidente ohiak Twitter bidez zabaldutako mezu batean.
Marcelo Ebrard Mexikoko kantzilerrak baieztatu duenez, Evo Moralesek Mexikoko Aire Armadako hegazkin bat hartu du. "Indarrean dauden nazioarteko hitzarmenen arabera, Mexikoren babespean dago. Bere bizitza eta osotasuna salbu daude", adierazi du Ebradek.
Oposizioak urriaren 20ko hauteskundeetan iruzur egin zela salatu ostean, Evo Moralesen aldeko eta kontrako protesta bortitzak izan dira herrialdean, eta hiru hildako eta 400 zauritu baino gehiago utzi dituzte jada.
Bestalde, Jeanine Auñez oposizioko Batasun Demokrataren (UD) senatari eta Boliviako Senatuko bigarren presidenteordeak herrialdeko presidentetza hartzeko prest dagoela esan du, 90 eguneko epean berriro hauteskundeak deituko dituen trantsizioko gobernu bat ezartzeko.
Halaber, Alvaro Garcia Linera Boliviako presidenteordeak eta Victor Borda eta Adriana Salvatierra diputatuen eta senatarien ganberetako presidenteek, hurrenez hurren, uko egin diete euren karguei.
Zure interesekoa izan daiteke
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.