Kanadak hauteskunde aurreratuak deitu ditu irailaren 20rako
Justin Trudeau Kanadako lehen ministroak hauteskunde orokorrak iragarri ditu irailaren 20rako. Urte bi baino ez dira igaro aurreko hauteskundeak izan zirenetik, eta herrialdea pandemiaren laugarren olatu betean dagoenean egin du deialdia.
Mary Simon Kanadako gobernadore nagusiarekin bildu da Trudeau igande honetan, eta Parlamentua desegiteko eskatu du. 2019an, Parlamentuko Beheko Ganberako 338 eserlekuetatik 157 eskuratu zituzten liberalek; beraz, azken bi urteetan, Trudeauk gutxiengoan gobernatu behar izan du.
Azken inkesten arabera, Trudeauren Alderdi Liberalak hauteskundeak irabaziko lituzke berriro, baina adituek ohartarazi dute pandemiaren laugarren olatuaren bilakaerak emaitzak iraultzea eragin dezakeela.
Simonekin bildu ostean, Trudeauk agerraldia egin du hedabideen aurrean Ottawan, eta pandemiak iraun bitartean hauteskundeak aurreratzeko erabakia justifikatu du, azken hauteskundeak igaro eta bi urtera, oposizioko alderdiek Gobernuaren biziraupena bermatu zioten arren.
Trudeauk azaldu duenez, pandemiak herrialdean eta mundu osoan eskatzen dituen erabakiak nahikoa arrazoi dira kanadarrak bozetara deitzeko.
Buruzagi liberalaren hitzetan, "une erabakigarri honetan, nork ez luke aukera bat izan nahi gure herrialdea hemendik nora doan erabakitzen laguntzeko?".
Zure interesekoa izan daiteke
Israelek eta Estatu Batuek eraso egin diote Iranek eta Qatarrek partekatzen duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, egoera are gehiago zailduko dutenak eta mundu guztiari eragin diezaioketenak.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.