Gasteizko sei suhiltzaile, Turkiara bidean: "Laguntzera eta taldean lan egitera goaz"
Gasteizko sei suhiltzaile Turkiara bidean dira, lurrikaren ondoren hondakinen azpian harrapatuta geratu diren herritarren erreskatean laguntzera. Halako hondamendietan eskarmentu handia duen Acción Norte gobernuz kanpoko erakundeak antolatu du espedizioa, beste hainbat elkarterekin elkarlanean.
Madrildik Istanbulerako hegaldia hartu dute aurrena suhiltzaile arabarrek, eta handik Adanara joango dira, Turkia hegoaldera. EITB Mediari egindako adierazpenetan, Ander Bergara erreskate lanetan parte hartuko duen suhiltzaileetako batek azaldu du tamaina honetako hondamendi batean inoiz ez dutela parte hartu, eta euren egitekoa "lantaldean lan egin" eta "han dauden agintarien aginduak jarraitzea" izango dela. "Laguntzera goaz, eta ez traba egitera", esan du.
Bidaia antolatzea "zaila" izan dela ere gehitu du, bereziki, "erreskaterak material asko" daramatelako. "Ez da erraza izan. Enbaxadekin eta hegazkin konpainiekin harremanetan jarri behar izan dugu, suntsitutako eraikinetan erreskate lanak egiteko materiala eraman behar dugulako: hormigoia eta egurra mozteko makinak, argiztatzeko materiala, argindar sorgailuak..."
Bere aldetik, Bingen Zupiria Eusko Jaurlaritzako eledunak atzo adierazi zuen Turkiara laguntza bidaltzeko prest daudela, Espainiako Gobernuak —hondamendietarako laguntza kudeatzeaz arduratzen da— hala eskatzen dienean.
Turkia eta Siria astindu dituzten lurrikarek, gutxienez, 8.700 hildako utzi dituzte. 100 herrialde eta erakunde ingururen babesa ari dira jasotzen herrialde horiek, batez ere, erreskateetarako boluntario-taldeen ekarpenarekin. Hala ere, laguntza modu desberdinean iristen da, estatu otomandarrak Siriak baino baliabide askoz gehiago baititu.
Zure interesekoa izan daiteke
Ekialde Hurbila gerraren hirugarren astean sartu da, eraso artean eta Ormuzko itsasarteari begira
Israelek eta Iranek bonbardaketak areagotu dituzte, munduko energia garraioari buruzko ziurgabetasuna handitzen ari den bitartean. AEBk merkatua ireki dio aldi baterako Irango petrolio gordinari, eta ez du argitu Ormuzen esku hartuko duen ala ez.
Israelgo Poliziak gas negar-eragilea erabiliz sakabanatu ditu Al Aksa meskitara hurbildu diren palestinarrak
Meskita hori musulmanentzat hirugarren garrantzitsuena da. Israelek sarbidea mugatuta dauka 2023ko urriaren 7an Hamasek erasoak egin zituenetik, baina Irango gerra hasi zenetik blokeoa nabarmenagoa da; beraz, fededun asko Jerusalemgo Hiri Zaharreko harresitik kanpo elkartu dira ramadanaren amaierako otoitzak elkarrekin egiteko.
Iranek Turkiari eta Omani eraso egin izana ukatu du Khameneik, eta Israelen "bandera faltsuko operazioak" direla ziurtatu du
Irango buruzagi gorenak "harreman hobeak" izateko eskatu die Afganistani eta Pakistani "musulmanen zatiketa saihesteko", "herrialde anaiak" direlako, eta bitartekari izateko prest agertu da.
Ekialdi Hurbilean izandako azken erasoek petrolio azpiegiturak eta garraioa izan dituzte helburu
Azken orduetan ugaritu egin dira petrolio azpiegituren eta garraioen aurkako erasoak. Iranek eta Qatarrek partekatzen duten gas plantaren aurkako erasoa egin du Israelek. Iranek gogor erantzun du, misil oldea jaurtiz Bahrain, Saudi Arabia, AEB, Kuwait eta Jerusalem aldera.
EBk premiazko neurriak eskatu ditu Irango gerraren eragin ekonomikoa geldiarazteko
Europako buruzagiek energiaren prezioari buruzko berehalako neurriak eskatu dizkiote Batzordeari, eta gatazka arintzearen alde agertu dira; zenbait herrialde Ormuzko itsasartera laguntza bidaltzeko prest agertu dira.
Emakume bat hil da Suitzako Alpeetan, bera zegoen teleferikoko kabina maldan behera erorita
Ezbeharra izan da asteazken honetan Titliseko eski estazioan, Suitzako erdialdean. Teleferikoa lokabe geratu da, eta maldan behera erori da. Hildakoa zen kabinako bidaiari bakarra. Suitzako Meteorologia Bulego Federalaren arabera, istripuaren unean 100 eta 130 km/h arteko haize-ufadak zeuden.
Txertoak agortu dira eta farmaziak gainezka daude Erresuma Batuan, meningitis-agerraldi baten ondorioz
Kezka zabaldu da Erresuma Batuan. Unibertsitate-ikasleak biltzen diren Canterburyko diskoteka batean hasi da agerraldia. Dagoeneko bi pertsona hil dira, eta gutxienez 20 kutsatu dira.
Petrolio-upelaren prezioa 113 dolarrera igo da, eta gasa % 30 garestitu, Qatarko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako burtsek behera egin dute gogor, eta Europakoetan eguna negatiboan hastea aurreikusten da, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, eta egoera are gehiago zaildu eta mundu osoari kalte egin diezaioketela.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.