Donald Trump kondenatu egin dute sexu abusua egotzita, baina ez sexu erasoagatik
Epaimahaiak errudun jo du Donald Trump Ameriketako Estatu Batuetako (AEB) presidente ohia E. Jean Carroll idazleari sexu abusua egitea egotzita, baina ez sexu erasoagatik. Carrollekin batera, 10 emakumek baino gehiagok salatu zuten buruzagi errepublikarra, baina idazlearen salaketak bakarrik egin du aurrera.
Salaketok 2016an aurkeztu zituzten biktimok, AEBko Presidentetzarako hauteskunde kanpainan argitaratu zen Trumpen bideo baten harira. Grabazioan harro ageri zen politikaria, nahi zuenean "emakumeak musukatzen eta ukitzen" zituela-eta.
Erasoa 90eko hamarkadan jazo zen. Carrollek salatu zuenez, agintari ohiak sexu erasoa egin zion New Yorken, merkataritzagune bateko aldageletan, eta iraindu egin zuen gertatutakoa 2019an publiko egin zuenean. Irainak esateagatik ere jo dute errudun orain Trump.
Gainera, epaimahaiak ebatzi du Donald Trumpek bost milioi dolarreko kalte-ordaina eman beharko diola Carrolli. Horietako bi eragindako kalteengatik eta 2,7 milioi ospearekin lotutakoak. Hala eta guztiz ere, ez da espetxe-zigorrik izango.
Beraz, epai honekin, Donald Trump lehen aldiz zigortu dute AEBko presidentetza utzi zuenetik.
E. Jean Carroll: "Garaipena da sinistu ez dituztela eta sufritu duten emakumeentzat"
Idazlea pozik azaldu da epaiaren berri jakitean. Ohar batean azpimarratu duenez, "garaipena niretzat ez ezik, sinistu ez dituztela-eta sufritu duten emakumeentzat ere bada".
"Nire izena garbitzeko eta bizitza errekuperatzeko aurkeztu nuen salaketa. Gaur egia ezagutzen du mundu guztiak", erantsi du.
Carroll, epaitegitik ateratzean.
"Lotsagarria"
AEBko presidente ohiak "lotsagarritzat" jo du epaimahaiaren epaia, eta biktima ezagutzen ez duela ziurtatu du. "Ez dakit nor den emakume hau. Epaia lotsagarria da, garai guztietako sorgin ehiza handienaren jarraipena ", adierazi du Donald Trumpek sare sozialen bidez.
Epaia ikusita, Trumpen aldeko kanpainak iragarri du helegitea aurkeztuko duela.
Mezu horrekin batera, Trumpen hondamendia izan ziren hauteskundetako argudioei ere heldu die taldeak: "Salaketa faltsuek eta erabat asmatuek gure hauteskundeak oztopatzeko aukera eman dugu, kalte handia eraginez".
Zure interesekoa izan daiteke
Libano hegoaldean "substantzia kimiko ezezagun bat" botatzea leporatu dio FINULek Israeli
Nazio Batuen Libanoko Bitarteko Indarrak adierazi du kezkatuta dagoela kimiko horiek osasunean, nekazaritza-lurretan eta zibilak beren etxeetara itzultzean izan dezaketen eraginagatik.
Mikel Reparazek egungo egoera geopolitikoari buruz egindako dokumentala proiektatuko dute bihar Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, sosaldia antolatu dute.
AEBk irlaren kontrola bereganatzeko helburua izaten jarraitzen duela ohartarazi du Groenlandiako lehen ministroak
AEBko presidenteak diskurtsoa leundu eta indarra erabiltzeko mehatxuetan atzera egin duen arren, Groenlandiak uste du presioak bere horretan jarraitzen duela.
Ehunka hildako Kongoko meategi batean izandako luizi batean
Luizia joan den ostegunean gertatu zen, M23 matxino-taldearen kontrolpean dagoen meategi batean. Hildako gehienak artisau-meatzariak dira, baina meategiaren inguruan lan egiten zuten merkatari txikiak eta inguruko herrixketako bizilagunak ere hil dira.
Grammy sarien aurkezlea salatzeko mehatxua egin du Trumpek, Epsteinen uhartean egon zela esan zuelako
Trevor Noahk egindako bakarrizketetako batean esan zuenez, Trumpek "Epstein ez dagoenetik beste uharte bat behar du Bill Clintonekin egoteko", Groenlandiari erreferentzia eginez.
Mette-Marit Norvegiako printzesa, Elon Musk eta Jose Maria Aznar: Epstein pederastaren artxiboetan agertu berri diren izenak
Jeffrey Epstein sexu-delitugilearen artxiboetako hiru milioi orrialde baino gehiago argitaratu ditu AEBk. Bertan, politikarien eta Europako ehundutako sare handiaren isla.
Liam Conejo bost urteko mutikoa eta bere aita aske utzi dituzte eta Minnesotara itzuli dira
Fred Biery Texasko epaile federalak Liam eta Adrian Conejo behin-behinean aske uzteko agindua eman zuen larunbatean, irekitako immigrazio prozedura ebazten den bitartean. Aita-semeak ICEk atxilotu zituen Minnesotan, eta horrek haserrea eragin zuen herrialde osoan.
Rafahko pasabidea ireki dute, ia bi urtez itxita egon ondoren
Egiptoko segurtasun iturriek jakitera eman dutenez, egunean 150 pertsona atera ahalko dira Gazako Zerrendatik, eta 50 sartu.
Trumpek Irani eraso egiteko mehatxua berretsi du, Khameneik gatazka eskualde osora zabalduko dela ohartarazi ostean
Teheranekin gai nuklearren inguruan itun bat lortzea espero duela adierazi du AEBko agintariak, baina gehitu duenez, "akordiorik lortzen ez badugu, orduan jakingo dugu Khameneik arrazoia zuen ala ez".
Costa Ricak eskuinerako bidean jarraitzen du, eta Laura Fernandez izango du presidente
Lehen itzulian gehiengo zabalez irabazi du, eta aldaketa "sakonak eta atzeraezinak" agindu ditu. Oposizioak, berriz, ohartarazi du ez duela onartuko "bidegabekeriarik".