EBk funtsezko akordioa lortu du CO2 isurketak murrizteko
Europako Parlamentuak eta Kontseiluak funtsezko akordioa lortu dute bart goizaldean CO2 isuriak murrizteko eta horien eragin soziala jorratzeko, bi erakundeetan formalki onartzeke dagoen itun batean.
"55. Helburua" deritzon paketearen baitan jasotzen da akordioa eta, alde batetik, Emisio Eskubideen Merkataritza Erregimenari eragiten dio. Ildo horretan, Kontseiluak eta Parlamentuak erabaki dute 2030erako isurien murrizketa % 62ra arte igotzea erregimen horrek hartzen dituen sektoreetan.
Erreforma hori funtsezkotzat jotzen zen ezarritako helburua lortzeko, hau da, hemendik 2030era CO2 isuriak 1990eko mailetatik % 55 murrizteko.
Bestalde, Europako Kontseiluak eta Parlamentuak Klimarako Gizarte Funtsa ezartzea erabaki dute, familia zaurgarriei, mikroenpresei eta garraioaren erabiltzaileei laguntzeko, eraikinetan eta errepide bidezko garraioan isurketa erregimen batek eta beste sektore batzuetan erregaiek prezioetan dituzten eraginei aurre egiteko.
Gainera, industriari Europako bloketik kanpoko lehiakideen aurrean lehiakorrak izaten jarraitzeko emandako doako CO2 ziurtagiriak erabat deuseztatuko dira 2034rako, 2026tik aurrera karbonoaren mugako doikuntza mekanismo planifikatu bat indarrean jarriko baita, hiru urteko trantsizio aldiaren ondoren.
Marian Jurecka Txekiako Ingurumen ministroak akordioa txalotu du, "Europako klimaren eta klima politikaren garaipena delako". "Orain ziurtasunez esan dezakegu EBk asmo handiko legeriarekin bete dituela bere promesak, eta horrek mundu mailako klima aldaketaren aurkako borrokaren abangoardian jartzen gaitu", ospatu du.
Albiste gehiago mundua
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
Dozenaka pertsona atxilotu dituzte goizeko lehen zatian Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.
Israelgo Armadak bigarren errepide bat zabaldu du 48 orduz, gazatarrak hegoaldera bultzatzeko asmoz
Gaza hirian bakarrik gutxienez 150 helbururi eraso egin die Israelgo Armadak, lurreko erasoaldiaren lehen bi egunetan. Halaber, Gazako hiriburuan telefono eta interneterako konexioa eten dute, azken erasoen ondorioz.
Lau pertsona atxilotu dituzte Windsor gazteluan Trumpen eta Epsteinen argazkiak proiektatzea leporatuta
Carlos III .ak harrera egingo dio gaur AEBko presidenteari gazteluan, Erresuma Batura egingo duen bigarren estatu-bisitan.
Gaza hiriaren kontrako lurreko erasoaldiak milaka palestinar hegoaldera mugitzera behartu ditu
Israelgo Armadaren bozeramaileak hegoaldera mugitzeko deia egin die Gaza hiriko biztanleei, hiriburua "borroka eremua arriskutsua" dela argudiatuta. Ildo horretan, bizilagunen % 40 hiritik atera dela gaineratu du. Hala ere, zenbait iturriren arabera, 500.000 gazatar gelditzen dira oraindik Gaza hirian.
Utahko Fiskaltzak heriotza zigorra eskatuko du Tyler Robinsonentzat, Charlie Kirk hiltzeagatik
Robinsoni hainbat kargu leporatu dizkiote formalki, hilketa larriagotua tartean. Hainbat karguri egin beharko die aurre: justizia oztopatzea eta suzko arma tirokatuta delitu larria egitea (gorputzeko lesio larriak eragin zituen), lekukoak manipulatzea eta adingabe baten aurrean indarkeriazko delitu bat egitea.
Albiste izango dira: Lurreko operazioa Gazan, eskumenen inguruko bilera eta Trump Erresuma Batuan
Gaurkoan Orain-en albiste izango direnen laburpena, bi hitzetan.