Luis Parra Asanblada Nazionaleko presidente izendatu dute Venezuelan Guaidoren ordez
Venezuelako Asanblada Nazionalak Luis Parra Primero Justicia alderdiko diputatu presidente izendatu du igande honetan Juan Guaidoren ordez.
Bozketan diputatu chavisten babesa jaso du Parrak. Guaidok eta haren jarraitzaileek "estatu-kolpe parlamentarioa" salatu dute.
Guaido ez da saioan egon; izan ere, diputatu batzuk ezin izan dira Parlamentura sartu Poliziaren kontroletan.
Ordu batzuen ondoren, Guaidoren aldekoek beste saio bat egin dute “El Nacional” egunkariaren erredakzioan, eta Guaido bera izendatu dute Ganberako presidente, 100 botorekin.
Guaido "iragana da", adierazi du Parrak. "Iraganari lotuta ez dugu jarraituko, Juan Guaido guretzako iragana da eta etorkizunari ateak zabaldu behar dizkiogu", esan du VTV telebistan.
Parraren ahotan, Guaidok "hemen egon behar zuela bazekien, beste guztiak bezalaxe", eta "inork ez dio sartzea eragotzi", baina kanpoan "geratzea erabaki" du, berriro izendatzeko "boto nahikorik ez zeukalako".
Parraren hitzetan, herrialdea berreraikitzeko "polarizazioa atzean utzi" eta "konfrontazioa saihestea" beharrezkoa da.
"Hauteskunde prozesu batean aukeratzea ez da delitua. Hauteskunde Kontseilu Nazionala (CNE) Konstituzioak arautu bezala definitzea nahi dugu. Ez dugu kale egingo, horren guztiaren gainetik egongo gara", adierazi du Parrak, Efecto Cocuyo bertako komunikabideak jakitera eman duenez.
Nicolas Maduro Venezuelako agintariak ziurtatu duenez, Guaidok "ez du aurpegia eman nahi izan", eta horregatik ez da Parlamentuan sartu. "Ez da oso ausarta, egoerari aurre egin behar zion, baina aurpegirik ez du eman nahi izan", esan du Madurok beisbol estadio baten inaugurazioan La Guaira hirian, Caracasetik gertu.
"Maduroren diktaduraren estatu-kolpe parlamentarioa" salatu du Guaidoren behin-behineko Gobernuak dagoeneko.
"Botorik eta arauzko quorumik gabe, PSUVeko eta Clap frakzio usteleko diputatuek zuzentarau faltsua aurrera atera dute", salatu dute Guaidoren jarraitzaileek.
Freddy Gueva diputatuaren ahotan, PSUV Maduroren alderdiak "ustelkeriaz akusatutako diputatuak babestu ditu, Parlamentuari eman dioten estatu-kolpe aldrebesean". "Diputatuei sarrera eragotzi diete hau egiteko eta, hala ere, ez dute quorumik lortu, ezta gehiengorik ere", salatu du.
Parlamentuaren eraikinera sartu ezinda, Guaidok kanpoaldean saio alternatiboa egingo dutela iragarri du.
Oposizioak salatu duenez, "Maduroren diktadurak jazarritako 49 diputatu dira, horietako asko erbestean eta beste batzuk askatasunik gabe, kartzelan". Auzipetu eta immunitate parlamentarioa kendu zieten auzitegiek.
Juan Guaido Venezuelako presidente bezala onartu zuten zenbait gobernuk gaurko bozketa errefusatu dute dagoeneko, besteak beste, AEB, Kolonbia, Paraguai eta Portugalek.
Zure interesekoa izan daiteke
130.000 pertsona inguru argindarrik gabe geratu dira San Frantziskon
Pacific Gas and Electric (PG & E) konpainiak zabaldu duenez, 130.000 pertsona inguru argindarrik gabe geratu dira San Frantziskon (AEB), eta egoera konpontzeko lanean ari dira. Garraio publikoa eten egin da eta hainbat tokitan semaforoak ez dira martxan egon. Horrek zailtasunak eta atzerapenak eragin ditu trafikoan. Agintariek kaltetutako eremuetara ez joateko eskatu diete herritarrei, eta behar-beharrezkoa denean soilik jotzeko larrialdi zerbitzuetara.
AEBk beste petrolio-ontzi bat "lapurtu" diola salatu du Venezuelak
Gobernu chavistak "pirateria" ekintzatzat jo du gertaera, eta tripulazioaren "desagerpen behartua" ere salatu du.
Gutxienez bederatzi pertsona hil eta hamar zauritu dituzte Johannesburgetik gertu egindako eraso batean
Oraingoz, ez dakite zergatik egin duten erasoa, eta polizia-indarrek "beharrezko baliabide guztiak" bideratu dituzte gertatutakoa argitzeko.
Trumpen gobernuak Epstein auziko artxiboen zati bat kaleratu du
Pederastaren biktimek pozez hartu dute argitalpena, baina informazioa eta artxiboak falta direla salatu. Kaleratutako irudiotan, Bill Clinton presidente ohia ageri da jacuzzi batean.
Ukrainak Errusiarekin hitz egin nahi izatearen "seinale batzuk" jaso dituela azpimarratu du Putinek
Errusia "gatazka bide baketsuan amaitzeko" prest dagoela azpimarratu du, "joan den ekainean Atzerri Ministerioaren aurrean azaldu nituen printzipioetan oinarrituta" eta "gatazka eragin zuten jatorrizko arrazoiak ezabatuz gero".
AEBko Gobernuak Epstein pederastaren artxibo klasifikatuak argitaratuko ditu ostiral honetan, partzialki bada ere
Pasa den azaroan, AEBko Ordezkarien Ganberak Trumpen gobernua Jeffrey Epstein pederastaren artxiboak sekretupetik ateratzea behartzen duen legea onartu zuen. Lege-testuaren arabera, material hori "kontsultatzeko eta deskargatzeko" moduan egon beharko da.
Europar Batasunak 90.000 milioi euroko mailegua emango dio Ukrainari, zor bateratuaren bidez finantzatuta
Momentuz, 27 herrialdeetako agintariek ez dituzte aktibo errusiarrak erabiliko Ukraina finantzatzeko.
EBk akordioa iragarri du asilo-eskatzaileak "hirugarren herrialde seguruetara" deportatzea errazteko
Europako Kontseiluaren eta Europako Parlamentuaren arteko behin-behineko akordioak babes-eskaerak ez onartzeko kasuistikak zabalduko ditu.
Ospea minimoetan duela, Trumpek bere lorpenak puztu ditu nazioari egindako diskurtso batean
Ia egunero egiten dituen agerraldi publikoetan esaten dituen gauza asko errepikatuz hasi du hitzaldia agintariak: etorkinei eta Joe Biden bere aurrekoaren gobernuari eraso egin die, eta hilabete gutxi batzuetan AEBk "okerrenetik onenera" egin dutela ziurtatu du, deportazioak egin dituelako, mugaetako kontrolak zorroztu dituelako eta beste herrialde batzuen aurka muga-zergak ezarri dituelako.
Venezuelak, AEBri: "Ez duzue gure petroliorik izango, ez oparituta, ezta lapurtuta ere"
Etxe Zuriak atzo adierazi zuenez, AEBk sortu zuen Venezuelako petrolio-industria, eta Caracasen 1976an industria hori nazionalizatzea, estatubatuarrei inoiz egindako "lapurretarik handiena" izan zen.