Alec Baldwinek argazki zuzendaria hil du nahi gabe filmaketa batean, atrezzoko pistola batek huts eginda
Emakume bat hil da eta gizon bat zauritu pelikula baten filmaketan, Mexiko Berrian (AEB), Alec Baldwin aktoreak atrezzoko pistola batekin tiro egin ostean.
Agintariek baieztatu dute 68 urteko aktore eta ekoizlea izan dela arma horrekin tiro egin duena. Rust western pelikularen filmaketan gertatu da ezbeharra, Bonanda Creek arrantxoan, bertan 13:50ak zirenean.
Baldwinen bozeramaile batek azaldu du tiroa nahi gabe egin duela aktoreak, atrezzokoa eta, ustez, jaurtigairik ez zuen pistola batekin. Ez zekien kargatuta zegoenik, antza.
Tiroa jaso ostean emakumea Mexiko Berriko Unibertsitateko Ospitalera eraman dute, baina hil egin da. Emakumea argazki zuzendaria zen, Halyn Hutchins, eta 42 urte zituen.
Gainera, ezbeharrean zauritu egin da Joel Souza zuzendaria ere, 48 urtekoa. Saint Vicente herriko osasun zentrora eraman dute, halere, alta jaso du dagoeneko.
Poliziak abian du ikerketa, baina, momentuz, ez dute aktorearen kontrako kargurik aurkezteko asmorik. Souzak zuzendutako pelikularen filmaketa gelditu egin dute, Baldwin film horretako ekoizlea eta aktore nagusia da.
Alec Baldwin: "Nire tristura azaltzeko hitzik ez dago"
"Nire tristura eta hunkipena azaltzeko hitzik ez dago Halyna Hutchinsi bizitza kendu dion istripu tragikoaren aurrean, guk guztiok sakon miresten genuen emakumea, ama eta lankidea. Tragedia honetan gertatutakoa argitzeko ikerketan laguntzen ari naiz", adierazi du Alec Baldwin aktoreak txio batean.
Brandom Leeren familia: "Inor ez litzateke tiroz hil behar filmazio batean"
"Halyna Hutchinsen eta Joel Souzaren familiekin eta Rusteko ezbeharrean inplikatutako guztiekin daude gure bihotzak", esan du Sharonek, Brandon Leeren arrebak. Sharonek Bruce Leeren semearen Twitter kontua kudeatzen du. "Inor ez litzateke tiroz hil behar filmazio batean. Eta kito", gaineratu du.
1994ko martxoaren 31n, 'Belea' filmatzen ari zirela jaurtigairik gabeko bala-zorroa atrezzoko pistola baten kanoian trabaturik geratu zen. Michael Masse aktoreak armarekin berriro tiro egin zuenean, hondakin metalikoa atera eta Brandom Leeren sabelean jo zuen. Bruce Leeren semea bost metro baino gutxiagora zegoen, eta hil egin zen.
Zure interesekoa izan daiteke
BBCko zuzendari nagusiak dimisioa eman du Trumpi buruzko dokumental baten inguruko polemikaren harira
'The Daily Telegraph' egunkariak asteartean argitaratu zituen barne dokumentu batzuen arabera, 'Panorama' izeneko dokumentalak ikusentzuleak engainatu ahal izan zituen Trumpen hitzaldi bat manipulatuz. Aurrez, Gazako genozidioaren inguruko trataeragatik ere jomugan zuen BBCko zuzendaritza Britainia Handiko eskuinak.
Astelehenean ekingo diote COP30ari Brasilen, negazionismoaren olatua geldiarazteko helburuarekin
NBEaren goi bileraren helburu nagusia 10 urte bete berri dituen Parisko Akordioa berrestea izango da; alegia, industria aurreko mailarekin alderatuta, planetaren berotzea 1,5 gradura mugatzea.
Hasi da CELAC-UE goi-bilera
Bederatzi estatuburu eta gobernuburu bildu dira igande honetan Latinoamerikako eta Karibeko Estatuen Erkidegoaren eta Europar Batasunaren arteko IV. goi-bileran.
'Fung-wong' supertifoiak lurra jo du Luzon uhartean, Filipinetako iparraldean
Tifoi handi horrek orduko 185 kilometroko haize-boladak eragin ditu, eta toki batzuetan orduko 230 kilometroko haize-boladak utzi ditu. Ia milioi bat pertsona ebakuatu dituzte, eta uholde handiak eragin ditu.
Hamasek beste gorpu bat entregatu du, Israelgo militar baten gorpua antza
Hamaseko dozenaka milizianori Gazara itzultzeko aukera emango die horrek. Gorpu hori eman ostean, israeldarren lau gorpu omen daude oraindik Gazan lurperatuta.
Tornado handi batek zenbait hildako eta ehunka zauritu eragin ditu Brasilen
Hondamendi naturala Rio Bonito do Iguaçun gertatu da, Parana estatuan, herrialdearen hegoaldean, eta 250 km/h-ko haize-boladek 10.000 kaltetu baino gehiago utzi dituzte.
'Kalmaegi' tifoiak 200 hildako baino gehiago utzi ditu Filipinetan
Herrialdearen zati handi bat alerta maila gorenean dago "supertifoi" horrengatik, euri-jasa handiak, haize-bolada gogorrak eta 3 metrorainoko itsasaldi ziklonikoak eragin baititu.
Leon XIV .a elizgizonek egindako abusuen biktimekin elkartu da ia hiru orduz
Belgikatik joandako 15 pertsona hartu ditu Aita Santuak Vatikanoan. Urriaren 20an ere antzeko topaketa bat egin zuen. Egun hartan, Abusuen Biktimen Batzorde Orokorreko (ECA) kide batzuekin bildu zen.
Israelek 15 gorpu itzuli ditu, soldadu baten gorpua jaso ostean
Erabat suntsitutako gune batean egin dute gorpuen trukea. Ospitaleek egoera negargarrian ari dira gorpuak jasotzen, eta familiek horrela identifikatu behar izaten dituzte euren senideak. Biitartean, Israelgo Armadak beste bi palestinar hil ditu, "lerro horia" zehartu dutela argudiatuta. Guztira 69.000 pertsona baino gehiago hil dira jada Gazan.
Gutxienez 4 pertsona hil eta 11 zauritu dira Floridan, polizia atzetik zuen auto batek harrapatuta
Poliziaren auto bat atzetik zuela, 22 urteko gidariak LGBTQ komunitatean oso ezaguna den taberna baten kontra egin du talka Tampa hirian. Gidaria atxilotu egin dute.