Oposizioko hainbat alderdiren jarduna bertan behera utzi du Zelenskik gerra legea baliatuta
Volodimir Zelenski Ukrainako presidenteak oposizioko 10 alderdiren jarduera eten duela iragarri zuen atzo, gerra legea baliatuta, Errusiarekin loturak izatea leporatuta.
"Segurtasun eta Defentsa Kontseilu Nazionalak erabaki du, gerraren maila ikusita eta egitura politiko batzuek Errusiarekin duten lotura ikusita, bertan behera utziko dela alderdi batzuen jarduera oro gerra legea indarrean dagoen bitartean" azaldu du Zelenskik Ukraniako Gobernuaren sare ofizialen bidez zabaldutako bideo batean.
Hauek dira jarduera eten zaien alderdiak: Oposizio Plataforma - Bizitzaren Alde, Sharia Alderdia, Gurea, Ezkerreko Oposizioa, Ezkerreko Indarren Batasuna, Estatua, Ukrainako Alderdi Sozialista Progresista, Ukrainako Alderdi Sozialista, Sozialistak eta Vladimir Saldoren Blokea.
Zelenskik argitu duenez, Justizia Ministerioak jaso du jada alderdi politiko horien jarduerak debekatzeko beharrezkoak diren neurriak hartzeko agindua.
"Oposizio Plataforma - Bizitzaren Alde" alderdiak 43 diputatu ditu Ukrainako Parlamentuan da eta bigarren indarra da. Zelenskiren alderdia, Herritarren zerbitzari, da lehen indarra 254 diputaturekin. Guztira, 450 diputatuk osatzen dute Parlamentua.
"Edozein arlotako politikari guztiei gogoratu nahi diet gerrak oso argi erakusten duela bere anbizio propioak, bere alderdiarenak edo bere ibilbidea Estatuaren eta herriaren interesen aurretik jartzen duen jendearen exkaxtasuna" esan du Zelenskik.
"Elkarlanerako saiakera orok" ez duela arrakastarik izango eta "erantzun gogorra" jasoko duela ere ohartarazi du buruzagi ukrainiarrak.
Gogoan izan behar da 2015ean alderdi komunista guztiak ere legez kanpo utzi zituztela Ukrainan.
Donbas eta Krimearen independentzia, inolaz ere ez
Ukrainako iparraldean eta hegoaldean borrokek aurrera jarraitzen duten bitartean, nazioarteak presioa egiten jarraitzen du bi aldeek negoziatu dezaten, su etena lortzeko. Gaur, Mevlüt Çavusoglu Turkiako Kanpo Arazoetako ministroak esan du gatazkari irtenbidea bilatzeko elkarrizketek aurrera egin dutela, sei gaietatik lautan "ia akordio batera iritsi arte".
CNNk igande honetan egin dion elkarrizketan, baina, Zelenski presidenteak esan du "prest" dagoela Putinekin negoziatzeko gerrari amaiera emateko, baina erabat baztertu du Donbasen independentzia eta Krimearen gaineko errusiar subiranotasuna onartzea. Argi adierazi du ez duela bere gain hartuko Ukrainaren "lurralde-osotasunari eta subiranotasunari eragiten dion konpromisorik".
Kremlinek baldintza hori jarri zuen, hain zuzen ere, inbasioa amaitzeko: Kievek NATOn sartzeari uko egitea, Donbaseko Donetsk eta Luhanskeko errepublika autoaldarrikatuen independentzia onartzea eta 2014an Moskuk anexionatutako Krimeako kontrol errusiarra onartzea.
Zure interesekoa izan daiteke
Iranek murrizketak ezarri ditu berriro Ormuzko itsasartean
AEBk Irango portuei ezarritako blokeoa altxatu ezean, itsasartea berriro zarratuko zuela ohartarazi zuen Teheranek, eta ohartarazpena bete egin du gaur. Donal Trump AEBko presidenteak ere ez du tentsioa baretu, eta jakinarazi du asteazkenerako Iranekin akordioa lortzen ez badu "bonbak berriro jaurtitzen" hasiko dela.
Iranek iragarri du Ormuzko itsasartea "erabat zabalik" egongo dela su etena indarrean dagoen bitartean
Israelen eta Libanoren arteko menia indarrean sartu berritan egin du iragarpena Irango Atzerri ministroak. Adierazi duenez, Irango Portu eta Itsas Erakundeak "jakinarazitako eta koordinatutako" bidea jarraitu beharko dute ontziek.
EBk dio Ormuzen irekiera albiste ona dela baina azpimarratu du joan-etorriek doakoak izan behar dutela
"Bertatik igarotzearren bidesaria ordainarazteak aurrekari arriskutsua ezarriko luke", adierazi du Kaja Kallas Europar Batasuneko Kanpo Arazoetarako goi ordezkariak. Bestalde, krisiaren harira eta Frantziak eta Erresuma Batuak deituta, Parisen bildu dira 50 herrialde eta nazioarteko erakunde. Iragarri dutenez, Persiar golkotik igarotzen diren ontziei "laguntza eta babesa" emango dien itsas misio "neutrala" abiatuko dute.
Israel su etena urratzen ari dela dioten mezuei entzungor, etxera itzultzen hasi dira milaka libanoar
Libanoren eta Israelen arteko menia gauerdian sartu da indarrean. Lehen orduotan, Libanoko Armadak salatu du Israelgoak su etena urratu duela, eta Hezbollahk ohartarazi du "hatza kakoan" dutela bere matxinoek. Ohartarazpenei entzungor, etxera bueltatzeari ekin diote milaka libanoar, eta ilarak sortu dira hegoaldeko hainbat autobidetan.
Israel eta Libanoren arteko 10 eguneko su-etena iragarri du Trumpek
Menia bi nazioen arteko "segurtasun eta bake akordio iraunkorra" lortzeko negoziazioak ahalbidetzera bideratuta dago. Tregoa luzatu ahal izango da negoziazioek aurrera egiten badute.
"Antisemitismo modu berriei" aurre egiteko lege-proposamenak polemika bizia eragin du Frantzian
Caroline Yadan diputatuaren ekimenak Asanblea Nazionala eta iritzi publikoa zatitu ditu. Kritikoek ohartarazi dute Israelen aurkako kritikak isilarazteko erabili daitekeela legea, besteak beste.
Repsolek Venezuelan egiten dituen operazioen kontrola berreskuratu du, eta gehiago ekoizteko baldintzak hitzartu ditu
Repsolen Venezuelako ekoizpena 45.000 upel gordin ingurukoa da gaur egun, batez ere Petroquiriquire petrolio-hobian. Konpainia prest dago petrolioaren ekoizpen gordina % 50 handitzeko 12 hilabeteko epean.
Libanoko presidenteak funtsezkotzat jo du Israelek atzera egitea su-etena ahalbidetzeko
Bi aldeen arteko liskar armatuek 2.000 hildako inguru eta milioi bat desplazatu baino gehiago utzi dituzte jada. Netanyahuren Gobernuak eraso armatuak justifikatzeko azaldu du talde islamistak koheteak jaurtitzen dituela.
Bruselak telelana derrigorrez ezartzea proposatu du, prezioen igoeraren eta Ormuzeko tentsioaren aurrean
Europako Batzordea neurri sorta bat prestatzen ari da prezioen igoerari aurre egiteko. Oraindik zirriborroa bada ere, datorren astean aurkeztuko dute, estatu kideek berehala aplika dezaten.
Azken hamarkadetako gatazka krudel eta bortitzenetako bat bizi dute Sudanen
Hiru urte bete dira Afrikako herrialde handienean gerra hasi zenetik, baina ezkutuan egon izan da. Ez dao¡go hildakoen kopuru zehatza jakiterik: 150.000 izan daitezke, baina kopurua askoz handiagoa izan liteke. Gosete latza dago han, eta milioika desplazatu eragin ditu. Urteurrenean, goi-bilera egin dute Berlinen laguntza humanitarioa bideratu eta irtenbide politikoa bilatzeko asmoz, baina borrokan ari diren bi aldeek ez dute parte hartu.