Erresuma Batua
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Arrazakeria dago Britainia Handiko errege etxean, Meghan Marklek salatu duenez

Sussexeko dukesak elkarrizketa batean jakinarazi duenez, haurdun zela "kezka" egon zen semeak "eduki zezakeen azal kolorearen inguruan".
Markle eta Harry printzea.
Markle eta Harry printzea, artxiboko argazkia: EFE
author image

E. G. | EITB MEDIA

Azken eguneratzea

Meghan Markle Sussexeko dukesak salatu duenez, arrazakeria dago errege etxe britainiarrean, izan ere, kontatu du haurdun zegoela "kezka" egon zela erakundearen baitan "Archieren (semea) azal kolorea iluna izan zitezkeela eta". Markle mestiza da, eta sustrai afroamerikarrak ditu.

AEBeko telebista kate bati elkarrizketa eskaini dio Marklek. Aitortu duenez, garai hartan bere buruaz beste egiteko ideia pasatu zitzaiola burutik behin eta berriz, eta horren aurrean, errege etxeak ez ziola laguntzarik eman.

"Haurdun egon nintzen hilabeteetan, kezka egon zen, elkarrizketak izan ziren Archieren azala ilunegia izango ote zen eta", adierazi du Marklek.

Dukesak argitu du Enriquek "familiarekin izan zituen solasaldietan" agertu zirela iruzkin arrazista horiek, baina ez du zehaztu nahi izan nork edo nortzuek egin zituzten, "eurentzat kaltegarria litzatekeelako".

Enrique dukea gerora batu da elkarrizketara, eta berretsi du emazteak kontatutakoa. "Meghanen umeek zelako itxura izango luketen inguruko elkarrizketak izan ziren", adierazi du, baina ez du beste xehetasunik eman nahi izan. "Ez dut inoiz elkarrizketa horri buruz hitz egingo", adierazi du Enriquek, "harri eta zur" geratu zela erantsi baino lehen.

Haurdunaldia garai txarra izan zela ere azaldu du Markek, eta Enriquerekin serio hitz egiteko beharra sentitu zuela: "Behin baino gehiagotan pasatu zitzaidan burutik neure buruaz beste egitea, oso modu argian, gainera; beldurra ematen zuen. Ez nuen bizitzen jarraitu nahi".

Laguntza eske, errege etxeko "maila goreneko pertsona batengana" jo zuen, baina erantzun ziola "ezetz", ezin ziola lagundu.

"Ez zuten ezertxo ere egin, eta konponbidea guk topatu behar izan genuen", adierazi du Marklek, errege etxetik apartatzeko eta AEBn bizimodu berri bati ekiteko erabakiari erreferentzia eginez.

Enriquek ere errege etxea uzteko erabakia defendatu du. Argudiatu duenez, "historia errepikatuko ote zen" beldur ziren, eta "babes eta ulermen falta" sumatu zituztela nabarmendu du

Munduko albisteak Erresuma Batua Arrazismoa Eguneko Titularrak Brexit Elisabet II.a erregina Ingalaterra

Zure interesekoa izan daiteke

HAVANA (Cuba), 13/03/2026.- A handout photo made available by the Office of the President of Cuba showing Cuban President Miguel Diaz-Canel speaking during a press conference in Havana, Cuba, 13 March 2026. The Cuban government stated that the island 'has not relinquished its sovereign right to receive oil supplies', amid a severe energy crisis and an oil embargo imposed by the US since January, which has led to increased power outages. (La Habana) EFE/EPA/ALEJANDRO AZCUY / CUBA PRESIDENT OFFICE / HANDOUT HANDOUT EDITORIAL USE ONLY/NO SALES
18:00 - 20:00
ZUZENEAN
Duela  min.

Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"

Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste. 

Gehiago ikusi
Publizitatea
X