Sei pertsona zauritu ditu gizonezko batek arma zuriz Parisko tren geltoki batean
Sei pertsona zauritu ditu, horietako bat oso larri, gizonezko batek arma zuriz Parisko Iparraldeko Geltokian, Europa osoan bidaiarien joan-etorri handiena duen tren geltokian. 06:40 inguruan izan da gertakaria
Gerald Darmanin Frantziako Gobernuko Barne ministroak baieztatu du berria, Geltokian bertan eskaini duen prentsaurrekoan. Horren hitzetan, ustezko erasotzailea ez dute oraindik identifikatu, atxilotu duten unean ez baitzeraman soinean identifikazio agiririk. Erasoaren atzean egon daitezkeen arrazoiak ikertzen ari direla agineratu du ministroak, eta, oraingoz, ezin dutela ezer aurreratu.
Halaber, Darmaninek azaldu du erasoaren tokian bertan hiru tiro jaurti dizkiola Poliziak erasotzaileari, eta ondorioz, oso larri dagoela ospitalean. Lanean zeuden hainbat agentek eta zerbitzutik kanpo zeuden beste batzuk hartu dute parte operazioan. Ministroak horien guztien lana txalotu du, erakutsi duten "eraginkortasunagatik eta ausardiagatik". "Poliziak hain azkar erantzun ez balu, biktima gehiago egongo ziren", adierazi du.
Bere aldetik, SNCF tren konpainiak ziurtatu du zauritu guztiak ospitalera eraman dituztela, eta ingurua itxi egin dutela, ikertzaileek euren lana egin ahal izateko. Tren zerbitzua ez da eten.
Albiste gehiago mundua
Netanyahuk atzeratu egin du Gaza osorik okupatzeko gaurko deitu duen bilera
Gazaren erabateko okupazioan aurrera egin asmoz, Segurtasun Kabineteak bilera zuen egitekoa astearte honetan. Hala iragarri du Israelgo lehen ministroak, baina, azkenean, hitzordua bertan behera geratu dela baieztatu du Israelgo Haaretz egunkariak jakinarazi duenez.
Kremlinek tentsioa murriztu nahi du Etxe Zuriarekin: "Gerra nuklear batean ezin da irabazlerik egon"
Dmitri Peskov Errusiako presidentearen bozeramaileak gogorarazi du Putin dela atzerri politika markatzen duena eta AEBko buruzagiarentzat baleko solaskide bakarra, Dmitri Medvedevi erreferentzia argia eginez.
Hamasek dio Gurutze Gorriak bahituak artatu ahal izango dituela Israelek Gazan laguntza jasotzeko korridoreak irekitzen baditu
Hamaseko miliziek ukatu egin dute bahituei tratu txarrak eman izana, eta bahituek Gazako herriak jasotzen duen "janari bera" jasotzen dutela esan dute.
Israelgo Segurtasun Nazionaleko ministroak Gaza "erabat okupatzea" eskatu du
Horren aurrean, Benjamin Netanyahuk azpimarratu du statu quo erlijiosoa ez dela aldatuko, eta Hamasek eta Jordaniak "probokazioak" leporatu dizkiote Israeli.
Gazatik beka batekin iritsitako ikasle bat kanporatu du Frantziak, mezu antisemitak zabaltzea egotzita
Nour Attaalahk, 25 urte dituenak, "juduak edonon hiltzeko" deia egin zuen, eta Hamasek 2023ko urriaren 7an bahitutako israeldarren exekuzioen "bereizmen handiko irudiak" hartzeko eskatu zuen.
Bigarren sumendi bat erupzioan hasi da Errusiako ekialdean, 8,8 graduko lurrikararen ostean
Krasheninnikov sumendia, Errusiako Kamtxatka penintsulan kokatua, erupzioan hasi da igande honetan, ehunka urte inolako jarduerarik gabe eman ondoren, eta asteazkenean Richter eskalan 8,8ko indarra izan zuen lurrikararen ostean. Azken 24 orduotan, hamar lurrikara nabarmen baino gehiago izan dira inguru horretan.
Leon XVI .a aita santuak deia egin die gazteei "gauza handiak lortzea " helburu izateko eta kontsumismoa baztertzeko
Erroman eginako Gazteen Jubileua ixteko, aita santuak elkartasuna adierazi die Gazan eta Ukrainan gerra pairatzen ari diren gazteei.
Gizon bat espetxeratu dute Frantzian, emaztea mozkortzea egotzita, beste gizon batzuekin sexu-harremanak izatera behartzeko
62 urteko gizonezkoari emaztearen baimenik gabe topaketak antolatzea leporatzen diote, Gisele Pelicoten kasuaren eskandalua gogorarazten duen kasu batean.
60.000 pertsona inguru manifestatu dira Tel Aviven, Gazan bahituen bideoak zabaldu ostean
Gazako gatibuak Israelera bueltan eramango dituen su-eten akordio bat eskatu dute, ohi baino jende gehiagorekin egindako protesta jendetsuan, horien bideo batzuk zabaldu ostean. Bideo horietan, bahituek muturreko argaltasuna erakusten dute eta akordio bat eskatzen diete agintariei. Israelek 104 pertsona hil ditu azken orduotan Gazako Zerrendan.
Hamasek dio ez dela desarmatuko Estatu palestinar bat ezarri arte
Horrela erantzuten dio Steve Witkoff AEBk Ekialde Hurbilean duen mandatariari, talde islamista armak uzteko prest zegoela esan ondoren.