G7ak ikatza baztertzeko prozesua bizkortzea adostu du, baina energia nuklearra babestea egotzi dio Alemaniak
G7ko Energia eta Ingurugiro ministroak ikatzaren eta bestelako erregai fosilen erabilera baztertzeko prozesua bizkortzeko konpromisoa berretsi dute, baina ez dute epe zehatz berririk jarri, estatuetako batzuen nahiaren aurka, eta Alemaniak gogor kritikatu du herrialde batzuk energia nuklearraren alde agertzea Berlinek herrialdeko zentral guztiak itxi berri dituenean.
"Gure konpromisoa berresten dugu, mundu mailako esfortzuaren testuinguruan, 2050erako energia sortzeko sistemen isuri garbia zero izan dadin", jaso dute ministroek Sapporon (Japonia) sinatu duten agirian.
Dokumentuak ez du 2050eko epemuga baino lehenagoko datarik aipatzen, G7ko kideetako batzuk hala nahi bazuten ere, izan ere, Japonia bera da horri galga jarri dionetako bat, ikatzaren eta gas eta petrolio inportazioen mendekoa baita bere energia eredua.
Ministroek energia hornidurarako iturriak dibertsifikatzea eta "energia garbiak, seguruak, iraunkorrak eta eskuragarriak" garatzea proposatu dute, 2050era begira hartutako konpromisoaren harira.
Hala ere, "energia segurtasuna, eskuragarritasuna eta erresistentzia" ere aipatzen ditu akordioak, "pobrezia energetikoa"rekin eta eremu zaurgarrietako "langileak, eskualdeak eta komunitateak laguntzea"rekin batera.
Hori industrializatzeko bidean dauden herrialdeei egindako erreferentzia bat da, ikatzaren oso mendeko diren eta garapen bidean dauden Asiako herrialdeei egina bereziki.
Energia nuklearrari emandako babesa kritikatu du Alemaniak
Bestalde, Alemaniako Gobernuak, atzo martxan zituen zentral nuklear guztiak itzali ostean, gogor kritikatu du herrialde "bakoitzak bere erritmora" jokatzea, energia nuklearrarekiko mendekotasuna barne hartzen baitu horrek.
Steffi Lemke Alemaniako Ingurugiro ministroak esan du ez dela "sekretua G7ko herrialdeen artean iritzi desberdinak daudela energia nuklearraren inguruan".
Alemaniak martxan zituen azken hiru zentral nuklearrak itxi zituen ostiralean, Isar, Neckar 2 eta Emsland, baita mundu mailako energia krisiaren erdian egin ere.
G7ko herrialdeek egindako itunean agertzen denez, baina, "energia nuklearraren aldeko apustua egiten duten herrialdeek karbono gutxi eraginez energia sortzeko duen gaitasuna nabarmentzen dute, eta eskuragarri dela erregai fosilen mendekotasuna murrizteko, klima krisiari aurre egiteko eta mundu mailako energia segurtasuna bermatzeko".
Albiste gehiago mundua
EBk Errusiaren "probokazioei erantzungo” diela agindu du, hegazkin militarrak Estonian eta Polonian sartu ostean
Poloniak eta Errumaniak antzerako gertakariak salatu zituzten duela egun batzuk. Europar Batzordeak Errusiaren aurkako zigor sorta berria aurkeztu duen egunean gertatu dira.
Israelek "aurrekaririk gabeko indarra" erabiliko du Gaza hiriaren aurkako erasoaldian
2023ko urriaren 7az geroztik, 65.100 palestinar baino gehiago hil ditu Israelek Gazako Zerrendan burututako erasoaldietan, agintari gazatarren arabera.
Nor da Jimmy Kimmel eta zein dira bere programa bertan behera utzi ondorengo polemikaren gakoak?
Umorista ezagunaren "Jimmy Kimmel Live!" saioa bertan behera utzi izanak areagotu egin du adierazpen-askatasunari eta zentsurari buruzko eztabaida Ameriketako Estatu Batuetan.
Kritikatzen duten kanalei emisio baimenak kentzeko mehatxua egin du Trumpek
"Nonbait irakurri dut kanalak % 97an daudela nire aurka, % 97an negatiboa. Eta, hala ere, erraz irabazi nuen zazpi estatu giltzarrietan (presidentzialetan). % 97 nire aurka badaude, publizitate txarra ematen didate eta lizentzia bat baino ez dute, baimena kendu beharko lieketela esango nuke", esan du Air Force One hegazkinean.
ABCn Jimmy Kimmelen programa bertan behera uztea eragin zuen bakarrizketa
Komiko estatubatuarrak zuzenean kritikatu zuen Etxe Zuriak Charlie Kirken hilketaren aurrean izandako erreakzioa, eta Trumpen adierazpenak erakutsi zituen. Horrek Etxe Zuriaren haserrea eragin zuen.
Ehunka mila lagun kalera atera dira Frantzian, aurrekontu-doikuntza bertan behera uzteko eskatuz
300 pertsona baino gehiago atxilotu dituzte Frantzian, blokeo saiakeretan parte hartzeagatik. Austeritate politiken aurkako aldarria ozen eta argi entzun da Lyon, Marseilla, Lille, Nantes eta Parisen, besteak beste.
Macrontarrek froga zientifikoak aurkeztuko dituzte Brigitte emakumea dela frogatzeko
Frantziako presidenteak eta haren emazte Brigittek dokumentazioa aurkeztuko dute difamazioagatik Candace Owens komentarista kontserbadorearen aurka jarri duten demanda batean, hark Macronen emaztea gizon jaio zela sustatu ondoren.
ABCk bertan behera utzi du Jimmy Kimmelen telebista saioa Charlie Kirki buruz egindako iruzkinengatik
Pasa den asteleheneko saioan, Jimmy Kimmel umoregileak Donald Trump presidentearen bueltako jarraitzaileei leporatu zien Charlie Kirk ekintzaile ultrakontsebardorearen hilketarekin etekin politikoa atera nahi izatea.
Trumpen bisita Erresuma Batura: harrera ikusgarria Windsorren eta herritarren prostestak kalean
Donald Trump AEBko presidenteak bigarren bisita ofiziala hasi du, gaur, Erresuma Batuan. Carlos III .a erregeak gala handiko harrera egin dio Windsor gaztelua, eta, adi berean, milaka pertsona kalera atera dira, AEBko presidenteak ezarritako politiken aurka protesta egiteko.
Bruselak Israeli muga-zergak ezartzea eta funtsak etetea proposatu du, ez ordea merkataritza haustea
Zigorrak proposatu dizkie Bezalel Smotrich eta Itamar Ben Gvir ministroei, kolono bortitzei eta Hamaseko hamar bat buruzagiri.