Israelek eta Jihad Islamiarrak adostutako su etena indarrean da
Gazako Zerrendan Israelek eta Jihad Islamiar Palestinarrak adostutako su-etena indarrean sartu da bart, hiru eguneko erasoaldi odoltsuak geldiaraziz. Israelgo Armadak, hiru egunotan, 44 palestinar hil ditu, tartean 15 adingabe, eta beste 360 zauritu.
Su etena Gazan 23:30 zirenean (20:30 GMT) sartu da indarrean. Gaua lasaia izan omen da.
Iazko martxotik izandako borrokaldi gogorrenak izan dira asteburukoak.
"Gauean zehar, egoera aztertuko dugu, eta eguneroko bizimodua berreskuratzen joango gara pixkanaka, baina erne jarraituko dugu, edozein egoera aldaketarako prest", azaldu du Israelgo Armadak ohar batean.
Bestalde, Gazaren eta Israelen arteko mugako pasabideak zabalduko dituela iragarri du, bai pertsonentzat zein ondasunentzat (helburu humanitarioa badute).
Erregai eskasia Gazako Zerrendan
Pasabideak irekita, laguntza humanitarioa eta erregaia sartu ahalko dituzte Zerrendan. Azken hori ezinbestekoa da eremuan dagoen zentral elektrikoa berrabiatzeko. Hain justu, erregai faltaren ondorioz, etenda egon da zentralaren jarduna, eta Gazako Zerrendako bizilagunak argindar barik egon dira eguneko 20 orduz. Lau ordu bakarrik izan dute hornidura.
Israelgo Armadaren arabera, Palestinako Jihad Islamiarrak 1.200 suziri bota ditu Gazatik. Gehienak geldiarazi ditu Israelek edo jenderik bizi ez den guneetan jausi dira.
Jihaden 160 helbururi eraso diola aitortu du Israelek, eta, helburu militarrez gain, etxebizitzak eta azpiegitura zibilak hartu ditu jomugan. Ondorioz, 44 pertsona hil ditu, erdia zibilak eta tartean 15 adingabe.
Zauritutakoen kopuru ofizialik ez badago ere, Gazako Osasun Ministerioak gutxienez 360 pertsona zauritu dituztela jakinarazi du.
Israelek ostiralean hasi zituen erasoaldiak, "badaezpada". Argudiatu zuenez, Jihad Islamiarraren "berehalako eraso" bati aurrea hartzeko asmoa zuten bonbardaketek.
Jihad Islamiarraren arabera, su etenaren akordioari esker, Bassem Saadi presoa askatu behar dute aurki. Israelek erabat ukatu du trukea.
Albiste gehiago mundua
Lehen gau "lasaia" Gazan, hainbat hilabetez etengabe bonbardatu ostean
Milaka gazatar hasi dira jada hiriaren hegoaldeko babeslekuak uzten eta Gazara itzultzen. Bien bitartean, soldadu israeldar askok oraindik ez dute "lerro horia" igaro, bahituen eta presoen trukea oraindik ez baitute egin.
Trump, Machadok irabazitako Bakearen Nobel sariaren inguruan: "Berak deitu dit, eta nire omenez onartzen duela esan dit"
Donald Trump AEBko presidenteak esan du Maria Corina Machadok, 2025eko Bakearen Nobel saria jaso duen venezuelarrak, dei egin diola ostiral honetan, saria bere omenez onartu duela esateko. Trump txantxetan aritu da horren inguruan.
Trump Israelera eta Egiptora joango da, Hamasek eta Israelek sinatutako akordioarekin lotuta
Dirudienez, AEBko presidenteak Gazari buruzko goi-bilera moduko bat egiteko asmoa du Egipton, eta datorren astearen hasieran buruzagi europarrak eta arabiarrak elkartu nahi ditu bertan. Sanchezek jakinarazi du bertan izango dela.
Macronek Lecornu izendatu du berriro lehen ministro, eta gobernua osatzeko agindu dio
Lecornuk onartu egin du "urtearen amaierarako Frantziari aurrekontu bat ematea eta eguneroko bizitzako arazoei erantzutea". Hala ere, arratsaldean Macronekin izandako bileraren ostean, oposizioko buruzagiek iragarri dute zentsura-mozio bat aurkeztuko dutela bere ildoko norbait berriro izendatuz gero.
Xabier Madariaga: "Gazatarrak bonbarik gabeko lehen gaua bizitzeko prestatzen ari dira"
EITBk bertatik bertara kontatuko du su-etenaren lehen orduetan Gazan eta Israelen gertatzen den guztia, Xabier Madariaga Gazan baitago. Israelgo Armadaren erasoaldia amaitu ostean, gazatar asko ikusi ditu Gaza iparraldera bidean, etxera edo hondar artera itzultzen.
Errusiak erasoak areagotu eta Kieveko herritarren % 10 inguru hornidurarik gabe utzi ditu
Errusiak 460 drone baino gehiago jaurti ditu bart, eta horietatik 60k hainbat kalte egin dituzte. Gainera, mota ezberdinetako 32 misil ere baliatu ditu, 14 misil balistiko eta 2 hipersoniko tartean.
Israelgo Armadak iragarri du su-etena indarrean dela Gazan
Hartara, israeldar tropak Gazatik irteten hasi dira, eta bahituak askatzeko Hamasek duen 72 orduko epea hasi da.
Maria Corina Machado Venezuelako oposizioko kidea, 2025eko Bakearen Nobel sariduna
Norvegiako Batzordeak Maria Corina Machado Venezuelako oposizioko kideari eman dio Bakearen Nobel saria.
Trumpek adierazi du "gizatasunagatik" bultzatu duela Gazako akordioa, ez Bakearen Nobelagatik
Bakearen Nobel saria nork irabazi duen ostiral honetan jakinaraziko du Suediako Akademiak, eta Ameriketako Estatu Batuetako presidentea hautagaien artean dago.
Peruko Kongresuak Dina Boluarte presidentea kargugabetu du
Kargutik kentzeko lau mozio aurkeztu dituzte, "ezintasun moral iraunkorra" egotzita, herritarren segurtasun faltari eta krimen antolatuaren gorakadari aurre egiteko gai izan ez dela iritzita. Sei hilabete falta dira 2026ko hauteskunde orokorretarako.