Grezia eta Turkia
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Gutxienez 20 hildako eta 700dik gora zauritu Egeo itsasoan izan den lurrikaran

6,8 graduko lurrikarak Izmir (Turkia) hiriko hainbat eraikin bota ditu, eta tsunami txiki batzuk ere izan dira Turkiako zein Greziako kostaldean.
18:00 - 20:00
Gutxienez 20 hildako eta 700dik gora zauritu Egeo itsasoan izan den lurrikaran
author image

AGENTZIAK | ERREDAKZIOA

Azken eguneratzea

Gutxienez hogei pertsona hil eta 700dik gora zauritu dira Turkiako Izmir hirian, Egeo itsasoan izan den lurrikararen ondorioz. Sismoak Greziako irlak ere astindu ditu, AFAD larrialdi zerbitzu turkiarrak jakitera eman duenez.

Ritcher eskalan 6,8 gradura iritsi da lurrikara, eta, esan bezala, Egeo itsasoan izan du epizentroa. 11:51ean (GMT) gertatu den astinaldi handi horrek hainbat eraikin bota ditu Izmirren, Turkiako hirugarren hiri handienean.

AFADek koordinatuta, berehala hasi dituzte erreskate lanak, eta orain arte lau hilotz aurkitu dituzte hondakinen artean, eta ia 800 lagun artatu dituzte, aipatutako erakunde publikoaren arabera.

Pertsona bat hil eta hainbat zauritu dira Samosen (Grezia)

Turkian ez ezik, Grezian ere ondorio larriak eragin ditu ostiral honetan gertatu den lurrikarak. Hain zuzen ere, bi pertsona hil dira bertan. Sei zauritu arin ere artatu dituzte. Gainera, kalte material handiak izan ditu Samos irlak, epizentrotik 13 kilometrora baitago.

Lur mugimenduaren danbatekoak horma bat bota du bi gazteren gainera. Kolpearen ondorioz, bi gazteak hil egin dira.

Haien gurasoek bi nerabeen sakelako telefonoak aurkitu dituzte kalean, eta horri esker jakin dute hondakinen artean harrapatuta zeudela.

Bestalde, tsunami txiki batzuk jazo dira Samosen (baita Turkiako kostaldean ere), eta urak itsas paseoan dauden zenbait saltoki hartu ditu.

Gutxienez 20 hildako eta 700dik gora zauritu Egeo itsasoan izan den lurrikaran
Munduko albisteak Europa Grezia Hondamendi naturalak Eguneko Titularrak Turkia Lurrikarak Tsunamia Hondamendi naturalen biktimak Mediterraneo itsasoa

Zure interesekoa izan daiteke

HAVANA (Cuba), 13/03/2026.- A handout photo made available by the Office of the President of Cuba showing Cuban President Miguel Diaz-Canel speaking during a press conference in Havana, Cuba, 13 March 2026. The Cuban government stated that the island 'has not relinquished its sovereign right to receive oil supplies', amid a severe energy crisis and an oil embargo imposed by the US since January, which has led to increased power outages. (La Habana) EFE/EPA/ALEJANDRO AZCUY / CUBA PRESIDENT OFFICE / HANDOUT HANDOUT EDITORIAL USE ONLY/NO SALES
18:00 - 20:00
ZUZENEAN
Duela  min.

Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"

Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste. 

Gehiago ikusi
Publizitatea
X