Alec Baldwinek argazki zuzendaria hil du nahi gabe filmaketa batean, atrezzoko pistola batek huts eginda
Emakume bat hil da eta gizon bat zauritu pelikula baten filmaketan, Mexiko Berrian (AEB), Alec Baldwin aktoreak atrezzoko pistola batekin tiro egin ostean.
Agintariek baieztatu dute 68 urteko aktore eta ekoizlea izan dela arma horrekin tiro egin duena. Rust western pelikularen filmaketan gertatu da ezbeharra, Bonanda Creek arrantxoan, bertan 13:50ak zirenean.
Baldwinen bozeramaile batek azaldu du tiroa nahi gabe egin duela aktoreak, atrezzokoa eta, ustez, jaurtigairik ez zuen pistola batekin. Ez zekien kargatuta zegoenik, antza.
Tiroa jaso ostean emakumea Mexiko Berriko Unibertsitateko Ospitalera eraman dute, baina hil egin da. Emakumea argazki zuzendaria zen, Halyn Hutchins, eta 42 urte zituen.
Gainera, ezbeharrean zauritu egin da Joel Souza zuzendaria ere, 48 urtekoa. Saint Vicente herriko osasun zentrora eraman dute, halere, alta jaso du dagoeneko.
Poliziak abian du ikerketa, baina, momentuz, ez dute aktorearen kontrako kargurik aurkezteko asmorik. Souzak zuzendutako pelikularen filmaketa gelditu egin dute, Baldwin film horretako ekoizlea eta aktore nagusia da.
Alec Baldwin: "Nire tristura azaltzeko hitzik ez dago"
"Nire tristura eta hunkipena azaltzeko hitzik ez dago Halyna Hutchinsi bizitza kendu dion istripu tragikoaren aurrean, guk guztiok sakon miresten genuen emakumea, ama eta lankidea. Tragedia honetan gertatutakoa argitzeko ikerketan laguntzen ari naiz", adierazi du Alec Baldwin aktoreak txio batean.
Brandom Leeren familia: "Inor ez litzateke tiroz hil behar filmazio batean"
"Halyna Hutchinsen eta Joel Souzaren familiekin eta Rusteko ezbeharrean inplikatutako guztiekin daude gure bihotzak", esan du Sharonek, Brandon Leeren arrebak. Sharonek Bruce Leeren semearen Twitter kontua kudeatzen du. "Inor ez litzateke tiroz hil behar filmazio batean. Eta kito", gaineratu du.
1994ko martxoaren 31n, 'Belea' filmatzen ari zirela jaurtigairik gabeko bala-zorroa atrezzoko pistola baten kanoian trabaturik geratu zen. Michael Masse aktoreak armarekin berriro tiro egin zuenean, hondakin metalikoa atera eta Brandom Leeren sabelean jo zuen. Bruce Leeren semea bost metro baino gutxiagora zegoen, eta hil egin zen.
Zure interesekoa izan daiteke
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.