GRANADAKO GOI-BILERA
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Migrazioaren gaia sartu gabe onartu dute Granadako Adierazpena, Poloniaren eta Hungariaren oposizioagatik

EBko estatu kideek ez dute lortu migrazioaren inguruko testu bateratu bat adostea eta, beraz, atal hori ez dute txertatu Granadako Adierazpena deituriko dokumentuan.
Sanchez, Michel eta Von der Leyen, gaur Granadan.
Sanchez, Michel eta Von der Leyen, gaur Granadan. Argazkia: EFE
author image

AGENTZIAK | EITB MEDIA

Azken eguneratzea

Poloniak eta Hungariak aurrez esana zuten ez dutela babestuko migrazioari eta asiloari buruz Europar Batasunak adostutako ituna, eta euren jarrerari tinko eutsi diote gaur Granadan egin duten Europar Kontseiluaren Batzarrean. Horrenbestez, Granadako Adierazpena izenarekin bataiatu duten dokumentuan migrazioaren atala ez dute txertatu.

Nolanahi ere, mahai gainean izan dituzten gainerako gaiei buruz —Europaren zabaltzea eta autonomia estrategikoa— lortu dute ados jartzea, eta horien inguruko xehetasunak jasota geratu dira testuan.

Joan den asteazkenean, EBko 27 estatu kideek migrazio-politikaren erreforma desblokeatu zuten, "krisi-mekanismoa" delakoaren prozedura adostuta. Horrela, gobernuek eta Europako Parlamentuak negoziazioei berriro ekiteko azken oztopoa gainditu zuten, datorren urteko ekainean Migrazio Ituna ixteko.

Itun horrek aurrera egiteko ez da beharrezkoa herrialde guztiek aho batez ontzat ematea, gehiengoarekin nahikoa da. Hain zuzen, hori da Poloniak eta Hungariak behin eta berriz kritikatu dutena. Horien iritzian, migrazioari buruzko erabakiek kide guztien oniritzia behar dute.

Viktor Orban Hungariako lehen ministroa gogor mintzatu da EBren kontra, hainbat herritarren eskubideak "urratzen" ari dela iritzita.

Bere aldetik, Ursula von der Leyen Europako Batzordeko presidenteak esan duenez, Brusela prest dago Europar Batasunean sartzeko "legezko ibilbideak" zabaldu eta "giza korridoreak" bermatzeko, baina, era berean, uste du irmo jokatu behar dela nazioarteko babesa jasotzeko eskubidea ez duten migratzaileak "itzultzeko" orduan.

Europar Batasuneko itunen aurka
Politika Munduko albisteak Europar Batasuna Migrazioa Europa Brusela Eguneko Titularrak Polonia Europako Parlamentua Hungaria

Zure interesekoa izan daiteke

HAVANA (Cuba), 13/03/2026.- A handout photo made available by the Office of the President of Cuba showing Cuban President Miguel Diaz-Canel speaking during a press conference in Havana, Cuba, 13 March 2026. The Cuban government stated that the island 'has not relinquished its sovereign right to receive oil supplies', amid a severe energy crisis and an oil embargo imposed by the US since January, which has led to increased power outages. (La Habana) EFE/EPA/ALEJANDRO AZCUY / CUBA PRESIDENT OFFICE / HANDOUT HANDOUT EDITORIAL USE ONLY/NO SALES
18:00 - 20:00
ZUZENEAN
Duela  min.

Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"

Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste. 

Gehiago ikusi
Publizitatea
X