Zelenskiren hitzetan, "guztiak hilik gaudenean" soilik onartuko du Ukrainak Errusiaren ultimatum bat
Moskuk Mariupol hiria uzteko jarritako epearen inguruan galdetu diotenean Volodimir Zelenski Ukrainako presidenteak ziurtatu duenez, "guztiak hilik gaudenean" soilik onartuko dute Errusiaren ultimatum bat.
"Ukrainak ezin du sekula Errusiako Federazioaren ultimatum bat bete. Guztiak hilik egon beharko ginateke, orduan bakarrik beteko da Kharkiv, Mariupol edo Kiev entregatzeko ultimatuma. Ezin dugu egin", adierazi du Zelenskik Europako prentsari eskainitako elkarrizketan.
Edonola ere, Errusiarekin adosten diren konpromisoak Ukrainako herritarrek berretsi beharko dituzte erreferendumean, Ukrainako agintariak iragarri duenez.
"Negoziazio talde guztiei azaldu diet, aldaketa guztien inguruan hitz egiten denean, eta historikoak izan daitezke (…) erreferendum batera iritsiko gara. Konpromiso formatu jakinen aurrean jendeak erabaki eta erantzun beharko du", azaldu du Zelenskik.
"Edozein gauza egiteko" prest dagoela esan du Ukrainako presidenteak, pausoak herritarren babesa baldin badute, Ukrinform agentziak jakitera eman duenez.
Bestalde, Zelenskik oposizioko hamar alderdi baino gehiago debekatu ditu. Ukrainako presidenteak igande goizaldean azaldu zuenez, Segurtasun eta Defentsa Kontseiluak erabakia hartu du "eskala handiko gerraren aurrean, eta egitura politiko batzuek Errusiarekin dituzten loturak ikusita". "Gerra-legea aplikatzen den bitartean" neurria indarrean egongo dela erantsi zuen agintariak.
Errusiako Armadak Kieveko merkataritza-gune bat bonbardatu du
Errusiako Armadak merkataritza-gune bat bonbardatu du Kieven, eta gutxienez zortzi pertsona hil dira, Ukrainako Fiskaltzak zabaldutako informazioaren arabera.
Hasiera batean Ukrainako Larrialdi Zerbitzuek zabaldu dutenez, lau pertsona hil dira eta bat zauritu da.
Bonbardaketaren ondorioz, sute bat piztu da, eta sugarrak merkataritza-guneko hirugarren eta laugarren solairuraino iritsi dira.
Amoniako isuria Sumyn
Sumy hirian, tropa errusiarren menpe dagoen planta kimiko batean izandako amoniako isuria kontrolpean hartu dutela ziurtatu dute Ukrainako agintariek.
Salatu dutenez, Errusiaren eraso baten ondotik gertatu da amoniako ihesa. Hori dela eta, bertatik bost kilometro baino gutxiagora dauden herritarrei babesteko eskatu die Sumyko gobernadoreak.
Odesaren aurkako lehen erasoa salatu dute Ukrainako agintariek
Ukrainako gerra hasi zenetik lehen aldiz, Errusiako Armadak Odesa hiriari eraso diola salatu dute bertako agintariek. Erasoa Odesako kostaldean dauden gerraontziek egin dute, horien arabera.
Odesako Udalak Telegram sare sozialean argitaratutako mezu batean adierazi duenez, "faxista errusiarrek Odesako bizilagunek lo egiten zuten hainbat etxebizitza-eraikini eraso egin die".
Tiro eremu baten aurkako erasoa Rivne eskualdean
Hainbat pertsona zauritu dira Rivne eskualdean, gaur goizean indar errusiarrek tiro eremu baten aurka misilez egindako eraso batean.
"Lehen informazioen arabera, hainbat pertsona zauritu dira. Aurrerago emango dugu informazio zehatzagoa", esan du Rivneko alkateak.
Ukrinform albiste agentziak zabaldu du errusiarrek bi eraso egin dituztela misilak erabiliz.
Ukrainako Armadak Donetsk eskualdean egindako erasoetan bi zibil hil direla salatu dute
Donetskeko herri errepublikako agintariek astelehen honetan salatu dutenez, bi zibil hil dira Ukrainako Armadak azken orduetan egindako erasoetan.
Su-etena kontrolatzeko eta koordinatzeko zentroaren arabera, Ukrainako Armadak 26 eraso egin ditu Donetsken azken 24 orduetan, eta gutxienez 28 pertsona zauritu dira.
Bestalde, Luhanskeko herri errepublikako ordezkariaren hitzetan, Ukrainako indarren eraso bat izan da azken orduotan, baina ez du balizko biktimen inguruko informaziorik eman.
Zure interesekoa izan daiteke
Ukrainak 350 drone baino gehiago jaurti ditu Errusiara; tartean, Mosku eta San Petersburgora
Bezperan, Errusiako Armadak Ukrainako hainbat hiriren kontra egindako erasoetan gutxienez 21 pertsona hil eta ehun lagun baino gehiago zauritu ziren.
Trumpek agindu exekutibo bat sinatu du paperik gabeko migratzaileei finantza-sistemarako sarbidea mugatzeko
Presidente errepublikanoaren arabera, banku-sistema nazionaletarako sarbidea "herrialdean egoteko eskubide legala dutenek soilik izan behar dute", eta "legezko merkataritzan aritzen direnek".
Errusiak Ukrainaren aurkako eraso “masiboa” egin du, eta gutxienez hogei bat hildako eta ehun zauritu baino gehiago utzi ditu
"Kieveko erregimenaren eraso terroristei emandako erantzun" gisa deskribatu du bonbardaketa Moskuk.
Trumpek Netanyahuren aurka egin du Libanoren kontrako erasoengatik: "Zoratuta zaude"
AEBko presidentearen arabera, Irango gerrari amaiera ematea eta Ormuzko itsasartea irekitzea ahalbidetzeko akordiorako aukera egon daiteke datorren astean. Aitzitik, Teheranek iragarri du Washingtonekiko elkarrizketak eten egin dituela.
Trumpek iragarri du Israelek ez diola eraso egingo Libanori ezta Hezbollah-k Israeli ere
"Israelgo Netanyahu lehen ministroarekin oso dei emankorra izan dut, ez du Beirutera troparik bidaliko, eta bidean zeudenak bueltan dira", azaldu du Trumpek sare sozialetan argitaratutako mezu batean. Hezbollah-k ere ez duela erasorik egingo esan du.
Iranek adierazi du Libano su-eten akordioaren parte dela, eta Israelen erasoek ondorioak izango dituztela ohartarazi du
Su-etena ezarrita dagoen arren, Israelek erasoak areagotu ditu Libanon. Azken orduotan, Benjamin Netanyahu lehen ministro israeldarrak Armadari agindu dio Beirut inguruan dagoen Dahieh eskualdea bonbardatzeko, Hezbollahren gotorleku delakoan.
Hildako bat, dozenaka zauritu, 900 atxilotu inguru eta 178 agente kolpatu, PSGren garaipenaren osteko istiluetan
Barne ministroak azaldu duenez, iaz baino % 45 atxiloketa gehiago egin ziren; izan ere, istiluak egongo zirelakoan, polizia dispositibo handia zabaldu zen herrialde osoan. Emmanuel Macron Frantziako presidenteak esan du "nazkatuta" dagoela "indarkeria eszena onartezinez".
Kolonbiako ultraeskuinak irabazi du lehen itzulia, eta ezkerrak zalantzan jarri du zenbaketa sistema informatikoa
Abelardo de la Espirella ultraeskuindarrak ezkerra aurreratu du igande honetan Kolonbiako hauteskundeen lehen itzulian. Ekainaren 21ean izango da bigarren itzulia eta aurrez aurre izango du Ivan Cepeda ezkerreko hautagaia.
Kongotik itzuli berri den gizon bat isolatu dute Sardinian (Italia), ebola izan dezakeelakoan
Gizona Kongoko Errepublika Demokratikoko hiriburutik itzuli zen atzo, larunbata, Erroman lurreratu zen hegaldi batean, eta, ondoren, beste hegaldi bat hartu zuen Sardiniara. Egun batzuk zeramatzala sukarrarekin jakinarazi zuen bertan.
Frantziak NBEko Segurtasun Kontseiluaren premiazko bilera eskatu du, Israelek Libanon egindako operazioengatik
Apirilaren erdialdean, Israelek 'lerro hori' bat ezarri zuen (Gazan aplikatzen duena bezalakoa), bi herrialdeen arteko mugatik hamar bat kilometrora doana, eta bien arteko perimetroa Israelgo tropek inbaditu zuten. Azken egunotan, indar armatuak lerro horretatik aurrera egiten ari dira.