COVID-19
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Oxford garatzen ari den COVID-19aren txertoa urte amaieran ontzat eman dezakete

Baikor agertu dira AstraZeneca farmazeutikako adituak, eta urte honen amaieran txertoa onartuta, 2021eko apirilean Erresuma Batuan txertoa jartzen hastea aurreikusten dute.
Argazkia: EFE.
author image

AGENTZIAK | ERREDAKZIOA

Azken eguneratzea

Erresuma Batuko Oxford Unibertsitatearentzat COVID-19aren aurkako txertoa garatzen ari den AstraZeneca famazeutikako adituek uste dute urte hau amaitzerako osasun-aztertzaileen oniritzia jasoko dutela. Horrenbestez, 2021eko apirilean herritarrei txertoa jartzen hastea aurreikusten dute, The Times egunkariak bere gaurko zenbakian kaleratu duenez.

Proba klinikoen hirugarren fasean da Oxforden txertoa, eta behin hori igarota, Munduko Osasun Erakundearen aztertzaileen galbahea pasatzea faltako litzaioke, herritarrak txertatzen hasteko.

Europako Batasunak ere, AstraZenecan du begirada jarrita; abuztuaren amaieran txertoaren 300 milioi dosi erosteko kontratua itxi zuen EBk farmazeutika britainiarrarekin, estatukide guztien artean banatzeko, bakoitzak duen populazioaren arabera.

The Timesek argitaratu duenez, Erresuma Batuko Gobernuaren planaren arabera, txertoak merkaturatzeko baimen guztiak jasotzen dituenetik, sei hilabete beharko dituzte herritar guztiei txertoa jartzeko. Haurrak txertatzea ez da sartzen plan horretan.

Bien bitartean, Erresuma Batuan hasi dira txertaketa masiboak egiteko plangintza diseinatzen, eta horretarako beharko den azpiegitura prestatzen. Egoitzetan bizi diren adinekoak eta haien zaintzaileak izango lirateke txertoa hartzen lehenak, eta horien atzetik, osasungintzako gainerako langileak eta 80 urtetik gorako herritar guztiak leudeke.

Irailaren hasieran, AstraZenecak txertoaren entsegua bertan behera uztea erabaki zuen, parte-hartzaileetako bati azalpenik atzematen ez zioten eritasun bat agertu zitzaiolako. Handik egun gutxira, berriro ekin zioten. 

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.
Oxfordek COVID-19aren aurkako txertoaren probei ekingo die berriro
Sinovacen txerto txinatarra era masiboan eman ahalko da 2021. urtearen hasieran
Munduko albisteak Erresuma Batua Eguneko Titularrak Txertoak Covid-19aren aldaera berriak Munduko Osasun Erakundea

Albiste gehiago mundua

GAZA (-), 20/06/2025.- Smoke rises in the background as internally displaced Palestinians gather on a beach at sunset in Gaza City, 20 June 2025. More than 55,700 Palestinians have been killed in the Gaza Strip, according to the Palestinian Ministry of Health, since Israel launched a military campaign in the strip in response to a cross-border attack led by the Palestinian militant group Hamas on 07 October 2023. EFE/EPA/HAITHAM IMAD
18:00 - 20:00
ZUZENEAN
Duela  min.

Israelek dozenaka gazatar hil ditu, tiroka, Gaza Hirian

Ostiralean, gutxienez 70 palestinar hil dira Israelek Gazako hainbat guneren aurka egindako erasoetan, Osasun Ministerioak eta Defentsa Zibilak egindako zenbaketaren arabera. Gutxienez 25 laguntza humanitarioa jasotzeko guneetara zihoazela hil dituzte, tiroka. 

Gehiago kargatu