Venezuelako Poliziak Parlamentuan sartzea eragotzi diola salatu du Guaidok
Juan Guaido Asanblada Nazionaleko presidentearen hitzetan, Venezuelako Poliziak (PNB) Ganberako egoitzan sartzea eragotzi dio igande honetan. Guaido Parlamentuko presidente berriro izendatu behar zuten gaur.
Ganberara sartzeko zain dauden diputatuen artean, Ismael Leon eta Juan Pablo Guanipa. Biei matxinada eta traizio delituak leporatzen dizkiete.
Era berean, Amazonas estatuko ordezkariei sartzea eragotzi diete, polizien arabera, "kargu publikoan aritzeko debekua" dutelako.
Oposizioko beste kide batzuk eta diputatu chavistak, ostera, arazorik gabe sartu dira Parlamentuan.
"Venezuela aldatzeko gaitasuna duen zuzendaritza batzorde bat berriro izendatzea saihesteko mekanismo guztiak erabiltzen ari dira (…) diktaduraren beste debeku bat", salatu du Guaidok sartzen saiatu ondoren.
Polizia kontrolaren aurrean, jarrera honekin "diktadura beste behin ere agerian" geratu dela ziurtatu du oposizioko buruzagiak. Hala ere, saio parlamentarioa hasi eta egiteko "tokia bilatuko" dutela erantsi du.
Asanblada Nazionalak Parlamentuko zuzendaritza izendatzeko saioa egin behar zuen igande honetan. Guaidok berriro Ganberako presidente izendatzea espero du. Funtsezko rola da Nicolas Maduroren Gobernuaren aurkako borrokan eusteko.
Guaidok Venezuelako behin-behineko presidente kargua bere gain hartu zuen 2019ko urtarrilean. Ia 60 herrialdek erabakia babestu zuten.
Sartzea eragotzi ondoren, PNBko koronel batek Guaidorekin hitz egin du, eta sarrera debekatzeko asmorik ez zutela esan dio, "ordenaz" sartzea bermatu baizik.
"Nahi duguna ordena da", esan dio Poliziaren buruzagiak Guaidori. Bitartean, euren familiak ikusten ari zirela aurpegiratu die oposizioko buruzagiak PNBko funtzionarioei.
Ondoren, poliziek lehen kontrola pasatzen utzi diote Parlamentuko presidenteari, eta diputatuak banan-banan sartzen hasi dira, baina oraindik ez dira denak sartu.
Zure interesekoa izan daiteke
Israelgo Armadak "eraso olde berri bat" iragarri du Libano hegoaldean
Israelgo Defentsa ministroak Libanoko Litani ibaiaren gaineko zubi guztiak "berehala" suntsitzeko agindu du. Gaur bertan, Qasmiyeh zubiari eraso diote (irudietan ikus daiteke). Israelgo Armadak, bestalde, "eraso olde berri bat" iragarri du, Hezbollah talde xiitaren "azpiegituren aurka", Libano hegoaldean.
Iranen aurkako gerrarekin bat egiteko eskatu dio mundu osoari Netanyahuk
Gideon Saar Atzerri ministroak Araden salatu duenez, Iranek gerrako krimenak egin ditu azken 24 orduetan bertan, "jomuga militarrik" ez duten gune zibilei eraso eginda.
Irango zentral elektrikoak suntsitzeko mehatxua egin du Trumpek, Teheranek Ormuzko itsasartea 48 orduko epean irekitzen ez badu
Iranek esan du itsasartea irekita dagoela AEBrentzat eta Israelentzat izan ezik, eta ohartarazi du azpiegitura energetikoei, gatza kentzeko plantei eta AEBk eskualdean dituen informazio-teknologien zentroei eraso egingo diela, mehatxua betetzen badu.
Iranek misilak jaurti ditu 4.000 kilometrora, Indiako ozeanoan dagoen base militar baten kontra
Batek ere ez du jo AEBk eta Erresuma Batuak bertan duten basea. Izan ere, batek hegan zihoala huts egin du, eta bestea AEBko Armadako ontzi batek geldiarazi du. Hala ere, erasoak kezka sortu du Iranek irismen handiko jaurtigaiak dituela erakutsi baitu.
Ekialde Hurbila gerraren laugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio, aldi baterako, Irango petrolio gordinari, eta ez du argitu Ormuzen esku hartuko duen ala ez.
Israelgo Poliziak gas negar-eragilea erabiliz sakabanatu ditu Al Aksa meskitara hurbildu diren palestinarrak
Meskita hori musulmanentzat hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da; beraz, fededun asko Jerusalemgo Hiri Zaharreko harresitik kanpo elkartu dira ramadanaren amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani "musulmanen zatiketa saihesteko", "herrialde anaiak" direlako, eta bitartekari izateko prest agertu da.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.