Ebakuazioa amaitu arte, NATOk tropak izango ditu Kabulgo aireportuan
NATOk "baliabide militarrak erabiliz" jarraituko du kooperatzen Kabulgo aireportuan, Erakundeko herrialdeetako herritarrak eta arriskuan dauden afganiarrak ebakuatu arte.
"Ebakuazio-ekintzak indarrean dauden bitartean, Hamid Karzai nazioarteko aireportuan aliatuen baliabide militarrak izango dira, orain arte bezala, eta hala eutsiko diogu gure kooperazioari", zehaztu dute, adierazpen batean, Atzerri Gaietarako NATOko ministroek; ostiral honetan, premiazko bilera egin dute, bideokonferentzia bidez.
Aurreikusita dagoenez, Ameriketako Estatu Batuetako tropak abuztuaren 31rako irtengo dira Afganistandik, baina Joe Biden presidenteak, duela bi egun, esan zuen egun horretan erabakiko dutela soldaduek zer egin beharko duten; hori bai, helburua da egun horretarako NATOko herritarrak eta haiekin lanean izan diren afganiarrak ebakuatuta izatea.
Ebakuazioa gauzatu ahal izateko, nahitaezkoa da AEBk Kabulgo aireportuko segurtasuna eta eraginkortasuna bermatzen jarraitzea; izan ere, Afganistango hiriburuko gainerako guneak talibanen kontrolpean daude.
"Oraingo gure zeregina da gure herritarrak, NATOko gainerako herrialdeetako herritarrak eta arriskuan dauden afganiarrak modu ziurrean ebakuatzen jarraitzea; bereziki, gure ahaleginetan laguntza eman diguten herritarrak", nabarmendu dute NATOko ministroek.
"Fede onez" lan egitea, eta Gobernu inklusiboa ezartzea
Ministro aliatuek eskatu diete "Afganistanen agintea dutenei" irteera ziur eta ordenatu hori errespetatu eta errazteko, "baita Kabulgo Hamid Karzai nazioarteko aireportuaren bidez ere"; halaber, galdegin diete, "Afganistango alde guztiei", fede onez lan egiteko, Gobernu inklusibo eta ordezkagarria ezarriz: "Horretan, emakumeak eta gutxiengoak ere egon beharko lirateke".
Egungo baldintzetan, gogora ekarri dutenez, NATOk babesa kendu die herrialdeetako agintariei, eta ziurtatu dute "etorkizuneko edozein afganiar Gobernuk herrialdeak dituen nazioarteko beharrekin bat egin" beharko duela; afganiar herritar guztien giza eskubideak babestu beharko ditu, bereziki emakumeenak, umeenak eta gutxiengoenak, eta bermatu beharko dute Afganistan ez izatea, berriro, "terroristentzako leku ziurra".
"Ez dugu onartuko terrorista batek ere gu mehatxatzea. Terrorismoari ausardiaz eta elkartasunean egingo diogu aurre", esan dute. Gogorarazi dutenez, azken 20 urteotan saihestu egin dute "terroristek Afganistandik atentatuak bultzatzea".
Albiste gehiago mundua
Trumpen zein aurpegi ikusiko dugu Putinekin? Hori izango da hitzorduaren gakoetako bat
Donald Trump Vladimir Putinekin bilduko da gaur Alaskan, zalantzaz beteriko bilera batean: AEBko presidenteak buruzagi errusiarra kritikatzea saihestu du iraganean, eta diskurtsoa gogortu du azken hilabeteetan, baina zalantzan dago irmotasun horri eutsiko dion edo Moskurekiko hurbilketa bilatuko duen.
Plastikoen kutsaduraren aurkako nazioarteko itunaren negoziazioek porrot egin dute
Genevan hamar eguneko bileren ondoren, NBEko herrialdeek ez dute adostasunik lortu, baina elkarrizketa prozesua ez eteteko eskatu dute.
Trumpek eta Putinek bilera egingo dute ostiral honetan Alaskan, Ukrainan su-etena lortzeko asmoz
AEBko presidenteak esan du % 25eko aukera dagoela bilerak arrakastarik ez izateko; Kremlinak, berriz, ohartarazi du ez dela aurreikusten akordio formalik sinatzea. Aurrerapenik ezean, Moskuren aurka zigor berriak ezarriko dituela ziurtatu du Trumpek.
Ia 40 pertsona hil dira Kaxmirren izandako uholdeetan, Indian
Gutxienez 38 pertsona hil eta 100 zauritu dira Indiako Jammu eta Kaxmir estatuan izandako euri-jasek eragindako uholdeetan. Erreskate talde ugari mobilizatu dira hondakinen artean harrapatuta egon daitezkeen edo korronteak eraman dituen biktimak aurkitzeko. Gunerik kaltetuenetako bat Chositi izan da. Ur-uholdeek kalteak eragin dituzte etxebizitzetan eta ibilgailuetan. Era berean, uholdeek suntsitu egin dituzte Kishtwar barrutiko Machail Mata santutegia urtero bisitatzen duten erromesentzako kanpin-dendetan jarritako aldi baterako sukaldeak.
Palestinako Aginte Nazionalak nazioarteko laguntza eskatu du Zisjordania hautsiko lukeen proiektuaren aurrean
Benjamin Netanyahuk "Israel Handiari" buruz berriki egindako adierazpenak berresten du plan horrek. Zisjordaniaz eta Gazako Zerrendaz gain, Egipto eta Jordaniako lurraldeen zati bat barne hartuko lituzke, besteak beste.
UEFA, Israelen aurka: "Utzi haurrak hiltzeari, utzi zibilak hiltzeari"
Bi haur errefuxiatu palestinar Paris Saint-Germain eta Tottenham taldeen arteko UEFAko Superkopako finalean izan dira, Aleksander Ceferin UEFAko presidentearekin batera.
Trump Putinengana hurbiltzen saiatuko da Alaskan, Ukrainari buruzko konpromiso irmorik hartu gabe
Ostiraleko bileran (19:30 GMT orduan izango dena, Euskal Herriko 21:30ean) ez da Volodimir Zelenski Ukrainako presidentea izango. Donald Trumpek eta Vladimir Putinek agerraldia egingo dute hedabideen aurrean bileraren amaieran.
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.