Zer gertatuko da otsailaren 1ean 'brexit'a indarrean sartzen denean?
Urtarrilaren 31n Erresuma Batuak Europar Batasunetik alde egingo du, baina ez da nabarituko 2020ko abenduaren 31ra arte, denbora tarte horretan trantsizio epea indarrean izango delako. Erresuma Batuan bizi diren europarrentzat ez da ia ezer aldatuko, ezta kontinentean bizi diren britainiarrentzat ere. Enpresentzat ere ez da ezer aldatuko.
Erresuma Batua ez denez Europar Batasuneko kide izango, ez da haren erakundeetan ordezkatuta egongo. Beraz, ez du europarren erabakietan parte hartuko. Europako legediak, ordea, Erresuma Batuan indarrean jarraituko du, trantsizio-epea amaitu arte behintzat. Eta epe horren barruan merkatu bateratuaren, Mugen batasunaren eta arrantza politika bateratuaren menpe egongo da.
Otsailaren 1ean hasiko da trantsizio epea, eta orduan hasiko dituzte Bruselak eta Londresek negoziazioak. Etorkizunean izango dituzten harremanak negoziatuko dituzte. Europar Batasunaren izenean Michel Barnier frantziarra arituko da.
Zer aldatuko da Erresuma Batuan bizi diren europarrentzat?
Otsailaren lehen egunean ez da ezer aldatuko Erresuma Batuan bizi diren 3 milioi europarrentzat, ez eta kontinentean bizi diren milioi bat britainiarrentzat. Geratzeko, lan egiteko, ikasteko, edo familiarekin batzeko eskubidea izaten jarraituko dute. Bost urte gera daitezke, eta bost urte betetzean bertakoen estatusa eskatu. Orain arte 2,6 milioi europarrek eskatu dute egoiliar finkoaren estatusa, eta 2,3 milioik lortu dute. 5 urte baino gutxiago daramatenek (eskatzaileen % 41), baina, aurre-estatusa soilik lortu dute.
Aurre estatusak bizitzeko eta lan egiteko eskubidea ematen die. Bost urte bete ondoren, berriz eskatu behar dute estatus osoa eskuratzeko. Europar Batasunak oharra igorri die britainiarrei, eta esan die prozesua hurbiletik jarraituko dutela konpromisoak betetzen dituztela ziurtatzeko.
Erresuma Batura doazen bidaiariek pasaportea edo nortasun agiria aurkeztu beharko dute mugan, orain arte bezala, Erresuma Batua ez baitago Schengen Akordioan. Trantsizio epea amaitzen denean ere, Erresuma Batuan dagoeneko bizi diren europarren eskubideek berdin jarraituko dute.
Zer gertatuko da trantsizio epea amaitu ondoren?
Trantsizio epea amaitu eta gero, Erresuma Batura bizitzera doazen europarrek izango dituzten baldintzak ez daude zehaztuta. Trantsizio epean negoziatuko dituzte horiek Londresek eta Bruselak, eta baita etorkizuneko merkataritza harreman berriak ere.
Europar Batasunaren ustez, 2020ko abenduaren 31n amaitzen den trantsizio epea laburregia da hain negoziazio konplexuak aurrera eramateko, eta epea luzatzeko eskatu du. Baina Boris Johnson lehen ministro britainiarrak behin eta berriz baztertu du aukera hori. Bere esanetan, Erresuma Batua Europar Batasunetik erabat kanpo izango da 2021ko urtarrilaren 1ean.
Albiste gehiago mundua
Israelgo Armadak gutxienez 33 pertsona hil ditu, tartean kazetari bat, Gaza Hiriko hondartzaren ondoan
Israelgo ehiza-hegazkinek Al Baqa kafetegiari eraso diote, eta berriz ere sarraskia eragin dute. Ismail Abu Hataben heriotzarekin, 228 kazetari hil ditu dagoeneko Israelek Gazaren aurkako erasoaldi militarra abiatu zuenetik.
TikTok sare sozialak badu eroslea, Trumpen esanetan
Presidente estatubatuarraren hitzetan, "diru asko duen jende-talde" batek erosiko du. Bi aste barru emango dute jakitera, beti ere Txinak operazioa onartzen badu.
NBEren Garapenerako Finantzaketari buruzko Nazioarteko IV. Konferentzia Sevillan egingo da, asteon
Goi-bileraren emaitza nagusia 'Sevillako konpromisoa' deituriko adierazpen politikoa izango da, garapenerako finantzaketari buruzko nazioarteko komunitatearen ibilbide-orria markatuko duen dokumentua. Inaugurazioko osoko bilkuran onartzea aurreikusi da.
G7ak AEBko multinazionalak % 15eko gutxieneko zerga ordaintzetik salbuestea erabaki du
Munduko zazpi ekonomia nagusiak ordezkatzen dituen herrialde taldeak akordioa lortu duela ziurtatu du, Estatu Batuetako zerga-sistema aztertu eta Etxe Zuriak bere zerga-legearen 889. klausula ezabatzea onartu ostean. Horri esker, Etxe Zuriak errepresaliak ezarri ahal izango ditu multinazional estatubatuarrei zerga ezartzea erabakitzen zutenen aurka.
Hainbat zauritu eta atxilotu Belgraden, Gobernuaren aurkako protestetan
Hainbat pertsona zauritu ditu Poliziak Belgraden, Serbiako Gobernuaren aurkako manifestazio handian. Ehunka mila pertsonak hauteskundeak aurreratzeko eskatu dute hiriburuko kaleetan, Kosovoko guduaren (1389) urteurrenean, serbiar nazionalismoaren sorrerako gertakari historiko garrantzitsuenetarikoan.
Kayed Hammad, duela gutxi Gazatik irtetea lortu duen interpretea, Malagan da jada, bere familiarekin batera
Iritsi denean, interpretea bere anaiarekin bildu da, duela 18 urtetik besarkatzen ez zuena. Gazako bonbardaketetatik urrun bizitza berri bat hasteko itxaropentsu eta ilusio handiz agertu da.
Gazan hildakoen kopurua gora egiten ari denean, su-eten akordioa "datorren astean" lor litekeela esan du Trumpek
Israelgo Armadak gutxienez 50 pertsona hil ditu bart, haurrak tartean, Gaza Hirian, Jabalian, Deir al Balahn, Khan Yunisen eta Rafahn egindako erasoetan. Orotara, gutxienez 64 gazatar hil dituzte Palestina osoan.
Debekuen gainetik, milaka lagun atera dira kalera Budapesten Harrotasunaren eguna ospatzera
LGTBIQ+ Harrotasun Eguna ospatu dute Budapesten, larunbat honetan, agintariek debekatu duten arren. Izan ere, Viktor Orban lehen ministroaren gobernuak Harrotasunaren Martxa debekatzea ahalbidetzen duten erreforma legal eta konstituzionalak onartu zituen martxoan eta apirilean, adingabeen "garapen egokia" lortzeko arriskutsua dela argudiatuz. Hala ere, manifestazioa egin dute, eta lehen ministroak baztertu egin du Poliziak indarra erabiltzea.
Estatu-hiletak Iranen, Israelek egindako erasoetan hildako pertsonen omenez
Iranek larunbat honetan hasi ditu Israelen erasoetan hildakoak omentzeko estatu-hiletak. Israelek ekainaren 13an hasitako 12 eguneko gerran hildako 627 pertsonetako 60 omendu dituzte gaur; besteak beste, Irango Guardia Iraultzaileko komandante buru Hosein Salami jenerala, Irango Indar Armatuetako Estatu Nagusiko buru Mohamad Hosein Baqeri jenerala eta Mehdi Tehranchi zientzialari nuklearra.
Gazan laguntza NBEk banatzeko eskatu du Guterresek, egungo sistemak "hil" egiten duelako
Gazako agintarien arabera, 500 pertsona baino gehiago hil dira banaketa-zentro horietan, gehienak Israelgo indarrek egindako tiroen ondorioz. "Pertsona batzuk hiltzen ari dira beren familiak elikatzen saiatzeagatik. Janaria bilatzeak ez luke inoiz heriotza-zigorra izan behar", adierazi du Guterresek.