Europar Batasunak Roman Abramovich enpresari errusiarra eta 14 oligarka gehiago zigortu ditu
Europar Batasunak Errusiaren eta Bielorrusiaren aurkako neurri gehiago hartzea erabaki du, Ukrainaren inbasioa dela eta. Hala, Vladimir Putinen inguruko pertsona gehiago zigortu dituzte, tartean Roman Abramovich Chelsea futbol taldearen jabea izandakoa.
Laugarren zigor sorta asteartean sartu da indarrean, Europar Batasuneko (EB) aldizkari ofizialean argitaratu ostean. Oraingoan, 15 pertsona eta 9 erakunde gehitu dituzte zerrenda beltzera.
Roman Abramovich enpresari errusiarra ez ezik, 15 pertsona horien artean daude Khan (Alfa Khanen akziodun nagusia) eta ekonomian funtsezkoak diren beste sektore batzuetako enpresaburuak (altzairu, burdina, energia, banku, hedabide, armada eta erabilera bikoitzeko produktu eta zerbitzuetakoak) .
Konstantin Ernst Errusiako 1 telebista kateko presidentea ere zigortu dute, Kremlinaren narratiba bultzatzeagatik.
Armen Gasparyan Russia Today telebistako Administrazio Kontseiluko kidea ere ageri da horien artean. Europar Batasunak hedabide horren emisioak bertan behera utzi zituen aurreko zigor sortan.
Zigortutako bederatzi erakundeei dagokienez, sektore hauetako enpresak sartu ditu Europar Batasunak: abiazioa, militarra eta erabilera bikoitzeko teknologia, ontzigintza eta makineriaren eraikuntza.
Otsailaren 24an Errusiak Ukrainaren inbasioa abiatu zuenetik, Errusiako 877 pertsona eta 62 erakunde (bertako banku nagusiak tartean) zigortu ditu Europar Batasunak.
Gauzak horrela, zigortuek debekatuta izango dute Europar Batasunean sartzea eta Europan dauzkaten aktibo guztiak blokeatu egingo zaizkie.
Ildo berean, Ursula von der Leyen Europako Batzordeko presidenteak joan den ostiralean iragarri zuenez, Mosku Nazioarteko Diru Funtsetik eta Munduko Bankutik kanporatzeko izapideak abiatuko dituzte.
Albiste gehiago mundua
Washingtonek Mosku ostiralean zigortzeko asmoa du, Putinen eta Witkoffen arteko bilera "emankorra" izan dela onartu arren
Hala ere, bigarren mailako zigorrak izango lirateke, hau da, hirugarren estatuei aplikatzen zaizkien zeharkako neurriak, Errusiarekin merkataritzan aritzeko asmoa kentzeko. Ildo horretan, Trumpek agindu bat sinatu du Indiari % 25eko muga-zergak ezartzeko, Errusiako petrolioa erosteagatik. AEBko agintariak Putinekin bildu nahi du datorren astean.
Sute "ikaragarri" batek hildako bat utzi eta 16.000 hektarea kiskali ditu Frantzian
Gainera, bederatzi suhiltzaile zauritu dira, horietako bat larri, eta 13 herritar, horietako bat ere larri. Sua hasi eta hurrengo egunean, lehen zantzuen arabera eskualdeko errepide batean egindako arduragabekeria baten ondorioz, sugarrek aurrera egiten jarraitzen dute, haize bortitzak lagunduta.
Hiroshimako bonbardaketa atomikotik 80 urte, gatazka globalek ilundutako giroan
Japoniako Hiroshimak hirian AEBko Armadak egindako bonbardaketa atomikoaren 80. urteurrena izan da asteazken honetan, gaur egungo gatazken itzalpean eta 'hibakusha' bizirauleen aldarrien artean, arma horiek berriro erabil ez daitezen. Biktimen senideek, 120 herrialde eta eskualdetako politikari nazional eta diplomatikoen ordezkariek parte hartu dute omenaldian.
Trumpek berriz estutu du Europarekin duen gerra komertziala, eta % 35eko muga-zerga ezarriko diola mehatxu egin dio
AEBko presidenteak mehatxu egin dio Europar Batasunari uztailaren amaieran hitzartutako % 15eko tasa % 35era igotzeko, Bruselak AEBn 600.000 milioi dolar inbertitzeko hartatuko konpromisoa bete ezean.
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.